Salmos 100:2 - Chayahuita (Shahui)

² Capa cancantatëhua Sinioro paꞌyatahuaꞌ. Capa cancantatëhua ina chinotacaso pëiquë yaꞌcoanhuaꞌ.

Salmos 100:2 ပူးပေါင်းရင်းမြစ်များ

1 Reyes 8:66

Tahuëririnquë Saromonsoꞌ, israiroꞌsa nontahuaton, yaꞌhuëpiꞌpaꞌ aꞌparin. Inahuarinta copirno nontahuatonaꞌ, yaꞌhuëpiꞌpaꞌ paantapi. Siniorori Tapi catahuarinsoꞌ yonquipi: “Ma noyacha Siniorori piyapinën catahuarin paya. Canpoantaꞌ, naꞌcon catahuarinpoaꞌ,” topi. Ina yonquiatona capa cancantërëꞌnachin yaꞌhuëpiꞌpaꞌ paantapi.

Salmos 42:4

Ina yonquihuatora, paꞌpi sëtërahuë. Iráca naꞌa niyontonahuatoi, Yosë chinotërai. Pëinënquë yapaꞌpatoira, cari piyapiꞌsa quëparahuë. Capa cancantatoi nonca nonca tërarai. “Yosparinquën Sinioro,” tëcatoi, panca pita ninai. Iporaso napoaponahuëꞌ, parisitárahuë.

Salmos 95:2

“Yosparinquën Sinioro,” itatëhua chinotahuaꞌ. Nisha nisha cantanën cantatëhuaꞌ, paꞌyatahuaꞌ.

Deuteronomio 12:12

Naporo tahuëriꞌsaꞌ, Sinioro marëꞌ pita nisaramaꞌ. Huiꞌnamaꞌ, piyapinëmaꞌ, inapitanta canpitarë chachin capa cancantaponaꞌ. Nihuiroꞌsanta canpitarë yaꞌhuërinsoꞌ, naporo capa cancanchinaꞌ. Inapitasoꞌ co canpita pochin noꞌpaꞌ mapihuëꞌ niꞌton, ichicapacancancoꞌ.

Filipenses 4:4

Nani tahuëri Quisocristo yonquiatomaꞌ, noya cancantocoꞌ. Naquëranchin inachachin shaꞌhuichinquëmaꞌ. Maꞌsha onpoapomarahuëꞌ, noya cancantocoꞌ, tënahuë.