Salmos 121:3 - Chayahuita (Shahui)

³ Ina aꞌpaiarinpoa niꞌton, co toꞌcoitarihuahuëꞌ. Paꞌpoyainpoaso marëꞌ co piꞌpian tëranta huëꞌëponhuëꞌ.

Salmos 121:3 ပူးပေါင်းရင်းမြစ်များ

Salmos 127:1

Coꞌsoꞌ Sinioro pëicasoꞌ catahuahuachinpoahuëꞌ, topinan quëran pëinaꞌpiroꞌsa sacatopi. Coꞌsoꞌ Sinioro ninano aꞌpaihuachinhuëꞌ, topinan quëran aꞌpaitoroꞌsa aꞌpaitopi.

Salmos 66:9

Ina nohuanton nanpiarëhuaꞌ. Co taꞌhuantërëhuahuëꞌ.

Salmos 91:12

Ama naꞌpiquë tëranta iꞌpacaso marëhuëꞌ, imirina quëran masarinënpoaꞌ.

Proverbios 3:23

Intohua tëranta paꞌpatan, co manta tëꞌhuarëꞌquën paꞌsaranhuëꞌ. Naporahuaton, co toꞌcoitërëso pochin nisaranhuëꞌ.

Proverbios 3:26

Sinioro yonquiaton chiníquën cancantaran. Ina aꞌpaiarinquën niꞌton, co anotatë pochin nisaranhuëꞌ.

1 Pedro 1:5

Tata Yosë yaꞌipiya nanitaparin. “Yosë co quënanpirëhuahuëꞌ, catahuarinpoaꞌ,” topatëhuaꞌ, noya aꞌpaiarinpoaꞌ. Maꞌsha onpohuatëhuaꞌ, catahuarinpoaꞌ ahuantacasoꞌ. Ayaroꞌ tahuëri nóya nichaꞌësarinpoaꞌ. Nani yonquirin oꞌmantacasoꞌ. Aꞌna tahuëri niꞌsarëhuaꞌ. Oꞌmantaquë huarëꞌ aꞌpaiarinpoaꞌ.

1 Samuel 2:9

Sinioroáchin cancantopisopita intohuaso paꞌpachinara, inari noya aꞌpaiarin. Co noyahuëꞌ cancantopisopitaso nipirinhuëꞌ, chimipiroꞌsa nisapiquë paꞌsapi. Inaquësoꞌ, yaꞌipi tashinantárin. Co insonta inaora chininënquë noya noya niacoarinhuëꞌ.