Salmos 103:3 - Chayahuita (Shahui)

³ Yaꞌipi co noyahuëꞌ ninahuësoꞌ inquitërinco. Yaꞌipi caniorahuësontaꞌ, anoyatërinco.

Salmos 103:3 ပူးပေါင်းရင်းမြစ်များ

Salmos 130:4

Nipirinhuëꞌ oshanëhuëi inquitërancoi niꞌton, noya nicatëinquën chinotarainquën.

Salmos 130:8

Canpoasoꞌ ina piyapinënpoa niꞌton, yaꞌipi co noyahuëꞌ ninëhuasopita, inquitarinpoaꞌ.

Éxodo 15:26

“Caso Sinioroco. Canpitaso chinotëramaco. Casáchin nanitërahuë anoyatacasoꞌ. Nonahuësopita nóya natancoꞌ. Noya natanatomaꞌ, nohuantërahuëso nicoꞌ. Camaitërahuësopita natëtoma noya nipatamaꞌ, carinquëmanta noya niꞌsaranquëmaꞌ. Noya nicatënquëma canpitasoꞌ, catahuaaranquëmaꞌ. Iquipitoroꞌsasoꞌ, nisha nisha quëran anaꞌintërahuë. Canpitaso co ina pochin anaꞌintaponquëmahuëꞌ,” itërin.

Éxodo 34:7

Piyapinëhuëpita nosoroato, huaranca shinpita huënton yaꞌhuëaquë huarëntaꞌ, co nisha cancantarahuëꞌ. Co noyahuëꞌ nipirinahuëꞌ, oshanën inquitato nanan anoyatërahuë. Co natëtochináchinhuëꞌ cancantatona oshahuanpachinarantaꞌ, inapotërahuë. Napoaponahuëꞌ, insosona tëhuëhuachin, onpopionta anaꞌintarahuë. Huiꞌninpita, shinpita, inapitanta anaꞌintarahuë. Shinpita huiꞌninaquë huarënta anaꞌintarahuë, tënin.

Isaías 33:24

Quirosarinquë yaꞌhuëpisopitasoꞌ, Siniorori oshanëna inquitarin niꞌton, co huachi aꞌnaya tërantaꞌ, “caniorahuë casoꞌ,” tëcaponahuëꞌ.

Isaías 43:25

Inapopiramahuëꞌ, Yosënëmaco niꞌto, paꞌpi co noyahuëꞌ ninamasopita, inquitaranquëmaꞌ. Co yanatëtatomahuëꞌ anoꞌhuitopiramacohuëꞌ, co huachi inapita yonquiarahuëꞌ.

Isaías 53:5

Napopirëhuahuëꞌ, co natantochináchinhuëꞌ cancantërëhuaso marëꞌ ina ohuanapi. Co noyahuëꞌ ninëhuasori naꞌintërin paꞌpi parisitarin. Ina anaꞌintërin quëran noya ninicatëhua yaꞌhuarihua huachi. Ohuanpisopita quëran noyatarihuaꞌ.

Marcos 2:5

Quisosori niꞌsahuaton, “Ma noya isopita natërinaco,” taꞌton, apia itapon: —Oshanën apiaꞌhua inquitaranquën huachi, itërin.

Efesios 1:7

Quisocristo corosëquë chiminaton, nichaꞌërinpoaꞌ. Huënainën paꞌnin niꞌton, oshanënpoaꞌ inquitërinpoaꞌ. Inaora nohuanton, Yosë naꞌcon nosororinpoaꞌ.

Santiago 5:15

Yaꞌipi cancanëma quëran huarëꞌ natëcasoꞌ yaꞌhuërin. “Yaꞌipi Sinioro nanitaparan,” topachinaꞌ, anoyatarin. Oshahuanpachinaꞌ, inantaꞌ inquitarin.