Salmos 100:4 - Chayahuita (Shahui)

⁴ Chinotacaso marëꞌ yaꞌconpatëhuaꞌ: “Yosparinquën Sinioro. ¡Ma noyanquëncha niꞌton, catahuarancoi paya!” itahuaꞌ.

Salmos 100:4 ပူးပေါင်းရင်းမြစ်များ

Salmos 122:2

¡Ma noyacha Quirosarinso paya! Yaꞌcoananënpitataquëchin yaꞌconatëhuaꞌ, capa cancantërëhuaꞌ.

Salmos 122:4

Isëquë chachin Sinioro huëntonënpita huëꞌpi. “Yosparinquën Sinioro,” itacaiso marëꞌ huëꞌpi. Israiroꞌsanpoa ina pochin camairinpoa niꞌton, naporëhuaꞌ.

Salmos 65:1

Quëmasáchin Yosënquën. Sionquë chinotërinënquënso pëi yaꞌhuërin. Noya noyanquën niꞌton, yaꞌipiya quëran chinochinën. Maꞌsona nicaꞌhuaisoꞌ shaꞌhuitohuatëinquën, ina inachachin nicaꞌhuaiso yaꞌhuërin. Nontërainquënsoꞌ natanatoncoi catahuarancoi niꞌton, inapocaꞌhuaiso yaꞌhuërin. Napoaton yaꞌipi piyapiꞌsa nontarinënquën.

Salmos 66:13

Napoaton pëinënquë yaꞌconahuë. Inaquë quëma marëꞌ maꞌsha tëparahuato yaꞌipi ahuiquitarahuë. Inapoato shaꞌhuitëranquënsoꞌ, ananiarahuë.

Salmos 95:2

“Yosparinquën Sinioro,” itatëhua chinotahuaꞌ. Nisha nisha cantanën cantatëhuaꞌ, paꞌyatahuaꞌ.

Salmos 96:2

“Yosparinquën Sinioro,” itatëhuaꞌ, chinotahuaꞌ. Nichaꞌërinpoasoꞌ, aꞌnapitanta shaꞌhuitahuaꞌ.

Salmos 96:8

Noya nicatëhua ina natëahuaꞌ. Maꞌsha ina marëꞌ quëcatëhuaꞌ, chinotacaso pëiꞌ iꞌiratëquë niyontoanhuaꞌ.

Isaías 35:10

Siniorori nichaꞌërinsopita Quirosarinquë huënantaponaꞌ. Capa cancantatona cantarëꞌnachin huënantaponaꞌ. Noya yaꞌhuëatona capa cancantaponaꞌ. Co huachi iquitacaisoꞌ yaꞌhuëaponhuëꞌ. Co huachi naꞌnëcaisoꞌ yaꞌhuëaponhuëꞌ.

Hebreos 13:15

Napoaton iporasoꞌ co huachi maꞌsha tëparihuahuëꞌ Yosë chinotacaso marëꞌ. Nani tahuëri ina chinotatëhuaꞌ, “Ma noyanquëncha Tata Yosë quëmaso paya. Quisocristoíchin anoyacancantërincoi niꞌton, ‘Yosparinquën Sinioro,’ itërainquën,” itahuaꞌ.