Salmos 115:16 - Chayahuita (Shahui)

¹⁶ Siniorosoꞌ, piꞌiroꞌtë huaꞌanëntërin. Isoroꞌpaso nipirinhuëꞌ, piyapinpoa ahuaꞌanëntërinpoaꞌ.

Salmos 115:16 ပူးပေါင်းရင်းမြစ်များ

Salmos 148:4

Ina inápa piꞌiroꞌtë nininsontaꞌ, ina chinochin. Piꞌiroꞌtë aipi iꞌ yaꞌhuërinsontaꞌ, ina paꞌyachin.

Salmos 8:6

Huaꞌan pochin nicaꞌhuaiso marëꞌ acorancoi. Yaꞌipi maꞌsha huaꞌanëntërai.

Salmos 89:11

Piꞌiroꞌtëꞌ, isoroꞌpaꞌ, inapitaso quëmaquën. Yaꞌipi isoroꞌpaquë yaꞌhuërinso quëmari acoran.

Salmos 89:12

Quëmari norti parti, sor parti, inapita acoran. Taporo, Irmon, inapita motopiroꞌsantaꞌ, quëmari acoran. Inapitanta piyapi pochin nicatonaꞌ, chinotaponën. Capa cancantatonaꞌ, cantaponaꞌ.

Isaías 45:18

Siniorosoꞌ Yosë niꞌton, piꞌiroꞌtë acorin. Isoroꞌpanta acohuachina, noyá acorin. Co topinan nicacaso marëꞌ acorinhuëꞌ. Piyapiroꞌsari yaꞌhuëtacaiso marëꞌ acorin. Ina chachin nontatonpoaꞌ: “Caso Sinioroco. Co aꞌninquëchin yaꞌnorahuëꞌ. Co aꞌna ca pochin yaꞌhuërinhuëꞌ.

Isaías 66:1

Naquëranchin Sinioro taantarin: “Piꞌiroꞌtësoꞌ, huaꞌanëntërahuëso shiranëhuë pochin ninin. Isoroꞌpantaꞌ, nantëhuë ayaꞌnanahuëquë pochin ninin. Ina pochin niꞌton, ¡co insëquë tërantaꞌ, pëi nitamacoso marëꞌ nanirinhuëꞌ! ¡Co insëquë tëranta chinotaꞌhuaso marëꞌ nitamacosoꞌ nanitëramahuëꞌ!

Juan 14:2

Tatahuë yaꞌhuërinquë naꞌa pëiꞌ yaꞌhuërin. Co yaꞌhuërinhuëꞌ naporini, nani shaꞌhuichitënquëmahuëꞌ. Inatohuaꞌ panantarahuë canpita yaꞌhuëcamaso marëꞌ tapachinquëmaꞌ.

Deuteronomio 10:14

Sinioronënpoasoꞌ Yosë niꞌton, yaꞌipi piꞌiroꞌtë huaꞌanëntërin. Yaꞌipi inaquë yaꞌhuërinsopitanta huaꞌanëntërin. Isoroꞌpanta nisahuaton, yaꞌipi yaꞌhuërinsopitarë chachin huaꞌanëntërin.

Deuteronomio 32:8

Chini chiníquën nanantërinsoari, iráca piyapiꞌsa niquë niquë acorin. Nisha nisha nacionoꞌsaquë yaꞌhuëcaiso marëꞌ, acorin. Noꞌpaꞌ mapisoꞌ nanirinsoꞌ, acotëraꞌpiarin. Israiroꞌsanpoaso nipirinhuëꞌ, noya noya noꞌpaꞌ acotërinpoaꞌ. Cacopo shinpitanpoasoꞌ, huaꞌanëntiinpoaso marëꞌ huayoninpoaꞌ.