Salmos 103:4 - Chayahuita (Shahui)

⁴ Anaꞌintincoso yaꞌhuëpirinhuëꞌ, chimirin quëran nichaꞌërinco. Paꞌpi nosoroatonco nóya niꞌninco.

Salmos 103:4 ပူးပေါင်းရင်းမြစ်များ

Salmos 103:12

Piꞌi pipirin quëran, yaꞌconinquë huarëꞌ áquë tënëhuaꞌ. Ina quëran áquë áquë pochin Yosëso oshanënpoa inquitatonpoaꞌ, naniantërin.

Salmos 34:22

Piyapinënpitasoꞌ, Siniorori nichaꞌësarin. ¡Inasáchin chinotopisopitasoꞌ, co onporonta anaꞌintacaso yaꞌhuëaponhuëꞌ!

Salmos 65:11

Quëma nohuanton nani piꞌiquë cosharo noya noyatërin. Chitoro quëran oꞌnan anotohuachina, nani maꞌsha noya noyatërin.

Salmos 8:5

Ina nipirinhuëꞌ, anquëniroꞌsa pochin shininancoi. Noya nicatoi huaꞌanëntaꞌhuaiso marëꞌ acorancoi.

Isaías 54:8

Aꞌnanaya noꞌhuitó tënahuëquë, naꞌpitatë pochin nitëranquëmaꞌ. Napoaporahuëꞌ, co huaꞌqui marëꞌ naporahuëꞌ. Nosoromiatatënquëmaꞌ, yonquiantaranquëmaꞌ,” tënin Sinioro nichaꞌërinquëmasoꞌ.

Santiago 1:12

Yaꞌipinpoaꞌ maꞌsha onporëhuaꞌ. Caniorëhuaꞌ, parisitërëhuaꞌ, naporëhuaꞌ. Noya ahuantohuatëhuaꞌ, nóya cancantarihuaꞌ. “Parisitaponaraihuëꞌ, nóya imasarinaco,” taꞌton, Yosë noya niꞌsarinpoaꞌ. Ina marëꞌ inápaquë noya acanararinpoaꞌ. Nanpimiatarihuaꞌ. “Tëhuënchachin nosorohuatamaco, ananpitaantaranquëmaꞌ,” itërinpoaꞌ. Shaꞌhuitërinpoaꞌ niꞌton, co onporontaꞌ nonpintarinpoahuëꞌ.

1 Pedro 5:4

Quisocristo imarëhuaꞌ niꞌton, yaꞌipinpoaꞌ huaꞌanëntërinpoaꞌ. Aꞌna tahuëri oꞌmantararin. Noya ansianoꞌsaꞌ nipatamaꞌ, naporoꞌ noya canaaramaꞌ. Isoroꞌpaquë canatohuachinara, yancotëꞌ huëron quëran nipisoꞌ quëtopirinahuëꞌ, inasoꞌ aꞌnaroáchin ahuirin. Inapaquëso nipirinhuëꞌ canahuatamaꞌ, yaꞌhuëtomiatarinquëmaꞌ. Noya noya yaꞌhuëcontaramaꞌ.

Apocalipsis 5:9

Chinotatonaꞌ, inahuara yonquinëna quëran nasha cantanën cantarapi. “Noya noyanquën, Sinioro, niꞌton, nanan yaꞌhuëtërinquën quirica niꞌcamasoꞌ. Toꞌni iꞌshotohuatan, nani maꞌsha anitotarancoi. Iráca tëparinënquën. Chiminaton, piyapiꞌsaꞌ sopai quëran ocoiran Yosë imacaiso marëꞌ. Napoaton quëmasáchin nanitëran yaꞌipiya huaꞌanëntacasoꞌ. Nisha nisha parti yaꞌhuëpirinahuëꞌ, imarinënquën, Sinioro. Nisha nisha nananquë nonpisopita imarinënquën. Nisha nisha copirnori huaꞌanëntërinsopita niponaraihuëꞌ, natërinënquën.