Salmos 139:2 - Chayahuita (Shahui)

² Yaꞌipi ninahuësopita quëmasoꞌ nitotëran. Aquëranta nipirinhuëꞌ, maꞌsona yonquirahuëso nitotëran.

Salmos 139:2 ပူးပေါင်းရင်းမြစ်များ

Génesis 16:13

Siniorori nontërin niꞌton, Acarasoꞌ paꞌyanënquë tapon: “¿Yosë chachin nontaporahuë co chiminahuë ti?” tënin. Ina yonquiaton, iso pochin Sinioro nohuitërin: “Nicatonco, catahuarincoso Yosë,” itërin.

2 Reyes 19:27

Intohuasoꞌ paꞌpatan, nani nitotërahuë. Maꞌsona nipatanantaꞌ, yaꞌipi nitotërahuë. Noꞌhuimiatërancosontaꞌ, nitotërahuë.

2 Reyes 6:12

Napotohuachina aꞌnari itapon: —Co insonta naporinhuëꞌ. Irisio inaquë yaꞌhuëaton, yaꞌipi quëma naporansoꞌ, Israiro copirno shaꞌhuitërachinin. Huëꞌëranquë tëranta napohuatan, inaso nitotapon, itërin.

Proverbios 15:3

Siniorosoꞌ yaꞌipi parti yaꞌhuëarin. Noya nipisopita, co noyahuëꞌ nipisopitanta yaꞌipi niꞌsárin.

Mateo 9:4

Topinan yonquinëna quëran napoápirinahuëꞌ, Quisosori nitotaton. —¿Onpoatomataꞌ co noyahuëꞌ yonquirapiramaco?

Lucas 9:47

Co natanaponahuëꞌ, inaora yonquinën quëran Quisoso nitotërin. Napoaton huaꞌhuasha maimirarahuaton, yaꞌcariya ahuanirin.

1 Corintios 4:5

Napoaton iporasoꞌ ama nishaꞌhuirapiahuasohuëꞌ. Aꞌna tahuëri Sinioro oꞌmantahuachin, yaꞌipi piyapinpoaꞌ tëniarinpoaꞌ. Yaꞌipi ninëhuasopita anitotarinpoaꞌ. Poꞌoana quëran ninëhuasopitantaꞌ aꞌninquëchin shaꞌhuitarinpoaꞌ. Yonquirëhuasopitantaꞌ nitotërin. Maꞌmarësona tërantaꞌ naporëhuasoꞌ anitotarinpoaꞌ. Naporoꞌ yaꞌipinpoaꞌ noꞌtëquën nontarinpoaꞌ. Noya nipatëhuaꞌ, noya niꞌsarinpoaꞌ.

Deuteronomio 31:21

Napoaponahuëꞌ, aꞌporinacoso marëꞌ paꞌpi parisitohuachinaꞌ, naporo iso cantanën aꞌchintëransoari ayonquiarin huachi: ‘Tëhuënchachin nani cantanën quëran shaꞌhuitopirinpoahuëꞌ,’ tëcapona huachi. Shiparinanta iso cantanën nitotatonaꞌ, cantapona niꞌton, yonquiapi antaꞌ. Coꞌhuara shaꞌhuitëranquëmasoꞌ noꞌpaquë poꞌmoyatërasocohuëꞌ, nani nitotërahuë co noyahuëꞌ nicacaisoráchin cancantopisoꞌ. Napoaton iso cantanën aninshitaranquën,” itërin Siniorori.