Salmos 103:5 - Chayahuita (Shahui)

⁵ Noya cosharoráchin aꞌcarinco. Inapotatonco, panca onian anporonën quëran nitapaantarinso pochin acorinco.

Salmos 103:5 ပူးပေါင်းရင်းမြစ်များ

Salmos 104:28

Quëmari quëtohuatana coshatopi huachi. Imiranën ihuëtatë pochin nitohuatana, noya noya nininsoꞌ capatona natëpi.

Salmos 107:9

Paꞌpi yamorotohuatëhuara, ina chachin inquitërinpoaꞌ. Paꞌpi tanahuatëhuarantaꞌ, napotërinpoaꞌ.

Salmos 23:5

Inimicoroꞌsa noꞌhuipirinacohuëꞌ, quëmasoꞌ noya nicatonco, noya cosharo acotëranco. Pimo huaꞌsaiquë pashimototëranco. Minëquë taꞌpanápatëra chaꞌhuërinso pochin yaꞌsoaquë huarëꞌ catahuaranco.

Salmos 63:5

Noya ancantato, noya cosharo caꞌnëso pochin chiníquën cancantarahuë. Noya ancantato chinotaranquën.

Salmos 65:4

Nohuitaꞌhuainquënso marëꞌ huayonancoi niꞌton, noya cancantërai. Noya cosharo pëinënquë yaꞌhuërin. Ina aꞌcatë pochin nitatoncoi catahuacoi nohuitatëinquën noya noya cancanchii.

Isaías 40:31

“Sinioro mini catahuarinco,” topisopitaso nipirinhuëꞌ, nashaquëranchin chiniantarëso pochin nicaponaꞌ. Panca onian co sacai quëranhuë yanponinso pochin nicatonaꞌ, co oshataponahuë maꞌsona noya nicacaisoꞌ. Co canotonahuanhuë taꞌarëso pochin co sanpataponahuëꞌ. Co aminahuanhuë iratërëso pochin, Yosë imamiataponaꞌ.

Oseas 2:15

Israiroꞌsa iráca Iquipitoquë yaꞌhuëpi. Naporo tahuëriꞌsasoꞌ, ipora huarëꞌ nanontatë pochin nisapi. Ina quëran ocoiapo, inapitaso piyapinëhuëpita. Canta inapita Yosënënaco. Inapochachin aꞌna tahuërinta niantapon. Yaꞌhuëpiso noꞌpaquë chachin, oparoroꞌsa quëtaantarahuë. Acoro itopisoꞌ motopiana, anishatarahuë. Inaquë shaꞌtohuachina, paꞌpi notohuaroꞌ nitërinsoꞌ macaponaꞌ. Napohuachina: ‘Noya yaꞌhuëáparihuaꞌ,’ tëcaponaꞌ.

2 Corintios 4:16

Napoaton co aꞌpochináchinhuëꞌ cancantërai. Parisitatoi, co huachi chinipiraihuëꞌ, nani tahuëri achinicancanincoi noya noya cancantaꞌhuaiso marëꞌ.

1 Timoteo 6:17

Aꞌnaquën naꞌcon coriqui yaꞌhuëtërin. Inapitantaꞌ api pënënquëꞌ: “Ama aꞌnapita nocancosohuëꞌ. Ama coriquinëmáchin paꞌyatocosohuëꞌ. Inasoꞌ co yaꞌhuëmiataponhuëꞌ. Yosë naꞌcon naꞌcon paꞌyatocoꞌ. Inasoꞌ co apiratërinpoahuëꞌ. Nani maꞌsha quëtërinpoaꞌ nóya cancantatëhua, yaꞌhuëcaso marëꞌ.