Salmos 127:1 - Chayahuita (Shahui)

¹ Coꞌsoꞌ Sinioro pëicasoꞌ catahuahuachinpoahuëꞌ, topinan quëran pëinaꞌpiroꞌsa sacatopi. Coꞌsoꞌ Sinioro ninano aꞌpaihuachinhuëꞌ, topinan quëran aꞌpaitoroꞌsa aꞌpaitopi.

Salmos 127:1 ပူးပေါင်းရင်းမြစ်များ

1 Reyes 5:12

Inapoaton Siniorori Saromon catahuarin yonquínahuan nicacaso marëꞌ. Shaꞌhuitërinso chachin acotërin. Naporahuaton Saromonisoꞌ, Iran copirnorëꞌ noya ninicatona yaꞌhuëcaiso marëꞌ anoyatopi.

Salmos 121:1

Motopiroꞌsa nëꞌpërahuato naporahuë: “¿Incha iporasoꞌ catahuaincoso marëꞌ huëꞌnëpoya?” tënahuë.

Salmos 122:1

“Sinioro chinotacaso pëiquë paꞌahuaꞌ,” itohuachinacora, inapitaroꞌco capa cancantërahuë.

Salmos 124:1

Yosë tëhuënchachin catahuarinpoaꞌ. Co catahuarinpoahuë naporini, inimiconënpoapita nani minsëitonpoahuëꞌ. Inachachin yaꞌipi israiroꞌsanpoa shaꞌhuiahuaꞌ. Inimicoroꞌsa ahuëinënpoaso marëꞌ huëꞌpirinahuëꞌ, Sinioro catahuarinpoaꞌ.

Salmos 126:1

Nisharoꞌsa yaꞌhuëpiquë parisitápirëhuahuëꞌ, Sinioro nohuanton yaꞌhuërëhuaquë chachin yaꞌhuëantarëhua huachi. Inaporëhuasoꞌ, huaꞌnarëso pochin cancantopirëhuahuëꞌ, noꞌtëquën niꞌton, capa cancantatëhua huinarëhuaꞌ. Naporahuatëhuaꞌ, nonca noncáchararëhuaꞌ. Nisha nisha piyapiroꞌsantaꞌ: “¡Ma noyacha Siniorori catahuarin paya!” topi.

Salmos 72:1

Quëmasáchin Yosënquën niꞌton chinotaranquën. Copirnonëhuëi catahuaquëꞌ. Quëma pochin noꞌtëquën yonquiaton, noyasáchin niin.

Eclesiastés 9:11

Isopitantaꞌ, isoroꞌpaquë niꞌnahuë: Taꞌapisopita nicanahuachinara, co chini chiníquën taꞌapisopitaráchin canatopihuëꞌ. Ahuëtohuachinarantaꞌ, co chiníquën cancantopisopitaráchin canatopihuëꞌ. Co yonquínahuan nipisopitaráchin cosharohuanpihuëꞌ. Co yonqui yonquicharapisopitaráchin maꞌhuanpihuëꞌ. Co nitotonoꞌsaráchin piyapiꞌsari noya niꞌpihuëꞌ. Yaꞌipinpoa capainchiaquë huarëꞌ noya ninëhuaꞌ.

1 Corintios 15:14

Co nanpiantarinhuëꞌ naporini, topinan quëran aꞌchinchitënquëmahuëꞌ. Canpitantaꞌ topinan quëran natëitomahuëꞌ.

1 Corintios 3:7

Napoaton co ca imamacosoꞌ yaꞌhuërinhuëꞌ. Aporosëntaꞌ co imacaisoꞌ yaꞌhuërinhuëꞌ. Yosë anoyacancantërinquëmaꞌ niꞌton, inasáchin yonquicamasoꞌ yaꞌhuërin.

Gálatas 4:11

Noꞌtëquën iyaroꞌsaꞌ aꞌchintopiranquëmahuëꞌ, naniantëramaꞌ nimara, tënahuë. “Topinan quëran aꞌchintërahuë nimara,” taꞌto sëtërahuë.

Deuteronomio 8:18

Sinioro achinirinquëma niꞌton, sacatatoma nani maꞌsha maꞌpatëramaꞌ. Shimashonënpoapitarëꞌ anoyataton, shaꞌhuitërinsoꞌ nanicaso marëꞌ catahuarinquëmaꞌ. Ama ina naniantocosohuëꞌ.

Josué 2:2

Napoaponahuëꞌ, aꞌna yaꞌhuëhuani quënanahuaton, Quirico copirno shaꞌhuitoonin: —Cato Israiro quëmapiꞌsa yaꞌhuërëhuasoꞌ, nëhuëcaiso marëꞌ huëꞌpi, itërin.