Romanos 8:22 - Chayahuita (Shahui)

²² Iráca quëran huarëꞌ maꞌsharoꞌsaꞌ parisitopi. Sharoꞌsantaꞌ papotopirinhuëꞌ, co noyatërinhuëꞌ, chiminin. Ipora huantaꞌ sanapi huaꞌhua iquitohuachina, iquitërinso pochin chiníquën parisitapi.

Romanos 8:22 ပူးပေါင်းရင်းမြစ်များ

Marcos 16:15

Ina quëran itaantarin: “Yaꞌipi parti, iyaroꞌsaꞌ, pacoꞌ. Yaꞌipi piyapiꞌsaꞌ noya nanan carinquëmaꞌ shaꞌhuitëranquëmasoꞌ shaꞌhuitocoꞌ.

Juan 16:21

Niꞌco iyaroꞌsaꞌ. Sanapi yahuaihuachina, iquitaton co noyahuëꞌ cancantërin. Nani huaihuachina, aꞌnaroáchin nóya cancantërin. Co huachi iquitërinsoꞌ yonquirinhuëꞌ. “Huaꞌhuahuë nani huaꞌhuacharin,” taꞌton nóya cancantërin.

Romanos 8:20

Iporaso nipirinhuëꞌ sharoꞌsaꞌ co noyatopihuëꞌ. Maꞌsharoꞌsantaꞌ chiminpi. Nipirinhuëꞌ, co inahuara nohuanton, napopihuëꞌ. Yosë nohuanton, napopi. Aꞌna tahuëri yaꞌipiya anoyatarin.

Colosenses 1:23

Imamiatohuatamaꞌ, Yosë noya niꞌsarinquëma huachi. Noya nanan natanamaꞌ. “Nichaꞌësarinpoaꞌ,” taꞌtomaꞌ, natërama huachi. Natëmiatocoꞌ. Ama, iyaroꞌsaꞌ, nisha nisha yonquicosohuëꞌ. Ama piꞌpian tërantaꞌ aꞌpocosohuëꞌ. Yaꞌipi parti noya nanan chachin aꞌchinapi. Inachachin cantaꞌ aꞌchinarahuë.

Apocalipsis 12:2

Inasoꞌ cayoron. Nani yahuaiarin niꞌton, chiníquën iquitaton, parisitárin.