Salmos 100:1 - Chayahuita (Shahui)

¹ Yaꞌipi isoroꞌpaquë yaꞌhuërëhuasopita, capa cancantatëhua Sinioro cantanën cantahuaꞌ.

Salmos 100:1 ပူးပေါင်းရင်းမြစ်များ

Salmos 145:1

“¡Ma noyanquëncha quëmasoꞌ Sinioro paya!” Quëmaso copirnonëhuënquën. Chinotomiatáponquën. Nani tahuëri naporápo. Co onporonta copitosarahuëꞌ.

Salmos 32:11

Sinioro yonquiatoma capa cancantocoꞌ. Noya piyapitatoma aꞌnapita maꞌshanënanta noya niꞌpatamaꞌ, capa cancantatomaꞌ, “yai,” charácoꞌ.

Salmos 47:1

Nisha nisha piyapinquëma yaꞌhuëramasoꞌ, Sinioro yonquiatoma pinca pinca tocoꞌ. Ina paꞌyatatomaꞌ, “yai, yai,” charácoꞌ.

Salmos 47:5

Siniorosoꞌ Yosë. Huaꞌanëntacaso shiranënquë huënsëcaso marëꞌ nani nanpërin. Naporo chachin capa cancantatëhuaꞌ, noncarorëhuaꞌ. Corto huaꞌanoꞌsantaꞌ, tronpitaroꞌsa pihuirantapi.

Salmos 66:1

Yaꞌipi isoroꞌpaquë yaꞌhuërëhuasopita capa cancantatëhuaꞌ, Yosë chinotahuaꞌ.

Salmos 66:4

Yaꞌipi piyapiꞌsa chinotaponën. Quëma cantanën cantatona paꞌyataponën,” itahuaꞌ.

Lucas 19:37

Oriposë panën quëran nohuarapona pochin, imarinsopita chiníquën nonsapi. —¡Ma noyacha Quisososo paya! Nani maꞌsha nitotërin. Yosë nohuanton, naꞌa caniaꞌpiroꞌsaꞌ aꞌnaroáchin anoyatërin, niꞌnai. Yosëri aꞌpaimarin huaꞌanëntinpoaso marëꞌ. Siniorori chachin chiníquën nanan quëtërin. ¡Ma noyacha Yosëso paya! Nanan anoyatërinpoaꞌ niꞌton, noya yonquirinpoaꞌ, topi. Noya cancantatonaꞌ, napopi.

Romanos 15:10

Ina quëran taantarin: “Cotioroꞌsaꞌ Yosë chinotatonaꞌ, noya cancantopi. Canpitantaꞌ nisha piyapiꞌsanquëmaꞌ nipomarahuëꞌ, ¡ina chinotatomaꞌ, noya cancantocoꞌ!” tënin.

Deuteronomio 32:43

Cantarinso tiquiapon pochin Moisësësoꞌ taantarin: “Canpitanta nisha nisha nacionoꞌsaquë yaꞌhuëramasopita, israiroꞌsarëꞌquëma capa cancantocoꞌ. Piyapinënpita tëpahuachinaꞌ, Siniorori noꞌtëquën iꞌhuërëtarin. Huaꞌanën niꞌton napotarin. Yaꞌipi inimiconënpita anaꞌintaton iꞌhuërëtarin. Israiroꞌsa oshanën inquitahuaton, noꞌpanëntaꞌ, tapararin,” tënin Moisësë cantaton.