Salmos 119:144 - Chayahuita (Shahui)

¹⁴⁴ Camaitëransopitasoꞌ, noꞌtëquënáchin camaitëran. Catahuaco yonquínahuan nicato yaꞌhuëꞌi.

Salmos 119:144 ပူးပေါင်းရင်းမြစ်များ

Salmos 119:138

Yaꞌipi camaitëransopitantaꞌ, noyasáchin camaitëran. Noꞌtëquënáchin shaꞌhuitërancoi.

Salmos 19:9

Sinioro tëꞌhuatatëhua natëhuatëhuaꞌ, co nëꞌhuëtërinso pochin nisarëhuahuëꞌ. Inapohuatëhuaꞌ, yaꞌhuëmiatarihuaꞌ. Shaꞌhuirinsopitasoꞌ, noꞌtëquënáchin. Yaꞌipi inapitasoꞌ, noyasáchin.

Proverbios 7:2

Aꞌchintatënquën camairanquënsopita natëquëꞌ. Yaꞌpira paꞌpoyarëso pochin inapita cancantohuatan, nanpiaran.

Oseas 4:6

Co nohuitërinacohuëꞌ niꞌton, piyapinëhuëpita ataꞌhuantarahuë. Canpita corto huaꞌanoꞌsanquëma tëhuërama niꞌton, napotarahuë. Canpita chachinta co nohuitëramacohuëꞌ. Naporahuaton co nohuantëramahuëꞌ nohuitamacosoꞌ. Napoaton cantaꞌ, co corto huaꞌanoꞌsa pochin niꞌnanquëmahuëꞌ. Pënëntërahuësonta naniantërama niꞌquëhuarëꞌ, canta canpita quëran pipipisopita catahuacaꞌhuasoꞌ, naniantarahuë.

Mateo 13:19

Tricoraya paꞌsarayarëso pochin Yosë nanamën yaꞌipi parti aꞌchintërëꞌ. ‘Yosë yahuaꞌanëntarinquëmaꞌ,’ topachina, aꞌnaquën piyapiꞌsaꞌ ira pochin nipi. Nanamën natanpirinahuëꞌ, co yonquipihuëꞌ. Inairaroꞌsari huëcapairahuatonaꞌ, pëꞌyaquipiso pochin aꞌnaroáchin sopai huëꞌnin. Huëꞌsahuaton, Yosë nanamën natanpisoꞌ osërëtiirin. Ananiantërin huachi.

Mateo 5:18

Tëhuënchachin itëranquëmaꞌ. Isoroꞌpaꞌ taꞌhuantaquë huarëꞌ Yosë quiricanën iráca ninshitopisoꞌ yaꞌhuápon. Co aꞌna huiꞌsharinso tërantaꞌ topinan quëran ninshitopihuëꞌ. Yaꞌipi ninorinsoꞌ naniarin huachi.

Juan 17:3

Quëmasáchin Yosënquën. Isoroꞌpaquë aꞌpaimaranco. Piyapiꞌsaꞌ nohuitahuatënënquën, cantaꞌ nohuitohuachinaco, nanpimiatapi.

2 Corintios 4:6

Yaꞌnan isoroꞌpaꞌ acoapon yaꞌipi parti tashipirinhuëꞌ: “Niiꞌsohuanchin huachi,” tënin Yosë. Napohuachina, tahuëri yaꞌhuërin. Inapochachin iporasoꞌ cancanënpoaquë aꞌpintërinpoaꞌ ina nohuitacaso marëꞌ. Inasoꞌ noya noya. Quisocristo yaꞌpirin quëran aꞌpintërinpoaso pochin ninin. Ina yonquihuatëhuaꞌ, Yosë chachin anohuitarinpoa huachi.