Romanos 9:16 - Chayahuita (Shahui)

¹⁶ Napoaton co canpoara nohuanton, Yosë huëntonënquë yaꞌconëhuahuëꞌ. Noya nipirëhuahuëntaꞌ, co canpoara nanitërëhuahuëꞌ yaꞌconacasoꞌ. Inaora nohuanton, Yosë ayaꞌconinpoaꞌ. Nosoroatonpoaꞌ, ayaꞌconinpoaꞌ.

Romanos 9:16 ပူးပေါင်းရင်းမြစ်များ

Salmos 110:3

Copirno yaꞌconanso tahuëri chachin, piyapinënpita noyá nitaparahuatonaꞌ, paꞌyataponën. Natëmiatinënquënso marëntaꞌ, shaꞌhuitaponën. Poroncayo nani tashi shipihuaninso pochin huiꞌnapitëransonta ina chachin nisápon.

Isaías 65:1

Sinioro naporin: “Co manta cancantërinacosopitahuëꞌ, quënaninaco. Co yonípirinacohuëꞌ, quënaninaco. Co nontopirinacohuëꞌ: ‘Nontoco catahuainquëmaꞌ,’ itërahuë.

Mateo 11:27

Ina quëran piyapiꞌsaꞌ aꞌchintantarin. “Tata Yosë nohuanton, pënëntarahuë. Yaꞌipi nanamën anitotërinco piyapiꞌsaꞌ aꞌchintacaꞌhuaso marëꞌ. Huiꞌninco niꞌton, inasáchin noya nohuitërinco. Inapochachin Tata Yosë nohuitërahuë. Casáchin noya nohuitërahuë. Aꞌnaquëontaꞌ cari anohuitohuato, nohuitapi antaꞌ.

Mateo 4:8

Ina quëran aꞌna motopiꞌpaꞌ sopairi quëpantarin. Inatohua quëran yaꞌipi ninanoroꞌsaꞌ, maꞌshanënpita, inapita aꞌnotërin. Noyápiachin nininsopita yaꞌipiya quënanin.

Lucas 10:21

Naporoꞌ Ispirito Santo nohuanton, Quisoso nóya cancantërin. Noya cancantaton, Yosë nontarin. “Ma noyacha, Tata, yonquiran paya. Quëmasoꞌ chini chiníquën nanantëran. Inápaquë, isoroꞌpaquë, yaꞌipi parti huaꞌanëntaran. Quëma nohuanton, aꞌnaquën nani maꞌsha nitotaponaraihuëꞌ, co nanamën nitotopihuëꞌ. ‘Quiyaora noya noya nitotarai,’ topiso marëꞌ, co nanamën anitotëranhuëꞌ. Imarinacosopitaso nipirinhuëꞌ catahuaran. ‘Catahuaco Sinioro co caora nanitërahuëꞌ,’ itohuachinën, quëma nanamën chachin anitotëran. Ina marëꞌ Tata, ‘Yosparinquën,’ itëranquën,” tënin, Yosë nontaton.

Juan 3:8

Niꞌquëꞌ. Ihuan inaora nohuanton, paꞌnin. Natanarihuarahuëꞌ, intohua quëransoꞌ huëcaton intohuasona paꞌninsoꞌ, co nitotërëhuahuëꞌ. Co quënanpirëhuahuëꞌ, natanëhuaꞌ. Inapochachin Ispirito Santo yaꞌcoancantohuachinquëmaꞌ, nasitaantarëso pochin nasha cancan quëtarinquëmaꞌ, itërin.

Romanos 9:11

“Huaꞌhua nininsoꞌ chini chiníquën nanantarin. Paninansoꞌ co onpopinchin chiníquën nanantaponhuëꞌ,” itërin. Ina quëran itantarin: “Cacopo nosoroato, huayonahuë. Isaoso nipirinhuëꞌ co onpopinchin nohuantërahuëꞌ,” tënin Yosë quiricanënquë. Coꞌhuara nasichátërasoihuëꞌ, naporin. Co yaꞌhuëyátërasoihuëꞌ, yonquiaton, huayonin. “Noya nininso marëꞌ Yosëri huayonin,” topiramahuëꞌ, co ina marëꞌ huayoninhuëꞌ. Inaora nohuanton, huayonin.

Gálatas 2:2

Yosë ayonquirinco pacaꞌhuasoꞌ niꞌton, paꞌnahuë imapisopita nontaꞌhuaso marëꞌ. Ansianoꞌsarachin niyontonpachinara, shaꞌhuitërahuë. “Casoꞌ nisha piyapiꞌsaꞌ aꞌchintohuato, Quisocristoíchin imacaisoꞌ yaꞌhuërin, tënahuë. Iráca pënëntërinsoꞌ imacaisoꞌ co aꞌchintërahuëꞌ,” itërahuë. “Co noꞌtëquën aꞌchinanhuëꞌ,” itërinaco naporini, topinan quëran aꞌchinchitënquëmahuëꞌ, tënahuë yonquiato. Ansianoꞌsaso nipirinhuëꞌ “Noya aꞌchinan,” itërinaco.

Efesios 2:8

Nosoroatonpoaꞌ, inaora nohuanton nichaꞌërinpoaꞌ. “Quisocristoíchin anoyacancantërinpoaꞌ,” topatëhuaꞌ, oshanënpoaꞌ inquitatonpoaꞌ, nichaꞌërinpoaꞌ. Co canpoara nanitërëhuahuëꞌ Yosë imacasoꞌ. Ina catahuarinpoaꞌ cancanënpoa quëran natëcasoꞌ.

Filipenses 2:13

Co noyahuëꞌ cancantatomaꞌ, co canpitaora nanitëramahuëꞌ Yosë natëcamasoꞌ. Nipirinhuëꞌ, Yosë nontohuatamaꞌ, catahuarinquëmaꞌ nohuantacasoꞌ. Ina quëran Yosë yanatëhuatamaꞌ, inari chachin catahuarinquëmaꞌ noꞌtëquën natëcamasoꞌ. Inasoꞌ noya noya ayonquiarinquëmaꞌ.

Santiago 1:18

Inaora nohuanton, anasitaantatonpoa pochin nasha cancan quëtërinpoaꞌ. Inasoꞌ noꞌtëquën nonin. Nanamën natëhuatëhuaꞌ, huëntonënquë ayaꞌcoaninpoaꞌ. Huiꞌninpita pochachin niꞌninpoaꞌ. Canpoaꞌton anoyacancantërinpoaꞌ. Ina quëran oshaquëran naꞌayaꞌpi anoyacancantarin.