Salmos 104:4 - Chayahuita (Shahui)

⁴ Ihuanoꞌsanta comisionoꞌsa pochin acoran. Oꞌcoriroꞌsanta piyapinënpita pochin natërinën.

Salmos 104:4 ပူးပေါင်းရင်းမြစ်များ

2 Reyes 2:11

Ninapotatona cato chachin paꞌsapi. Papona pochin ninontërapi. Naporoꞌ aꞌnanaya pën pochin toronan yaꞌnorin. Cahuarionënpitantaꞌ, inapochachin yaꞌnorin. Inari yaꞌcon yaꞌcontahuaton Iniasë chiꞌhuincarin. Inapoaton, inaso panca ihuanquë inápaquë quëpantarin.

2 Reyes 6:17

Napotahuaton Yosë nontërin: “Sinioro. Quëma nohuanton piyapinëhuë ca niꞌnahuësoꞌ niꞌin,” itërin. Napotohuachina Siniorori catahuarin niꞌton, quënanin huachi. Huaꞌhuayátërahuë sontaroꞌsa quënanin. Cahuarioquë paꞌpisopita, toronanquë paꞌpisopita, inapita motopiquë yaꞌsorápi. Yaꞌipi inapitasoꞌ, pën pochin yaꞌnotona Irisio tahuirapitopi.

Salmos 148:8

oꞌcoriꞌ, ocai anotërinsoꞌ, ocai tachitërinsoꞌ, noyahuan chitoroꞌ, Yosëri camaihuachina panca ihuan paꞌninsoꞌ,

Ezequiel 1:13

Maꞌsharoꞌsa pochin nipisopitasoꞌ, pënaya huënaratërinso pochin yaꞌnopi. Yanatëtë huënin huënintohuatëra, huënaratërin. Inapoatonaꞌ, itohuaran itohuaran niyaꞌcontapiso pochin nisapi. Pënsoꞌ chiníquën huënaratarin. Ina quëran oꞌcoriroꞌsanta pipirantapi.

Hechos 23:8

Satosioroꞌsasoꞌ co natëtonaꞌpiroꞌsahuëꞌ. “Co Yosë ananpitaantarinpoahuëꞌ. Co huaꞌyanënpoaꞌ yaꞌhuëtërinpoahuëꞌ. Co anquëniroꞌsa tërantaꞌ yaꞌhuëpihuëꞌ,” toconpi. Parisioroꞌsaso nipirinhuëꞌ natëpi. “Huaꞌyanënpoaꞌ yaꞌhuëtërinpoaꞌ niꞌton, Yosë ananpitaantarinpoaꞌ. Anquëniroꞌsantaꞌ yaꞌhuërin,” topi.

Hebreos 1:14

Inapitasoꞌ inpriatonënpita pochin niꞌton, Yosëri camairin. Aꞌpaimarin imarëhuasopita catahuainpoaso marëꞌ. Yosë chachin nichaꞌësarinpoaꞌ. Nani ina nitotëramaꞌ.

Hebreos 1:7

Anquëniroꞌsaꞌ yonquiaton, quiricanën quëran Yosë tapon: “Anquëniroꞌsasoꞌ comisionëhuëpita. Cari camairahuë. Camaihuatëra, ihuan pochin aꞌnaroáchin paꞌpi. Aꞌnaquën ca nohuanto, pën pochin nipi,” tënin.