Salmos 110:4 - Chayahuita (Shahui)

⁴ Yosë chachin nani shaꞌhuitërinquën: “Caso Yosëco niꞌto, noꞌtëquën shaꞌhuitaranquën: Quëmasoꞌ noya noya corto huaꞌan acoaranquën. Miriquiso pochin nisaran. Co onporonta pipiaranhuëꞌ,” itërinquën.

Salmos 110:4 ပူးပေါင်းရင်းမြစ်များ

Génesis 14:18

Aꞌna copirnorintaꞌ, Apran nacapirin. Inasoꞌ, Miriquiso itopi. Sarimoquë copirno yaꞌconahuaton, corto huaꞌan nimantarin. Yosë chini chiníquën nanantërinso marëꞌ sacatërin. Inaso Apran aꞌcarahuaton, huinonta oꞌshitërin. Piyapinënpitantaꞌ, aꞌcarin, oꞌshitërin, napotërin.

Números 23:19

Yosëso co canpoa pochinhuëꞌ. Co nisha nisha nonaton nonpininhuëꞌ. Maꞌsona topachina, inachachin nisarin. Catahuatacaso shaꞌhuihuachina, catahuatërin.

Hebreos 5:6

Ina quëran quiricanën quëran itaantarin: “Naꞌa corto huaꞌanoꞌsaꞌ yaꞌconpirinahuëꞌ, quëmasoꞌ noya noya acoaranquën. Yaꞌipi piyapiꞌsa marëꞌ nontaranco. Miriquiso pochin nisaran. Co onporontaꞌ pipiaranhuëꞌ,” itërin.

Hebreos 6:20

Quisosoꞌton nani inápaquë panantarin tapatinpoaso marëꞌ. Inaquë yaꞌhuëmiatarin. Corto huaꞌan chini chiníquën nanantërinso pochin niꞌton, canpoa marëꞌ Yosë nontarin. Miriquiso pochin ninin. Co onporontaꞌ pipiarinhuëꞌ.

Hebreos 7:11

Iráca Aaronꞌton corto huaꞌan yaꞌconin. Ina quëran aꞌnaya aꞌnaya Nihuiroꞌsaꞌ huënton quëran niyaꞌhuërëtëraꞌpiapi. Naporoꞌ Yosëri, pënëntërinsoꞌ nanan shaꞌhuitërin yaꞌipi israiroꞌsaꞌ imacaiso marëꞌ. Nihui corto huaꞌanoꞌsaꞌ nanan anoyatërinënpoaꞌ naporini, ¿maꞌmarëtaꞌ aꞌna corto huaꞌan Miriquiso pochin nininsoꞌ huëcacasoꞌ yaꞌhuëitonhuëꞌ?

Hebreos 7:17

Yosë quiricanën quëran naporin: “Naꞌa corto huaꞌanoꞌsaꞌ yaꞌconpirinahuëꞌ, quëmasoꞌ noya noya acoaranquën inapita yaꞌhuërëtacaso marëꞌ. Yaꞌipi piyapiꞌsa marëꞌ nontaranco. Miriquiso pochin nisaran. Co onporontaꞌ pipiaranhuëꞌ,” itërin Yosëri.

Hebreos 7:28

Iráca Moisësë pënëntërin quëran naꞌa quëmapiꞌsaꞌ corto huaꞌan yaꞌconaꞌpiapi. Inahuantaꞌ co noyahuëꞌ cancantatonaꞌ, oshahuanpi. Ina piquëran Yosësoꞌ huiꞌnin chachin acorin. “Co onporontaꞌ nisha acoaranquënhuëꞌ,” itaton, oshanënpoaꞌ inquitinpoaso marëꞌ acorin. Inasoꞌ noyasáchin ninin. Co onporontaꞌ oshahuanaponhuëꞌ. Napoaton nóya catahuarinpoaꞌ.

Apocalipsis 1:6

Huëntonënquë chachin ayaꞌconatonpoaꞌ, huaꞌanëntërinpoaꞌ. Yosëíchin yonquicaso marëꞌ corto huaꞌanoꞌsaꞌ pochin acorinpoaꞌ. ¡Ma noyacha inaso paya! Yaꞌipi piyapiꞌsari chinochinaꞌ. Ipora quëran huarëꞌ inasáchin natëinaꞌ. Amen.