Salmos 103:20 - Chayahuita (Shahui)

²⁰ Anquëniroꞌsanquëmanta chiníquën nanantapomarahuëꞌ, Sinioro chinotocoꞌ. Canpitaso ina camaihuachinquëma aꞌnaroáchin natëramaꞌ.

Salmos 103:20 ပူးပေါင်းရင်းမြစ်များ

2 Reyes 19:35

Naporo tashi chachin Sinioro anquëninëni paꞌsahuaton, Asiria sontaroꞌsa tëpaconin. Pasa posa shonca aꞌnatërápo huaranca tëpachanin. Tahuërihuachina nanpipisopitaso niꞌpirinahuëꞌ, chiminpisopita naꞌcon naꞌcon quëhuënantapi niꞌpi.

Salmos 148:2

¡Yaꞌipi Sinioro anquëninëpitari ina chinochinaꞌ! ¡Ina sontaronëna nipisopitantaꞌ, ina paꞌyachinaꞌ!

Salmos 148:5

Yaꞌipi inapitari Sinioro chinochinaꞌ. Ina camaitërin quëran yaꞌipi inapita yaꞌhuëpi.

Isaías 6:2

Nisha anquëniroꞌsa pën pochin yaꞌnopisontaꞌ, Sinioro huënsërinso aipi yanpoápopi. Aꞌnaya aꞌnaya saota saota anpiantëhuanpi: Cato anpiantëna quëran, yaꞌpirina nipaꞌcopirayatopi. Cato quërantaꞌ, taparonëna parti quëran, nonëna paꞌcopitopi. Cato quëransoꞌ yanponpi.

Joel 2:11

Sinioronta pinën quëran sontaronënpita acorahuaton, huira pochin chiníquën nonsarin. Huaꞌhuayátërahuë sontaronënpita yaꞌhuëtërin. Natërinsopitasoꞌ, co pichichináchinhuëꞌ. Sinioro anaꞌintiinpoaso tahuëri nanihuachin, ¡ma huëhuëpirocha nisarin paya! Ina tahuëri nanihuachin co insonta ahuantarinhuëꞌ.

Mateo 26:53

Tatahuë nontërahuë naporini, shonca cato huaranca anquëniroꞌsaꞌ aꞌpatimaitoncohuëꞌ. Aꞌnaroáchin catahuaitonacohuëꞌ. ¿Co ina nitotëranhuëꞌ ti?

Mateo 6:10

Chini chiníquën nanantëran niꞌton, yaꞌipicoi natëiinquën. Inápaquë noꞌtëquën natërinënquënso pochachin catahuacoi quëma nohuantëransoráchin nii.

Lucas 1:19

—Casoꞌ Capirico. Yosë yaꞌhuërin quëran oꞌmarahuë. Ina aꞌpaimarinco nontaꞌhuanquënso marëꞌ. Noya nanan shaꞌhuitopiranquënhuëꞌ.

Hebreos 1:14

Inapitasoꞌ inpriatonënpita pochin niꞌton, Yosëri camairin. Aꞌpaimarin imarëhuasopita catahuainpoaso marëꞌ. Yosë chachin nichaꞌësarinpoaꞌ. Nani ina nitotëramaꞌ.