Romanos 8:38 - Chayahuita (Shahui)

³⁸ Yosë nosoromiatërinpoaꞌ. Nanpihuatëhuara, nosororinpoaꞌ. Chiminpatëhuantaꞌ, co patarinpoahuëꞌ. Anquëniroꞌsaꞌ, sopairoꞌsaꞌ, tanan huaꞌyanoꞌsaꞌ, inapita co nanitopihuëꞌ Yosë quëran osërëinpoasoꞌ. Ipora tahuëriꞌsaꞌ maꞌsha onpotopirinënpoahuëꞌ, co patarinpoahuëꞌ. Aꞌna tahuërintaꞌ maꞌsha onpotohuachinënpoaꞌ, co Yosë naniantarinpoahuëꞌ.

Romanos 8:38 ပူးပေါင်းရင်းမြစ်များ

Juan 10:28

Ca nohuanto, nanpimiatapi. Co parisitopiquë paꞌsapihuëꞌ. Noya aꞌpaiarahuë. Co insontaꞌ osërëtarinacohuëꞌ.

Romanos 14:7

Co canpoara nipaꞌyatacaso marëꞌ yaꞌhuërëhuahuëꞌ. Chiminpatëhuantaꞌ co canpoara marëꞌ chiminarihuahuëꞌ.

Romanos 14:8

Sinioro piyapinënpoaꞌ ninëhuaꞌ. Ina natëcaso marëꞌ nanpitëhuaꞌ, yaꞌhuërëhuaꞌ. Ina yonquiinpita chiminarihuaꞌ. Nanpihuatëhuantaꞌ, inasáchin huaꞌanëntarinpoaꞌ. Ina quëran chiminacasoꞌ nipachin, ina yonquiatëhuaꞌ, chiminarihuaꞌ. Inasáchin imarëhuaꞌ.

Romanos 4:21

Yosë yaꞌipiya nanitaparin. Sacaiꞌ niponahuëꞌ, nani shaꞌhuitërinco niꞌton, catahuarinco. Shaꞌhuitërincoso chachin yaꞌhuapon,” tënin.

Romanos 6:23

Piyapi asacatohuatëra, pahuërërëꞌ. Inapochachin co noyahuëꞌ nipatëhuaꞌ, chiminpatëhuaꞌ parisitomiatarihuaꞌ. Yosëso nipirinhuëꞌ, inaora nohuanton nosororinpoaꞌ. Quisocristo imapatëhuaꞌ, ina nohuitatëhuaꞌ, nanpimiatarihua. Inasoꞌ huaꞌanënpoaꞌ. Inasáchin natërëhuaꞌ.

1 Corintios 15:24

Ina quëran yaꞌipiya naniarin. Iporasoꞌ nisha nisha huaꞌanoꞌsaꞌ, copirnoroꞌsaꞌ, inapita chiníquën nanantatonaꞌ, camairinënpoaꞌ. Sopairoꞌsantaꞌ yacamairinënpoaꞌ. Quisocristo oꞌmantahuachin, yaꞌipiya minsëarin. Nani minsëhuachin, Tata Yosëíchin yaꞌipiya huaꞌanëntarinpoaꞌ.

2 Corintios 11:14

Co ina marëꞌ paꞌyanacasoꞌ yaꞌhuërinhuëꞌ. Niꞌcoꞌ. Satanasëntaꞌ nohuantohuachin, Yosë anquëninën pochin yaꞌnorarin piyapiꞌsaꞌ nonpintacaso marëꞌ.

2 Corintios 4:13

Yosë quiricanënquë ninshitopi. “Yosë natërahuë niꞌton, shaꞌhuirahuë,” tënin. Quiyantaꞌ inapochachin cancantërai. “Yosë catahuarincoi,” taꞌtoi, nanamën aꞌchinarai.

Efesios 1:21

Isoroꞌpaquë nisha nisha huaꞌanoꞌsaꞌ, chirinchiroꞌsaꞌ, copirnoroꞌsaꞌ, inapita chiníquën nanantopi. Inapaquëntaꞌ chiníquën nanantopisopita yaꞌhuëpi. Quisocristoso nipirinhuëꞌ, inapita quëran chini chiníquën nanantërin. Co incari tërantaꞌ nanitërinhuëꞌ ina minsëcasoꞌ. Co onporontaꞌ aꞌnapitari ina minsëapihuëꞌ.

Colosenses 1:16

Yosë nohuanton, inarë chachin yaꞌipi maꞌsha ninin. Inápaquë yaꞌhuërinsopita, isoroꞌpaquë yaꞌhuërinsopita, inapita acorin. Aꞌnaquën quënanëꞌ. Aꞌnaquënso co quënanëhuëꞌ. Anquëniroꞌsaꞌ, inápaquë chiníquën nanantërinsopita, nisha nisha nininsopita, inapitantaꞌ ninin. Quisocristoíchin chinotacaiso marëꞌ yaꞌipiya yaꞌhuërin. Ina marëꞌ acorin.

Colosenses 2:15

Quisocristosoꞌ chini chiníquën nanantërin. Corosëquë chiminaton, yaꞌipi sopai huaꞌanoꞌsaꞌ, sopairoꞌsaꞌ, inapita aꞌninquëchin minsërahuaton, atapanin. Co huachi inapita nanitapihuëꞌ shaꞌhuirapiinpoasoꞌ.

2 Timoteo 1:12

Ina marëꞌ aparisitopirinacohuëꞌ, co tapanato yaaꞌporahuëꞌ. Quisocristo imamiatarahuë. Ina nohuitato, inasáchin natërahuë. Yaꞌipi nanitaparin. Nani shaꞌhuitërinco nanamën aꞌchinaꞌhuasoꞌ niꞌton, noya aꞌpaiarinco. Oꞌmantaquë huarëꞌ nanamën yaꞌhuëmiatarin, tënahuë.

Hebreos 11:13

Apraan, Isaco, Cacopo, inapita chiminaquë huarëꞌ Yosë natëpi. “Nani Yosë shaꞌhuitërinpoaꞌ. Co nonpintarinpoahuëꞌ. Pahuanarin nipirinhuëꞌ, aꞌna tahuëri Yosë nohuanton, yaꞌhuapon,” taꞌtonaꞌ, nóya cancantopi. “Co huaꞌqui isoroꞌpaquë yaꞌhuarihuahuëꞌ. Isëquësoꞌ topinan yacapatërëhuaso pochin ninëhuaꞌ,” topi.

1 Pedro 3:22

Nanpiantarahuaton, Yosëꞌpaꞌ pantarin. Yosë inchinan quëran huënsëaton, chini chiníquën nanantarin. Yaꞌipi anquëniroꞌsaꞌ, huaꞌanoꞌsaꞌ, chiníquën nanantërinsopita inapitari natëpi huachi.