Romanos 8:20 - Chayahuita (Shahui)

²⁰ Iporaso nipirinhuëꞌ sharoꞌsaꞌ co noyatopihuëꞌ. Maꞌsharoꞌsantaꞌ chiminpi. Nipirinhuëꞌ, co inahuara nohuanton, napopihuëꞌ. Yosë nohuanton, napopi. Aꞌna tahuëri yaꞌipiya anoyatarin.

Romanos 8:20 ပူးပေါင်းရင်းမြစ်များ

Génesis 5:29

Nasitohuachina, Noi itërin. “Siniorori piyapi co huachi noya yaꞌhuëcaso marëhuëꞌ shaꞌhuitaton, anaꞌintërin. Napoaton isoroꞌpaꞌ nitapirin. Paꞌpi chiníquën sacataquë huarëꞌ cosharo manëꞌ. Iso huaꞌhuashaso nipirinhuëꞌ, nanan anoyatatonpoa achinotarinpoaꞌ,” taꞌton, ina pochin nininën acotërin.

Génesis 6:13

Ina nicaton, Noi itapon: “Yaꞌipi piyapiroꞌsa ataꞌhuantarahuë. Paꞌpi co noyahuëꞌ nipi niꞌton, piyapiꞌsa co huachi sano cancantopihuëꞌ. Napoaton yaꞌipiroꞌpaquë yaꞌhuëpisopita ataꞌhuantarahuë huachi.

Oseas 4:3

Napoaton yaꞌipi Israiro noꞌpaquë, sëtatona naꞌnërápi. Caniorëso pochin co manta chinipihuëꞌ. Tanan maꞌsharoꞌsa quëran huarëꞌ taquiapi. Inairaroꞌsaꞌ, marë samiroꞌsaꞌ, inapitanta inapoapi,” tënin.

Joel 1:18

Pëꞌtahuaroꞌsanta tanatonaꞌ, yamorotonaꞌ, noncarorápi. Ohuacaroꞌsa pasto yonípirinahuëꞌ, co quënanpihuëꞌ. Ohuica huëntonoꞌsantaꞌ, tanatonaꞌ, yamorotonaꞌ, taquirapi.

Romanos 8:22

Iráca quëran huarëꞌ maꞌsharoꞌsaꞌ parisitopi. Sharoꞌsantaꞌ papotopirinhuëꞌ, co noyatërinhuëꞌ, chiminin. Ipora huantaꞌ sanapi huaꞌhua iquitohuachina, iquitërinso pochin chiníquën parisitapi.

Romanos 8:24

Tata Yosë noya nichaꞌërinpoaꞌ. Napoaponahuëꞌ, co yaꞌipi naniyatërarinhuëꞌ: “Aꞌna tahuëri noya noya acoarinpoaꞌ,” taꞌtëhuaꞌ, ina ninarëhuaꞌ. Pahuanarin yaꞌipi nanicasoꞌ. Napoaton ninarëhuaꞌ. Nani nanirin naporini, co ninacasoꞌ yaꞌhuëꞌitonhuëꞌ.