Salmos 115:4 - Chayahuita (Shahui)

⁴ Inpioroꞌsasoꞌ, oro quëran mamanshiroꞌsa nipi. Prata quëraonta nipi. Inaora imirina quëran nicatonaꞌ, moshapi.

Salmos 115:4 ပူးပေါင်းရင်းမြစ်များ

1 Reyes 18:26

Napotohuachina inahuasoꞌ, aꞌnara toroaꞌhua huayonpi. Ina tëparahuatona artaro aipi acopi. Inapotahuatona tashiramiachin quëran camotëchin huarëꞌ Paaro nontápi: “¡Paaro aꞌpanicoi!” tosápi. Napoapona pochin, artaro conitatona pashi pashitërapi. Napopirinahuëꞌ co aꞌpanitërinhuëꞌ.

1 Reyes 18:29

Napochináchin panca tëhuërënin huachi. Sinioro marëꞌ maꞌsha ahuiquitacaiso ora naꞌhuëpirinhuëꞌ, co macari aꞌpanirinhuëꞌ.

2 Reyes 19:18

Mamanshinënapitantaꞌ, pënquë aꞌpëraꞌpiapi. Inapitasoꞌ co Yosëhuë niꞌton, napotopi. Piyapiꞌsari naꞌpi quëran, nontë quëran, inaranpita nipi niꞌton, napotëraꞌpiapi.

Isaías 42:17

Mamanshi chinotatonaꞌ: ‘Canpitaso yosënëhuënquëmaꞌ,’ topisopitaso nipirinhuëꞌ, tapanatona taꞌananpiponaco,” tënin.

Isaías 44:10

Huaꞌna asoquirahuatona mamanshi nipachinara, topinan quëran napoapi. Inasoꞌ yosë pochin chinotopirinahuëꞌ, co catahuaponhuëꞌ.

Isaías 44:20

Napoatonaꞌ, inapitaso huariano caꞌpiso pochin nisapi. Nonpi nanan imatona napopi. Inapitasoꞌ co onporonta chaꞌësapihuëꞌ. Co nanitapihuëꞌ: “Iso mamanshisoꞌ, topinan quëran mosharahuë,” taꞌcaisoꞌ.

Isaías 44:9

Mamanshi ninaꞌpiroꞌsasoꞌ, co maꞌmarë tëranta paꞌtopihuëꞌ. Mamanshi nipachinara paꞌyatopi. Paꞌyatopirinahuëꞌ inahuanta co maꞌmarë tëranta paꞌtopihuëꞌ. Somaraya pochin cancantopisopita ina chinotopi. Apiroꞌsa nipisopita napopisoꞌ. Napopiso marëꞌ tapanacaisoꞌ yaꞌhuëapon.

Daniel 3:5

Apira nisha nisha piꞌnirapi: Tronpitaroꞌsaꞌ, nisha nisha pirinanoꞌsaꞌ, inapita pihuirapi. Nisha nisha arparoꞌsaꞌ, tonton, tanporo, inapitanta piꞌnirapi. Yaꞌipi nisha nisha piꞌnicaiso nipisopita piꞌnirahuachinaꞌ, yaꞌipinquëma isonaramaꞌ. Isonama quëran noꞌpaquë huarëꞌ monshorahuatoma mamanshi anitërahuësoꞌ, moshaaramaꞌ. Inso tëranta co yamoshahuachinhuëꞌ, panca orno huënaratapaquë tëꞌyatacaiso marëꞌ camaitarahuë,’ tënin,” itërin.

Daniel 5:23

Yosë tëꞌhuataton natëcaso nipirinhuëꞌ, nocanatë pochin ninan. Inapoaton minëroꞌsa ina pëinën quëran quëpiso amatohuatana, quëshirinën. Quëpachinara, inaquë përaransopita huino ichioꞌoran. Naporahuaton mamanshinënpita oro quëran nipisoꞌ, mosharan. Prata, shaꞌpi huaꞌna, huaꞌnamia, nara, naꞌpi, inapita quëran nipisontaꞌ, mosharan. Inapitaso co máquënoꞌsahuë niꞌtonaꞌ, co quënantopihuëꞌ, co natantopihuëꞌ, co manta nitotopihuëꞌ, napopi. Napopirinahuëꞌ, inapitaso chinotëran. Yosëso ananpirinquën. Ina nohuantohuachin maꞌpitaso yonquiranso ninan. Inaso napopirinhuëꞌ, co chinotëranhuëꞌ.

Hechos 19:26

Paonoso nipirinhuëꞌ isëquë huëcaton, pënëntarin. ‘Aꞌnaíchin Yosë yaꞌhuërin. Piyapiꞌsari nipisoꞌ co inasoꞌ Yosëhuëꞌ,’ tosarin, natanamaꞌ canpitantaꞌ. Yaꞌipi Asia partintaꞌ nahuinin. Naꞌa piyapiꞌsaꞌ natanahuatonaꞌ, natëpi. Natëtonaꞌ, mamanshi aꞌpopi.

Hechos 19:35

Parisi quëran ninshitonaꞌpi huaꞌani atonirin. Atonirahuaton, itapon: “Tëhuënchachin iyaroꞌsaꞌ, Artimisasoꞌ chini chiníquën nanantërin. Inaso yaꞌipiya quëran nitotopi. Iráca inápa quëran anotimarin. Iso ninanonënpoaquë chachin anotimarin niꞌton, canpoari aꞌpairëhuaꞌ.

Deuteronomio 4:28

Inaquë quëpahuachinënquëmaꞌ, nisha nisha mamanshiroꞌsa piyapiꞌsari nipisoꞌ moshaaramaꞌ. Aꞌnaquën nara quëran, aꞌnaquënso naꞌpi quëran nipi niꞌton, co manta quënantopihuëꞌ, co natantopihuëꞌ, co coshatopihuëꞌ, co niipihuëꞌ. Napoaponahuëꞌ, canpitaso moshatapataramaꞌ.