Salmos 104:3 - Chayahuita (Shahui)

³ Marë aipi inápa pëꞌsatëꞌ pëi pochin yaꞌhuëcamaso marëꞌ acoran. Chitorontaꞌ, toronanën pochin quëparinquën. Ihuaontaꞌ, anpiantëhuan pochin nicaton, quëparinquën.

Salmos 104:3 ပူးပေါင်းရင်းမြစ်များ

2 Samuel 22:11

Cahuarioquë yaꞌmitërëso pochin aꞌna quiropinoquë yaꞌmitëran. Yanponatë paꞌnëso pochin aꞌnaroáchin huëcapairinco. Panca ihuantaꞌ, anpiantëhuan pochin ninin. Ina aipi paꞌnëso pochin oꞌmaransoꞌ yaꞌnorin.

Salmos 139:9

Inaira pochin yanponato, piꞌi pipirinso parti paꞌpirahuë tërantaꞌ, inaquë quëmaso yaꞌhuëaran. Marë Pancaiꞌ naniconinquë paꞌnaonta naporini, inaquënta inchinan imira quëran sëꞌquëatë quëparëso pochin co aꞌpoitoncohuëꞌ.

Salmos 148:4

Ina inápa piꞌiroꞌtë nininsontaꞌ, ina chinochin. Piꞌiroꞌtë aipi iꞌ yaꞌhuërinsontaꞌ, ina paꞌyachin.

Amós 9:6

Siniorosoꞌ, inápaquë yaꞌhuërin. Isoroꞌpaꞌ aipi piꞌiroꞌtë acorin. Ina nohuanton marë quëran chitoro pipihuachina, isoroꞌpaquë oꞌnanin. Inasoꞌ Sinioro. Ina pochin nohuitërëhuaꞌ.

Mateo 26:64

—Ca mini inaco. Yosë quëran quëmapico niꞌto, aꞌna tahuëri niantaramaco. Inápaquë paꞌpato, Yosë inchinanën quëran ahuënsëarinco. Ina quëran chitoroꞌ huancana oꞌmantararahuë niantaramaco, itërin.

Deuteronomio 33:26

Israiroꞌsanpoáchin noya noya Yosë chinotërëhuaꞌ. Co aꞌna ina pochin nininhuëꞌ. Cahuarioquë yaꞌmitërëso pochin, chiníquën nanantaton chitoro aipi catahuainpoaso marëꞌ oꞌmarin.

Apocalipsis 1:7

Niꞌcochi. Quisocristo oꞌmantararin. Aꞌna tahuëri chitororë chachin oꞌmantararin. Naporoꞌ yaꞌipi piyapiꞌsari niꞌsapi. Iráca ohuanpisopitarintaꞌ niꞌsapi. Nisha nisha piyapiꞌsaꞌ sëtatonaꞌ, naꞌnërapi. “¿Onpoatëhuacha co natërëhuahuë paya?” tosapi. Tëhuënchachin naporapi. Amen.