Salmos 121:7 - Chayahuita (Shahui)

⁷ Nani maꞌsha huëhuëpiro quëran Sinioro paꞌpoyararinpoaꞌ. Inapotarinpoa niꞌton, noya nanpiarihuaꞌ.

Salmos 121:7 ပူးပေါင်းရင်းမြစ်များ

Génesis 28:15

Niꞌquëꞌ. Carinquën caꞌtanaranquën. Intópanta paꞌpatan, carinquën aꞌpaiaranquën. Carinquën chachin iso noꞌpaquë quënantaranquën. Co onporonta pataranquënhuëꞌ, yaꞌipi shaꞌhuitëranquënsoꞌ naniquë huarëꞌ catahuararanquën,” itërin.

Salmos 145:20

Sinioro nosoropisopitasoꞌ, inari paꞌpoyararin. Co noyahuëꞌ nipisopitasoꞌ, ataꞌhuantarin.

Salmos 34:22

Piyapinënpitasoꞌ, Siniorori nichaꞌësarin. ¡Inasáchin chinotopisopitasoꞌ, co onporonta anaꞌintacaso yaꞌhuëaponhuëꞌ!

Números 6:24

‘Sinioro chachin catahuainquën, huiꞌnanpita, pëꞌtahuanënpita, shanënpita, inapita anaꞌáchinquën. Ina chachin nosoroatënquën noya aꞌpaiꞌinquën.

Mateo 6:13

Co noyahuëꞌ yonquihuatoi, catahuacoi aꞌnaroáchin nanianchii. Catahuacoi ama sopai minsëincoisohuëꞌ. [Quëmasáchin huaꞌanëntarancoi. Yaꞌipi nanitaparan. Ipora quëran huarëꞌ yaꞌipiya natëinënquën. Amen,]’ itocoꞌ Yosë nontohuatamaꞌ.

Romanos 8:28

Yosë nosorohuatëhuaꞌ, noyasáchin yonquirinpoaꞌ. Maꞌsha onpohuatëhuara, naꞌcon catahuarinpoaꞌ. Piꞌpian parisitapirëhuahuëꞌ, ina nohuanton, parisitërëhua quëran noya noya pipiarëhuaꞌ. Achinicancaninpoaꞌ niꞌton, noya noya imarihuaꞌ. Nani huayoninpoaꞌ ina nohuantërinsoꞌ nicacaso marëꞌ.

2 Timoteo 4:18

Paꞌpi co noyahuëꞌ yonquirapihuachinacontaꞌ, onpopiontaꞌ nichaꞌësarinco. Quisocristo anoyacancantërinco niꞌton, aꞌna tahuëri huaꞌanëntërinquë quëpantarinco. ¡Ma noyacha Quisocristoso paya! Ipora quëra huarëꞌ inasáchin chinotahuaꞌ. Amen.