Romanos 8:5 - Chayahuita (Shahui)

⁵ Co noyahuëꞌ yonquihuatëhuara, co noyahuëꞌ nicacasoáchin paꞌyatërëhuaꞌ. Nipirinhuëꞌ, Ispirito Santo natëhuatëhuaꞌ, Yosë nohuantërinsoáchin paꞌyatarëhuaꞌ.

Romanos 8:5 ပူးပေါင်းရင်းမြစ်များ

Marcos 8:33

Quisososo nipirinhuëꞌ tahuërërahuaton, yaꞌipi caꞌtanoꞌsanënpita niꞌsarin. —¡Taꞌtëquëꞌ iyasha! Sopai nohuanton, napotëranco. Co Yosë pochin yonquiranhuëꞌ. Piyapinquën niꞌton, quëmaora nohuantëransoachin yonquiran, itërin.

Juan 3:6

Piyapi quëran nasitohuatamara, piyapi pochin cancantëramaꞌ. Ispirito Santo quëransoꞌ nasitaantahuatamaꞌ, Yosë pochin cancantaramaꞌ.

Romanos 8:9

Canpitaso nipirinhuëꞌ co noyahuëꞌ yonquiramasopita naniantëramaꞌ. Ispirito Santo yaꞌcoancantohuachinquëmaꞌ, ina nohuantërinsoꞌ nisaramaꞌ. Co Ispirito Santo yaꞌcoancantohuachinquëmahuëꞌ, co tëhuënchachin Quisocristo imaramahuëꞌ.

1 Corintios 15:48

Yaꞌipi piyapinpoaꞌ Atan pochin nicatëhuaꞌ, ina nonën pochin yaꞌhuëtërinpoaꞌ. Napoaponahuëꞌ, Quisocristo imapatëhuaꞌ, aꞌna tahuëri ina nonën pochachin yaꞌhuëtarinpoaꞌ.

1 Corintios 2:14

Aꞌnaquënso nipirinhuëꞌ piyapi yonquirinsoráchin nitotatonaꞌ, co nohuantopihuëꞌ Yosë nanamën natanacaisoꞌ niꞌton, tëhuaconpi. Ispirito Santoráchin catahuarinpoaꞌ natëtacasoꞌ. Napoaton co imarinsopitasohuëꞌ natanaponaraihuëꞌ, co nanitopihuëꞌ noꞌtëquën yonquicaisoꞌ.

2 Corintios 10:3

Piyapicoi quiyantaꞌ nipiraihuëꞌ, co aꞌnapita pochin yonquiraihuëꞌ. Co natëpisopitahuësoꞌ inimicotopirinacoihuëꞌ, co quiyaora yonquinëhuëi quëran yaminsëraihuëꞌ.

Gálatas 5:17

Ispirito Santo noyasáchin ayonquiinpoasoꞌ nohuantopirinhuëꞌ, ipora huantaꞌ co noyahuëꞌ yonquirëhuaꞌ. Ispirito Santoso nipirinhuëꞌ pënëninpoaꞌ ama ina pochin cancantacaso marëhuëꞌ. Co noyahuëꞌ yonquihuatëhuaꞌ, co nanitërëhuahuëꞌ Ispirito Santo natëcasoꞌ. Catoꞌ cancan pochin yaꞌhuëtërinpoaꞌ. Itohuara capini nipatëtatë pochin nipi. Noya cancantacasoꞌ nohuantopirëhuahuëꞌ, canpoara co nanitërëhuahuëꞌ noya nicacasoꞌ.

Efesios 5:9

Tahuëri pochin cancantohuatamaꞌ, nóya nisaramaꞌ. Noꞌtëquënáchin yonquiatomaꞌ, noyápiachin cancantaramaꞌ.

2 Pedro 2:10

Aꞌnaquën co piꞌpisha tërantaꞌ Yosë yanatëpihuëꞌ. Inapitasoꞌ chini chiníquën anaꞌintarin. Co Yosë natëtonahuëꞌ, co noyahuëꞌ nicacaisoráchin yonquipi. Aꞌnaratipita taparoꞌ nisáponaraihuëꞌ, co ina marëꞌ tapanpihuëꞌ. “Caora noya nitotërahuë,” taꞌtonaꞌ, co inso tërantaꞌ yanatëpihuëꞌ. Chiníquën nanantopisopita Yosëri acorinsoꞌ co quënanpirinahuëꞌ, pinopi.