Salmos 1:1 - Chayahuita (Shahui)

¹ Cancanënpoa quëran huarëꞌ Yosë imapatëhuaꞌ, noya niꞌsarinpoaꞌ. Ina marëꞌ tëhuënchachin noya cancantarihuaꞌ. Co noyahuëꞌ nipisopitasoꞌ, yaanishacancantërinënpoaꞌ. Yainapotohuachinënpoaꞌ, ¡ama natëahuasohuëꞌ! Oshahuanoꞌsa napopisoꞌ, ¡ama nonanapatahuasohuëꞌ! Aꞌnaquënsoꞌ, Yosë yatëhuapi. ¡Co inapita payacaso yaꞌhuërinhuëꞌ!

Salmos 1:1 ပူးပေါင်းရင်းမြစ်များ

Génesis 49:6

Niyontonamaquë, ama onporo tëranta yaꞌnoisohuëꞌ. Noꞌhuitatoma piyapi tëparamaꞌ. Co natantonquëmahuëꞌ nicatomaꞌ, tororoꞌsa nishitëtëntëntëramaꞌ.

Génesis 5:24

Inasoꞌ, Yosë nohuantërinsoráchin nininso marëꞌ aꞌnanaya ayarin. Yosëri inápaquë quëparin.

1 Reyes 16:31

Quiropoamo iráca co noyahuëꞌ ninin. Acaposo nipirinhuëꞌ, naꞌcon naꞌcon co noyahuëꞌ ninin. Canaan sanapi Quisapira itopisoꞌ macaton, naporin. Quisapirasoꞌ paꞌpin, Iti-paaro itopi. Inaso Sitonquë copirno yaꞌconinsoꞌ. Inapitasoꞌ Paaro mamanshi moshapi niꞌton, Acaponta ina moshapatërin.

Copo naporinso' 31:5

Co noyahuëꞌ yonquiato maꞌsona nipatosoꞌ, Yosë noya coisë pochin niꞌton, noꞌtëquën shaꞌhuiin. Insosona yanonpintohuatosoꞌ, pëꞌtënanquë pëꞌtënëso pochin nitatonco tantiainco. Inapotohuachinco, co manta onporahuësohuëꞌ nitotarin.

Salmos 1:6

Noyasáchin nipatëhuaꞌ, Sinioro aꞌpaiarinpoaꞌ. Co noyahuëꞌ nipisopitaso nipirinhuëꞌ, oshanënari naꞌintarin. Inari naꞌintarin niꞌton, taꞌhuantapona huachi.

Salmos 2:12

Isonama quëran huiꞌnin chinotocoꞌ. Inapotatomaꞌ, apinorantëcoꞌ. Coꞌhuara noꞌhuiyátërasënquëmahuëꞌ, inapocoꞌ. Noꞌhuihuachinquëmasoꞌ, pahuayanpiramahuëꞌ chiminaramaꞌ. Coꞌsoꞌ chinotohuatamahuëꞌ, aꞌnanaya inaso noꞌhuiarinquëmaꞌ. Ina natëtoma chinotohuatamaso nipirinhuëꞌ, tëhuënchachin noya cancantaramaꞌ.

Salmos 34:8

Siniorosoꞌ nóya. Tënitoma nitotoco canpitantaꞌ. Ina natëtona chinotopisopitasoꞌ, ¡tëhuënchachin capa cancanchinaꞌ!

Salmos 84:12

Sinioro quëmasoꞌ, yaꞌipi nanitaparan. Chinotërinënquënsopitasoꞌ, tëhuënchachin capa cancantomiatapi.

Proverbios 1:15

Napotopirinënhuëꞌ, ¡ama huaꞌhua imatëquësohuëꞌ! Inahuasoꞌ, co noyahuëꞌ yonquiatona paꞌsapi. Yaꞌhuincananpiquëꞌ.

Proverbios 1:22

“Aꞌnaquëmasoꞌ, co chinoton yonquiátëraramahuëꞌ. ¿Onporo huarëta co chinotonhuëꞌ yonquiramaso naniantapomaꞌ? Aꞌnaquëmantaꞌ, narinatoma tëhuacamasoráchin cancantaramaꞌ. ¿Onporo huarëta ina pochin cancantëramaso aꞌpoapomaꞌ? Apínapichin yonquiramasopitantaꞌ, ¿Onporo huarëta nitoton nicacamaso nohuantapomaꞌ?

Proverbios 13:15

Noya yonquinaꞌpisoꞌ, naní quëran paꞌyataponaꞌ. Aꞌna piyapi co noyahuëꞌ yonquirapitonaꞌ shaꞌhuirapihuachinaso nipirinhuëꞌ, taꞌhuantacaiso marëꞌ napopi.

Proverbios 13:20

Yonquínahuanoꞌsarëꞌquën nipayapatan, yonquínahuan nisaran. Co noyahuëꞌ yonquipisopitarëꞌquën nipayapatan, nitapicancanaran.

Proverbios 3:34

Nocantopisopitasoꞌ, Siniorori nocanapon. Sano piyapi nipisopitasoꞌ, inaora nohuanton catahuapon.

Jeremías 15:17

Aꞌnaquën capa cancantacaisoáchin yonquipi. Caso inapitarëꞌco co nipayacaꞌhuasoꞌ nohuantërahuëꞌ. Yaꞌcoancantëranco quëran huarëꞌ caoraíchin pochin paꞌnahuë. Piyapiꞌsa co noyahuëꞌ nipachinara, quëmariso noꞌhuiran. Inapochachin canta cancantërahuë.

Mateo 16:17

—Ma noyacha iyasha Yosë catahuarinquën niꞌton, naporan. Napoaton noya cancantëran. Co quëmaora yonquinën quëran nitotëranhuëꞌ. Tata Yosë chachin anitotërinquën. Quëmasoꞌ Conasë huiꞌninquën. Simon itopirinënquënhuëꞌ,

Lucas 11:28

Inaso napopirinhuëꞌ, Quisosori itapon: —Yosë nanamën natanahuatona natëpisopita tëhuënchinsoꞌ, noya noya cancantaponaꞌ tënahuë, itërin.

Juan 13:17

Nani nitotëramaꞌ ipora. Ca pochin nipatamaꞌ, nóya cancantaramaꞌ.

Juan 20:29

—Niꞌnanco niꞌton iyasha, natëranco. Aꞌnapitasoꞌ co nicaponaracohuëꞌ, natëarinaco. Inapitasoꞌ noya noya cancantapi, itërin Quisosori.

Romanos 5:2

Quisocristo cancanënpoa quëran natëhuatëhuaꞌ, nichaꞌësarinpoaꞌ. Nosoroatonpoaꞌ, ipora huantaꞌ catahuarinpoaꞌ noya imacaso marëꞌ. Aꞌna tahuëri Yosëꞌpaꞌ paꞌpatëhuaꞌ, Yosë pochin nisarëhuaꞌ. Ina yonquiatëhuaꞌ, nóya cancantarihuaꞌ.

Efesios 6:13

Sopai chiníquën sacatarin minsëinpoaso marëꞌ. Napoaton Yosë nontocoꞌ catahuainquëmaꞌ. Sontaroꞌsaꞌ aꞌmopiso pochin nininsoꞌ Yosë quëtërinquëmaꞌ. Ina masahuatomaꞌ, aꞌmocoꞌ sopai minsëcaso marëꞌ. Noya nitaparëso pochin nicoꞌ. Inapoatomaꞌ, chinitocoꞌ.

Deuteronomio 33:29

¡Mainacha canpoasoꞌ israiroꞌsanpoa ninëhua paya! Co inso nacion tërantaꞌ, canpoa pochin nininhuëꞌ. Sinioro chachin nichaꞌërinpoaꞌ. Ina chachin paꞌpoyarinpoaꞌ. Catahuarinpoaꞌ, napotërinpoaꞌ. Inimiconënpoapita, sahuëninënpoa quëran minsërëhuaꞌ. Ina pochachin Sinioronta catahuarinquëmaꞌ, inimicoroꞌsa minsëaramaꞌ. Inimiconëma ahuërapiramahuëꞌ, co nanitatonaraihuëꞌ moshaponëmaꞌ: ‘Ama huachi niahuëaꞌhuasohuëꞌ. Nohuantëramasoꞌ natancoi quëchinquëmaꞌ,’ itaponënquëmaꞌ. Inapotatoma atapanapoma huachi,” itërin Moisësë israiroꞌsa nontaton.

1 Pedro 4:3

Huaꞌquiꞌ co noyahuëꞌ ninamaꞌ. Monshihuanamaꞌ, nisha nisha sanapi noyaramaꞌ, noꞌpiramaꞌ. Pita nicacasoáchin yonquiramaꞌ. Mamanshi mosharamaꞌ, co inapita moshacasohuëꞌ nipirinhuëꞌ. Iráca co Yosë imatomahuëꞌ, inaporamaꞌ. Inapoatomaꞌ, tahuëri chiniaramaꞌ.

Apocalipsis 22:14

Huënainën quëran anoyacancantërinsopita nóya cancantaponaꞌ. Aꞌmopisoꞌ pëꞌsarëso pochin noyápiachin cancantapi. Inapitasáchin nanan yaꞌhuëtopi nanpirin nara nitërinsoꞌ capatonaꞌ, nanpimiatacaisoꞌ. Naporahuaton, nasha Quirosarinquë noya yaꞌconapi.