Salmos 14:4 - Chayahuita (Shahui)

⁴ Co noyahuëꞌ nipisopitasoꞌ, co manta yonquirëhuë pochin nipi. Cosharo caꞌnëso pochin Yosë piyapinënpitanpoa nitarinënpoaꞌ. Naporahuatonaꞌ, co manta Sinioro chinotopihuëꞌ.

Salmos 14:4 ပူးပေါင်းရင်းမြစ်များ

Salmos 27:2

Aꞌnaquën co noyahuëꞌ nipisopita, inimicotërinaco. Niyontonatonaꞌ, yaahuërinaco. Ahuëatonaco ataꞌhuantiinacoso yonquipi. Napoaponaraihuëꞌ, inahuasá iꞌparahuatona anotopiso pochin nisapi.

Isaías 45:20

Naquëranchin Sinioro nontaantarinpoaꞌ: “Canpitaso taꞌhuantamaso nipirinhuëꞌ, chaꞌëramasopita huëcatoma niyontonco shaꞌhuichinquëmaꞌ. Naꞌa piyapi yaꞌhuërin co manta yonquipisohuëꞌ. Inapitasoꞌ nara quëran mamanshi nipiso pitënahuatona ichiconipi. Inapitasoꞌ co piꞌpian tëranta nichaꞌëcasoꞌ nanitopihuëꞌ. Napopirinahuëꞌ, ina chinotatona nontopi.

Isaías 64:6

Yaꞌipicoi quiyasoꞌ, amirotochináchin quëmapi pochin ninai. Yaꞌipi noya ninaisopitantaꞌ, amiro nëꞌmëtë pochin niconin. Naramë ahuiton shitatërinso pochin ninai. Paꞌpi co noyahuëꞌ ninaisoꞌ naꞌintërincoi niꞌton, ihuan maꞌsha quiquirinso pochin nitërincoi.

Isaías 64:7

Co incoi tëranta chinotërainquënhuëꞌ. Quëmasáchin cancantaꞌhuaisoꞌ, co nohuantëraihuëꞌ. Napoaton naꞌpitatë pochin nitërancoi. Co noyahuëꞌ ninai niꞌton, aꞌporancoi.

Amós 8:4

Aꞌnaquëmaso co panorohuanhuëꞌ nicatomaꞌ, sano piyapiroꞌsa ihuaramaꞌ. Popriyatopisopitantaꞌ, naꞌcon naꞌcon aparisitëramaꞌ.

Romanos 1:28

Co Yosë yanatëpihuëꞌ niꞌton, inari aꞌporin co noyahuëꞌ nicacaiso marëꞌ. Nitapicancamiatopi.

Gálatas 5:15

Ninoꞌhuihuatamaꞌ, paꞌpi co noyahuëꞌ nisaramaꞌ. Tanan niꞌniroꞌsaꞌ niquëtëpiso pochin cancantaramaꞌ. Nipinocasontaꞌ co noyahuëꞌ. Ina pochin nipatamaꞌ, niꞌcona yaꞌipinquëmaꞌ nitapicancantamaꞌ.