Romanos 9:19 - Chayahuita (Shahui)

¹⁹ Ina natanatomaꞌ, aꞌnaquëmaꞌ co noyahuëꞌ yonquiramaꞌ: “Yosë nohuanton, aꞌnaquën natëpi. Co yaꞌipiya natëpihuëꞌ. Maꞌsona Yosë nohuantërinsoichin nipirëhuahuëꞌ. ¿Onpoatontaꞌ nipachin anaꞌintarinpoaꞌ? ¡Co insontaꞌ nanitërinhuëꞌ Yosë nohuantërinsoꞌ canpiacasoꞌ!” toconamaꞌ.

Romanos 9:19 ပူးပေါင်းရင်းမြစ်များ

Génesis 50:20

Canpitaso mini, maꞌsha onpotamacoso yonquipiramahuëꞌ, Yosëso nipirinhuëꞌ, inaporamaso anoyatërin. Ama notohuaroꞌ piyapiꞌsa taquicaiso marëhuëꞌ, inaporin.

Daniel 4:35

Isoroꞌpaquë yaꞌhuëpisopita quëma marësoꞌ, co máquënoꞌsahuëꞌ. Inápaquë yaꞌhuëpisopita, nohuantëransoráchin nipi. Isoroꞌpaquëntaꞌ, ina pochachin nipi. Chini chiníquën nanantëran niꞌton, co insonta nanitarinhuëꞌ, chinitiinquënsoꞌ. Maꞌsha nipataontaꞌ: ‘¿Onpoatonta ina pochin nisaran?’ co itiinënso yaꞌhuërinhuëꞌ,” itërahuë.

Marcos 14:21

Yosë quiricanënquë ninorincoso chachin chiminarahuë. Yosë quëran quëmapico niporahuëꞌ, chiminarahuë. Napoaponahuëꞌ, quëmapi yashaꞌhuirapirincosoꞌ maꞌhuantacha nicapon paya. Co nasitërinhuëꞌ naporini, noya noya niitonhuëꞌ, itërin.

Hechos 2:23

Napoaponahuëꞌ, canpitari atëpatëramaꞌ. Masahuatomaꞌ, nisha piyapiꞌsaꞌ quëtonamaꞌ corosëquë tëpacaiso marëꞌ. Co Yosë natëpihuëꞌ niꞌton, tëpapi. Iráca chachin Yosëri yonquirin huiꞌnin chiminacasoꞌ. Ina nohuanton, oshanënpoa marëꞌ chiminin. Co nohuantërinhuëꞌ naporini, co macacamasoꞌ nanichitomahuëꞌ. Canpitari atëpatopiramahuëꞌ,

Romanos 11:19

“Quiyantaꞌ imacaꞌhuaiso marëꞌ israiroꞌsaꞌ tananpitërin,” tënamaꞌ nimara.

1 Corintios 15:12

“Quisocristo nanpiantarin huachi,” itërainquëmaꞌ niꞌton, ¿onpoatomataꞌ aꞌnaquëmasoꞌ co noꞌtëquën yonquiramahuëꞌ? “Co Yosë ananpitaantarinpoahuëꞌ,” toconamaꞌ.

1 Corintios 15:35

Aꞌnaquëmaꞌ yanitotëramaꞌ. “Chiminpatëhuaꞌ, ¿onporahuatëhuataꞌ nanpiantarihuaꞌ? ¿Onpopintaꞌ nonënpoaꞌ yaꞌhuëtaponpoasoꞌ?” tënamaꞌ.

Santiago 1:13

Aꞌnaquënso nipirinhuëꞌ maꞌsha onpohuachinara, aꞌnaroáchin co noyahuëꞌ yonquipi. “Yosë nohuanton, co noyahuëꞌ ninahuë. Napoaton co anaꞌintincosoꞌ yaꞌhuërinhuëꞌ,” toconpi. Ama ina pochin yonquicosohuëꞌ. Yosësoꞌ noyasáchin yonquirin. Co piꞌpisha tërantaꞌ oshahuaninhuëꞌ. Co onporontaꞌ aoshahuaninpoahuëꞌ.

Santiago 2:18

Aꞌnaquëmaꞌ tapomaꞌ nimara: “Quëmasoꞌ ‘Yosë imarahuë,’ taꞌton, chinotëran. Caso nipirinhuëꞌ noya ninahuë. Quëmasoꞌ Yosë chinotaponahuëꞌ, co noya nipatanhuëꞌ, topinan quëran nonsaran. Caso nipirinhuëꞌ, noya ninahuëso marëꞌ natërahuësoꞌ yaꞌnoarin,” tapomaꞌ.