Salmos 118:4 - Chayahuita (Shahui)

⁴ Noya nicatona natëpisopitarintaꞌ: “Siniorosoꞌ nosoromiatërinpoaꞌ,” chinaꞌ.

Salmos 118:4 ပူးပေါင်းရင်းမြစ်များ

Salmos 100:5

Siniorosoꞌ noyasáchin ninin. Nosoromiatërinpoa niꞌton, co onporonta aꞌpoarinpoahuëꞌ. Shaꞌhuitërinpoaso chachin huiꞌnanpoaꞌ, shiaꞌhuayanënpoaꞌ, inapitanta noya catahuarápon.

Salmos 115:9

Israiroꞌsanpoasoꞌ, Sinioroíchin chinotahuaꞌ. Inasoꞌ, catahuatonpoa paꞌpoyarinpoaꞌ.

Salmos 118:29

Tëhuënchachin Siniorosoꞌ nóya niꞌton, nosoromiatërinpoaꞌ. Ina marëꞌ canpitantaꞌ: “Yosparinquën,” itoco Yosë.

Salmos 22:23

Sinioro imarëhuasopita inasáchin chinotahuaꞌ. ¡Cacopo shinpitanpoa inasáchin paꞌyatahuaꞌ! ¡Yaꞌipi israiroꞌsanpoa inapoaꞌahuaꞌ!

Apocalipsis 19:5

Ina quëran Yosë shiranën quëran noninsoꞌ natanahuë. “Yaꞌipi Yosë imaramasopita ina chinotocoꞌ. Huaꞌanoꞌsanquëmahuë nipon, piyapinënpitanquëmahuë nipon, inasáchin yonquicoꞌ. Ina nóya nicatomaꞌ natëramaꞌ niꞌton, ‘Ma noyanquëncha, Sinioro, quëmaso paya,’ itocoꞌ,” tënin.