Salmos 145:3 - Chayahuita (Shahui)

³ Siniorosoꞌ, chini chiníquën nanantërin. Inasáchin noya noya chinotahuaꞌ. Chiníquën nanantërinsoꞌ, co inquënpoa tëranta nitotarihuahuëꞌ.

Salmos 145:3 ပူးပေါင်းရင်းမြစ်များ

Copo naporinso' 5:9

Inasoꞌ, nani maꞌsha paꞌpi huëhuëpiro nininsopita ninin. ¡Naꞌaro naporin! Naporinsopita co insonta nanitërinhuëꞌ nitotacasoꞌ.

Salmos 139:6

Yaꞌipi inaporanso yonquihuatora, paꞌyanahuë. Onpoatonso napomaranquën. Yonquirahuësoꞌ, co inaquë huarëꞌ icaninhuëꞌ.

Salmos 96:4

Yosëso chini chiníquën nanantërin. Inasáchin chinotacaso yaꞌhuërin. Mamanshiroꞌsasoꞌ topinan quëran tëꞌhuatopi. Yosë tëhuënchinsoꞌ tëꞌhuatacaso yaꞌhuërin.

Isaías 40:28

¡Nani canpitaso nitotëramaꞌ! ¡Nani shaꞌhuitërinënquëmasoꞌ natanamaꞌ! Sinioronënpoasoꞌ, Yosë yaꞌhuëmiatërinsoꞌ. Inari isoroꞌpaꞌ, yaꞌipi yaꞌhuërinsopitarë chachin acorin. Co aso canotaton nëꞌca nëꞌcatosárinhuëꞌ. Nitotërinsontaꞌ, co naninahuanhuëꞌ.

Romanos 11:33

¡Ma noyacha Yosësoꞌ catahuarinpoa paya! ¡Ma noyacha yonquirin paya! Yaꞌipiya nitotërin. Yonquirinsopita co nitotochináchinhuëꞌ ninin. Naporahuaton, ina pochin cancantacasoꞌ co onporontaꞌ nanitarihuahuëꞌ.

Apocalipsis 15:3

Iráca Moisësë Yosëíchin natëton, inimiconënpita minsërahuaton, cantarin. Inapochachin isopitantaꞌ cantarapi. Carniroaꞌhua cantarinsontaꞌ cantarapi. “¡Ma noyanquëncha, Sinioro, quëmaso paya! Yaꞌipi nanitaparan. Ma noyacha catahuarancoi paya. Chiníquën nanantaton, noya ninan. Noya huaꞌanëntaton, noꞌtëquën anaꞌintëran. Co onporontaꞌ nonpinanhuëꞌ. Yaꞌipi piyapiꞌsaꞌ natëinënquën.