Salmos 116:9 - Chayahuita (Shahui)

⁹ Sinioroíchin isoroꞌpaquë natëarahuë huachi.

Salmos 116:9 ပူးပေါင်းရင်းမြစ်များ

Génesis 17:1

Apran iscon shonca iscon piꞌipitasoꞌ, Siniorori yaꞌnotahuaton, itapon: —Caso Yosëco, yaꞌipi nanitaparahuë. Natëtonco, nohuantërahuësoráchin niquëꞌ.

1 Reyes 2:4

Huiꞌnanpita, shiparinpita, inapitanta inasáchin natëcaiso yaꞌhuërin. Inapohuatamaꞌ, carë anoyatërinso chachin, quëmopinënporáchin israiroꞌsa copirnonëna nicaponaꞌ.

1 Reyes 8:25

Naporahuaton, isonta tata Tapico nani shaꞌhuitëran: ‘Ca nohuanton quëmá quëran pipipisopitaráchin israiroꞌsa huaꞌanëntaponaꞌ. Quëma natërancoso pochachin inapitanta natëhuachinaco, inapoapi,’ itëran. Ina pochin shaꞌhuitëran niꞌton, ina inachachin nitëquëꞌ.

1 Reyes 9:4

Quëmasoꞌ tataparinco pochachin cancantaton natëco. Ama nonpinaton, canamaso yonquiquësohuëꞌ. Noꞌtëquënáchin piyapiꞌsa yonquirapiquëꞌ. Nani carima pënënanquëmaꞌ. Nani anitotëranquëma noꞌtëquën natëamacosoꞌ. Canpita capininta onpopinsona niniꞌcamasoꞌ, nani anitotëranquëmaꞌ.

Salmos 27:13

Yaaparisitopirinacohuëꞌ, Sinioro nosorancosoꞌ niantararahuë. Isoroꞌpaquë nanpisoco chachin niantararahuë.

Isaías 53:8

Co manta onpopirinhuëꞌ, quëpaponaꞌ. Co insoari tëranta paꞌpoyararinhuëꞌ. “Niꞌcona maꞌsha onpotohuachinaꞌ,” co tosapihuëꞌ. Naraaꞌhuaya huaꞌtatë pochin nitapi. Yosë piyapinënpita oshahuanpiso marëꞌ ina tëparapi.

Lucas 1:6

Cato chachin noya Yosë imapi. Yaꞌipi pënëntërinsoꞌ noꞌtëquën natëpi.

Lucas 1:75

Ina pochin cancantatëhuaꞌ, inasáchin chinotarihuaꞌ. Chiminaquë huarëꞌ nóya nisarihuaꞌ.