Romanos 8:7 - Chayahuita (Shahui)

⁷ Co noyahuëꞌ nicacasoráchin paꞌyatohuatëhuaꞌ, Yosë inimicotarëhuaꞌ. Co Yosë pënëntërinsoꞌ natëcasoꞌ nohuantarëhuahuëꞌ. Co nanitarëhuahuëꞌ ina natëcasoꞌ.

Romanos 8:7 ပူးပေါင်းရင်းမြစ်များ

Éxodo 20:5

Ama monshorahuatoma inapita moshacosohuëꞌ. Ama piꞌpian tëranta chinotocosohuëꞌ. Casáchin Sinioroco niꞌto, aꞌpitëranquëmaꞌ. Co natëhuatamacohuëꞌ, anaꞌintaranquëma huachi. Huiꞌnamapita, shiparimapita, huiꞌnama shinpitaquë huarëꞌ anaꞌintarahuë.

Mateo 12:34

Canpitaso nipirinhuëꞌ, yaꞌhuan pochin cancantatomaꞌ yanonpinamaꞌ. Co noyahuëꞌ yonquiatomaꞌ, co nanitëramahuëꞌ noya nonacamasoꞌ. Onpopinsona cancantëramasoꞌ, nonama quëran piyapiꞌsa anitotaramaꞌ.

Mateo 5:19

Napoaton piꞌpian tërantaꞌ co natëhuatamahuëꞌ, co Yosë noya niꞌsarinquëmahuëꞌ. Huaꞌanëntërinquë co acanarinquëmahuëꞌ. Piyapiꞌsaꞌ aꞌchintatomaꞌ: ‘Ama natëquësohuëꞌ,’ itohuatamaꞌ, co noya aꞌchinaramahuëꞌ. ‘Natëcasoꞌ yaꞌhuërin,’ itohuatamaꞌ, noya aꞌchinaramaꞌ. Natëhuatamaꞌ, Yosë noya niꞌsarinquëmaꞌ. Huaꞌanëntërinquë acanamiatarinquëmaꞌ.

Juan 7:7

Canpitasoꞌ piyapiꞌsaꞌ co noꞌhuirinënquëmahuëꞌ. Caso nipirinhuëꞌ noꞌhuirinaco. “Co noyahuëꞌ ninamaꞌ,” itërahuëso marëꞌ noꞌhuirinaco.

Romanos 1:28

Co Yosë yanatëpihuëꞌ niꞌton, inari aꞌporin co noyahuëꞌ nicacaiso marëꞌ. Nitapicancamiatopi.

Romanos 1:30

Nipinopi. Yosë inimicotopi. Maꞌtona maꞌtona nonpi. “Casoꞌ noya noyaco,” taꞌtonaꞌ, aꞌnapita nocanpi. Yonquirápi co noyahuëꞌ nicacaiso marëꞌ. Paꞌpinaꞌ, aꞌshinaꞌ, co inapita tërantaꞌ natëpihuëꞌ.

Romanos 3:31

Quisocristoíchin anoyacantërinpoaꞌ niꞌton, iráca pënëntërinsoꞌ ¿co huachi paꞌtërinhuë pochin nitërëhua ti? ¡Co naporinhuëꞌ! Ina quëran oshahuanëhuasoꞌ nitotarihuaꞌ. Quisocristo imapatëhuaꞌ, catahuarinpoaꞌ noya natëcasoꞌ.

Romanos 5:10

Iráca oshahuanatëhuaꞌ, Yosë inimicotopirëhuahuëꞌ, huiꞌnin chiminin niꞌton, nanan anoyatërinpoaꞌ. Iporasoꞌ noya nipayarëhuaso pochin ninëhuaꞌ niꞌton, noya noya catahuarinpoaꞌ. Nanpiantarin niꞌton, catahuarinpoaꞌ noya chaꞌëcahuaso marëꞌ.

Romanos 7:22

Cancanëhuë quëran Yosë pënëninpoasoꞌ paꞌyatato, yanatëpirahuëꞌ.

Romanos 8:4

Co noyahuëꞌ yonquirëhuasopita naniantatëhuaꞌ, Ispirito Santo natëhuatëhuaꞌ, catahuarinpoaꞌ noya nicacasoꞌ. Ina pochin cancantohuatëhuaꞌ, Yosë noya niꞌsarinpoaꞌ. Ina marëꞌ huiꞌnin aꞌpaimarin.

1 Corintios 2:14

Aꞌnaquënso nipirinhuëꞌ piyapi yonquirinsoráchin nitotatonaꞌ, co nohuantopihuëꞌ Yosë nanamën natanacaisoꞌ niꞌton, tëhuaconpi. Ispirito Santoráchin catahuarinpoaꞌ natëtacasoꞌ. Napoaton co imarinsopitasohuëꞌ natanaponaraihuëꞌ, co nanitopihuëꞌ noꞌtëquën yonquicaisoꞌ.

1 Corintios 9:21

Nisha piyapiꞌsasoꞌ co Moisësë pënëntërinsoꞌ natëpihuëꞌ. Napoaton inapita aꞌchintohuatëra, co yaꞌipi Moisësë pënëntërinsoꞌ natërahuëꞌ. Co ina natëpirahuëꞌ, Quisocristo natëto, noya ninahuë. Nisha piyapiꞌsarintaꞌ imacaiso marëꞌ Quisocristo nanamënáchin aꞌchintërahuë.

Colosenses 1:21

Iráca canpitasoꞌ co Yosë yonquiramahuëꞌ. Co noyahuëꞌ cancantatomaꞌ, Yosë inimicotëramaꞌ. Co noyahuëꞌ ninamaꞌ.

Colosenses 2:18

Nisha aꞌchinaꞌpiroꞌsaso nipirinhuëꞌ taponaꞌ: “Quiyasoꞌ anquëniroꞌsaꞌ chinotërai. Huaꞌnarëso pochin quënanai. Co canpitasoꞌ quiya pochin nipatamahuëꞌ, co noya cancantaramahuëꞌ,” itohuachinënquëmaꞌ, ama piꞌpisha tërantaꞌ natëtocosohuëꞌ. Inapitasoꞌ nonpinatonaꞌ, “Nani maꞌsha Yosë anitotërincoi niꞌton, noya noyacoi,” topirinahuëꞌ, inahuara yonquinëna quëran napopi.

2 Timoteo 3:4

Iina niponaraihuëꞌ, nonpinapitonaꞌ shaꞌhuirapiapi. Co huachi yonquiapihuëꞌ: “Quiyasáchin nitotërai,” tosapi. Nipaꞌyatacasoáchin yonquiatonaꞌ, co huachi Yosë nohuantapihuëꞌ.

Hebreos 8:10

Ina quëran itantarin: “Tahuëri nanihuachin, nasha quëran anoyataantarahuë. Naporoꞌ anoyacancantarahuë noya yonquicaiso marëꞌ. Nasha cancan quëtarahuë ca pochin cancantacaiso marëꞌ. Casáchin chinotarinaco niꞌton, noya aꞌpaiarahuë. Ca pochin cancantatonaꞌ, piyapinëhuëpita chachin nisapi.

Santiago 4:4

Canpitasoꞌ co huachi Yosëíchin yonquiramahuëꞌ. Yosë yonquipiramahuëꞌ, nani maꞌsha naꞌcon naꞌcon nohuantatomaꞌ, yamonshihuaninso pochin cancantëramaꞌ. Capa cancantacasoáchin paꞌyatëramaꞌ. Maꞌsharáchin yonquiatomaꞌ, Yosë inimiconën pochin cancantëramaꞌ.

2 Pedro 2:14

Sanapi quënanpachinara, monshitacaisoráchin yonquipi. Co nanitopihuëꞌ naniantacaisoꞌ. Co chiníquën cancantopisopitahuëꞌ nonpintatonaꞌ, anishacancantapi. Huënsonquë maꞌsha manëso pochin nonpintapi. Maꞌsharáchin yonquiatonaꞌ, noyapatopi. Napoaton Yosëri anaꞌintarin.