Romanos 9:4 - Chayahuita (Shahui)

⁴ Piyapinënpita nicacaiso marëꞌ Yosëri acorin. Israiro shinpita nipi. Iráca quëran huarëꞌ Yosëri nohuantërin niꞌton, huiꞌninpita pochin nicacaiso marëꞌ acorin. Huënaráchin huënaráchin aꞌpintohuachina, shimashonënpitari quënanpi. Iráca chachin piyapinënpita nicacaiso marëꞌ inapitarëꞌ anoyatërin. Naporahuaton, pënëntërinso nanan shaꞌhuitërin. Noya chinotacaiso marëntaꞌ aꞌchintërin. Naꞌcon shaꞌhuitërin nichaꞌëcaso marëꞌ.

Romanos 9:4 ပူးပေါင်းရင်းမြစ်များ

Génesis 15:18

Naporo tahuëri chachin, Sinioro Apranë anoyatërin. Anoyataton itapon: —Shiparinpita iso noꞌpaꞌ quëtarahuë: Iquipito iꞌ quëran huarëꞌ Iopiratisiiꞌ pancaiꞌpaꞌ, huaꞌanëntopiso naniarin.

Génesis 17:10

Ina pochin canpitarëꞌco anoyatërahuë. Canpitanta anoyatërëhuaso yonquicamaso marëꞌ yaꞌipi quëmapinquëmaꞌ, marcahuanamaso yaꞌhuërin. Naporahuaton, yaꞌipi shiparimapitanta inachachin natëinaꞌ.

Génesis 17:2

Napohuatan, quëmarëꞌco anoyatarahuë. Ca nohuanto, huaꞌhuayátërahuë shiparinpita yaꞌhuëtarinquën, itërin.

Génesis 17:7

Quëmarëꞌco ipora nani anoyatërahuë. Shiparinpitarëꞌconta aꞌna tahuëri anoyatarahuë. Yosënënco niꞌto, catahuaráponquën. Shiparinpitanta inapotápo.

Génesis 32:28

Naporoꞌ ina quëmapirisoꞌ itapon: —Co huachi Cacopo itarinënhuëꞌ. Ipora quëran huarëꞌ Israiro itarinën. Yosë chinitëran, piyapiꞌsanta chinitëran. Chinitaton canatëran niꞌton, ina pochin nohuitarinën, itërin.

1 Reyes 8:11

Ina aꞌpininso nicatona corto huaꞌanoꞌsasoꞌ, co huachi nanitopihuëꞌ acoana sacatacaisoꞌ. Yosë huënaratërinsoari noyá aꞌpintërin niꞌton, napopi.

Salmos 63:2

Chinotërinënquënso pëiquë chinotatënquën noya nohuichinquën. Tëhuënchachin chiníquën nanantaton, yaꞌipi nanitaparan. Quëmasoꞌ noya noyanquën.

Salmos 73:1

Yosësoꞌ, israiroꞌsanpoa paꞌpi nosororinpoaꞌ. Noyápiachin cancantohuatëhuaꞌ, nosororinpoaꞌ.

Salmos 89:3

Nani quëmasoꞌ Tapirëꞌquën anoyatëran. Piyapinën huayonanso niꞌton, nani shaꞌhuitëran:

Salmos 89:34

Inaroꞌco anoyatërahuësoꞌ, yonquirápo. Nani nonahuë niꞌton, inachachin nisápon.

Salmos 90:16

Quëma nohuanton piyapinënpitacoi, chiníquën nanantëranso niꞌi. Quiya quëran pipipisopitanta ina chachin niꞌinaꞌ.

Éxodo 12:25

Yosë nani shaꞌhuitërinpoa noꞌpaꞌ quëtiinposoꞌ. Inaquë yaꞌhuëpatamaꞌ, iso pita chachin nani piꞌiquë naꞌhuërápamaso yaꞌhuërin.

Éxodo 34:27

Ina quëran Siniorori Moisësë itaantarin: “Yaꞌipi ipora pënënanquëmasopita ninshitëquëꞌ. Canpitarëꞌco nani anoyatërahuë niꞌton, ina naꞌcon yonquiamaso yaꞌhuërin,” itërin.

Éxodo 4:22

Naporoꞌ quëmari napotëquëꞌ: Naporin Yosë: “Caso Yosëco. Israiroꞌsa nosororahuë. Inapitasoꞌ paninan huiꞌnahuë pochin niꞌnahuë.

Éxodo 40:34

Nani yaꞌipi tënihuachinara, chitorori Yosë chinotacaso marëꞌ nëꞌmëtë pëi ótënpisoꞌ, imotërin huachi. Yosë huënaratërinsontaꞌ, ina acoana noyá aꞌpintërin.

Isaías 41:8

Piyapinënpitanpoaso napoaponahuëꞌ Sinioro chachin achinicancaninpoaꞌ: “Natanco israiroꞌsanquëmaꞌ: Canpitasoꞌ piyapinëhuë Cacopo itopisoꞌ shinpitanquëmaꞌ. Amiconëhuë Apraan itopisonta shimashonëmaꞌ.

Isaías 46:3

Yosë chachin naporin: “Cacopo quëran pipiramasopita natancoꞌ. Yaꞌipi israiroꞌsa quëparitëramasoꞌ natancoꞌ: Coꞌhuara nasichátërapomahuëꞌ, carima pëꞌpëatë pochin quëparanquëmaꞌ. Ipoatë pochin quëpatënquëma aꞌpairanquëmaꞌ.

Isaías 5:2

Noꞌpaꞌ ohuërërahuaton, naꞌpiranënpita inquitërin. Noya noya oparoꞌsa paꞌhuëquën huayonaton, apitërin. Imin huáncana tori acorin. Nanpinta toꞌpoitacaso marëꞌ naꞌpi quëran nitërin. ‘Cashi cashin opa nitapon,’ taꞌton, noya ancantaton ninarin. Napoaponahuëꞌ, áin opasáchin nitërin.

Isaías 60:19

Co huachi piꞌi aꞌpintiimasoꞌ, nohuantapomahuëꞌ. Co yoqui tërantaꞌ, aꞌpintiimaso nohuantapomahuëꞌ. Ca Sinioroco chachin aꞌpintomiatáponquëmaꞌ. Yosënëmaco niꞌton, noya noya acoaranquëmaꞌ.

Jeremías 31:20

Napohuachinaꞌ cari itarahuë: ‘Canpitaso piyapinëhuëpitanquëma niꞌton, paꞌya paꞌyatëranquëmaꞌ. Co aꞌnapitaso canpita pochin nosororahuëꞌ. Aꞌna tahuëriso mini, chiníquën pënënanquëmaꞌ. Inapotopiranquëmahuëꞌ, co naniantëranquëmahuëꞌ. Yaꞌipi cancanëhuë quëran nosoromiatëranquëmaꞌ. Ca Sinioroco shaꞌhuitaranquëmaꞌ.

Jeremías 31:33

Naporo tahuëriꞌsa israiroꞌsarëꞌco anoyatohuato, iso pochin nisarahuë: Aꞌchintërahuësopita yonquinëna quëran anitotarahuë. Ina nitotohuachinaꞌ, noꞌtëquën natëtacaisoꞌ catahuararahuë. Casáchin chinotarinaco. Inapitanta piyapinëhuëpita nisapi.

Jeremías 31:9

Orarëꞌnachin, naꞌnërëꞌnachin, huëꞌsapi. Cari chiniiꞌ yaꞌhuërinquë quëpaarahuë. Noyá tapapinan ira quëshihuato co iꞌpaponahuëꞌ. Ca mini israiroꞌsa paꞌpina pochin ninahuë. Inapitantaꞌ, paninanëhuë pochin nipi,” tënin.

Oseas 11:1

Sinioro naporin: “Israiro nacion ipora caniaritapon, huaꞌhuishin pochin ninin. Naporo chachin cariso huiꞌnahuë pochin nicato, nosororahuë. Iquipitoquë yacapatopirinhuëꞌ, ina quëran pipicaso marëꞌ huiꞌnahuë përarahuë.

Mateo 21:33

Ina quëran itaantarin: “Aꞌnantaꞌ pënënto nanan, aꞌchinchinquëmaꞌ, natancoꞌ. Aꞌna quëmapi pancana imianatërin. Inaquë oparachin shaꞌnin. Nani pairapirahuaton, naꞌpi quëran nanpi ninin opa toꞌpoitonaꞌ huino nicacaiso marëꞌ. Naporahuaton, tori ninin. Inaquë piyapinën yaꞌhuaton nocorarin ama ihuacaiso marëhuëꞌ. Nani tiquihuachina, inpriatoroꞌsaꞌ acorin aꞌpaicaiso marëꞌ. ‘Sacatëramaso marëꞌ patoma nitërinsoꞌ canpitaoranquën marëꞌ macoꞌ. Patomachin cantaꞌ acotoco,’ itërin. Itahuaton, aꞌna parti paꞌnin huachi.

Juan 1:17

Iráca Yosë nohuanton, Moisësë pënëntërin nani maꞌsha natëcasoꞌ. Pënëntopirinhuëꞌ, co yaꞌipiya anitotërinpoahuëꞌ. Quisocristoso nipirinhuëꞌ nosororinpoaꞌ. Noꞌtëquën nonaton, yaꞌipi nanamën anitotërinpoaꞌ.

Juan 1:47

Natanino yaꞌcarirahuasoꞌ, Quisosori quënanin. —Pasoꞌ quëmapi niꞌcoꞌ. Israiromia chachin inasoꞌ. Co piꞌpisha tërantaꞌ nonpininhuëꞌ, itërin Quisosori.

Hechos 2:39

Yosë nohuanton, Ispirito Santo aꞌpatimarinpoaꞌ. Canpitantaꞌ yaꞌcoancantarinquëmaꞌ. Huiꞌnamapitantaꞌ yaꞌcoancantarin. Aꞌnaquëontaꞌ aquë yaꞌhuëpirinahuëꞌ, Yosë nohuanton, imasapi. Imapachinaꞌ, Ispirito Santori yaꞌcoancantarin inahuantaꞌ, itërin.

Romanos 3:2

Naꞌcon canapi tënahuë. Yosëri naꞌcon catahuarin. Inahuaꞌton iráca nontërin. Nanamën chachin aninshitërin yaꞌhuëmiatacaso marëꞌ.

Romanos 8:15

Iráca Yosë tëꞌhuatëramaꞌ. Iporaso nipirinhuëꞌ Ispirito Santo yaꞌcoancantërinpoaꞌ niꞌton, co huachi mantaꞌ tëꞌhuatacasoꞌ yaꞌhuërinhuëꞌ. Huiꞌninpita pochachin Yosë niꞌninpoaꞌ. Ina nontohuatëhuara, “Tata,” itërëhuaꞌ.

Romanos 9:6

Naꞌcon nitotaponaraihuëꞌ, notohuaroꞌ israiroꞌsaꞌ co Yosë natëpihuëꞌ. Napoaponahuëꞌ, Yosëri co topinan quëran shaꞌhuitërinhuëꞌ nichaꞌëcaso marëꞌ. Co yaꞌipi israiroꞌsaꞌ piyapinënpita pochin niꞌninhuëꞌ.

2 Corintios 11:22

“Quiyasoꞌ Iprio piyapicoi,” topachinara, cantaꞌ mini Iprioco. “Israiro piyapicoi,” topachinara, cantaꞌ inachachin ninahuë. “Apraansoꞌ shimashonëhuëi chachin,” topachinara, inasoꞌ shimashonëhuë cantaꞌ.

Gálatas 3:16

Inapochachin iráca Yosëri nontaton, Apraan shaꞌhuitërin: “Caora nohuanto, nóya catahuaranquën. Quëma shipariontaꞌ catahuarahuë yaꞌipi piyapiꞌsaꞌ anoyacancantacaso marëꞌ,” itërin. Aꞌnaíchin shiin yonquiaton, naporin. Quisocristo ninoton, napotërin.

Efesios 2:12

Tëhuënchachin coꞌhuara imashatërapomahuëꞌ, co Quisocristo nohuitëramahuëꞌ. Iráca Yosëri israiroꞌsaꞌ huayonin piyapinënpita nicacasoꞌ niꞌton, “Nichaꞌësaranquëmaꞌ,” itërin. Co inapita pochin niꞌninquëmahuëꞌ. Shimashonënapitarëꞌ anoyatërinsoꞌ shaꞌhuitopirinhuëꞌ, co nitotëramahuëꞌ. Topinan quëran yaꞌhuëramaꞌ. Co Yosëꞌpaꞌ pacamasoꞌ ninaramahuëꞌ. Co piꞌpian tërantaꞌ Yosë nohuitëramahuëꞌ.

Deuteronomio 31:16

Naporoꞌ Siniorori Moisësë itapon: “Co huaꞌquiya quëranhuë quëmasoꞌ chiminapon. Aꞌnapitaso noꞌpaꞌ quëtarahuëquë yaꞌconpachinaꞌ, nisha cancantapi. Inapoatonaꞌ, nisha nisha mamanshiroꞌsa yaꞌhuëhuanoꞌsari moshapisoꞌ, moshatona aꞌpoaponaco. Inapitaroꞌco nani anoyatopirahuëꞌ, napoatona anoyatërahuëso tapiaponaꞌ.

Deuteronomio 4:13

Shonca nanan pënëninpoa quëran, Sinioro canpoarë anoyatërinso anitotërinpoaꞌ. Inapita cato naꞌpitëaꞌhuaquë ninshitërin. Ina quëtahuatonpoa camairinpoa noꞌtëquën natëcaso marëꞌ.

Deuteronomio 7:6

Canpitaso nipirinhuëꞌ, Sinioroíchin chinotamaso marëꞌ nani acorinquëmaꞌ. Naꞌa nacionoꞌsa isoroꞌpaquë yaꞌhuëpirinhuëꞌ, canpitasoꞌ, ina piyapinënpita nicamaso marëꞌ huayoninquëmaꞌ,” itërin Moisësëri.

Hebreos 9:1

Iráca anoyatërinso shaꞌhuitohuachina, Moisësë nani maꞌsha shaꞌhuitërin onporahuatonsona Yosë chinotacaiso marëꞌ. Ina marëꞌ chinotopiso pëiꞌ nipi.

Hebreos 9:10

Iráca nisha nisha cosharoꞌ aꞌpopi. Nisha nisha oꞌocasontaꞌ aꞌpopi. Co noyahuëꞌ nipachinara, “Oshanëhuë inquiꞌi,” taꞌtonaꞌ, nisha nisha paꞌmopi. “Inapotohuatëhuaꞌ, Yosë noya niꞌsarinpoaꞌ,” topirinahuëꞌ, co ina marëꞌ noya cancantopihuëꞌ. Yosëri nasha nanan shaꞌhuitaton, anoyataquë huarëꞌ inapocaisoꞌ yaꞌhuërin.

Hebreos 9:3

Nëmëtëquë patonpisoꞌ aquëtëꞌ, aꞌna patoanantaꞌ yaꞌhuërin, noya noya patoana itopisoꞌ.

Hebreos 9:5

Caposo aꞌtanamënquë catoꞌ anquëniaꞌhuaya pochin nonanatonaꞌ, acopi. Yosë huënaráchin nininsoꞌ ayonquiinpoaso marëꞌ napopi. Aꞌna inchinan quëran, aꞌna ahuënan quëran ninotëëpi. Naporahuaton anpiantëna quëran, caposo aꞌtanamën imotatë pochin nipi. Nisha nisha nininsopita aꞌchintacaꞌhuanquëmasoꞌ yaꞌhuëpirinhuëꞌ, co apira aquëtëꞌ shaꞌhuitaranquëmahuëꞌ.

Hebreos 9:6

Ina pochin maꞌsha chinotopiso pëiquë acohuachinara, noya patoanaquësoꞌ yaꞌipi corto huaꞌanoꞌsaꞌ yaꞌconpi. Nani tahuëri yaꞌconpi Yosë chinotacaiso marëꞌ.