Romanos 8:11 - Chayahuita (Shahui)

¹¹ Ispirito Santo yaꞌcoancantërinpoaꞌ. Yosë huaꞌyanën chachin niꞌton, achinicancaninpoaꞌ Yosë pochin cancantacaso marëꞌ. Aꞌna tahuërintaꞌ Yosë ananpitaantarinpoaꞌ. Quisocristo ananpitaantarinsoꞌ pochachin ananpitaantarinpoaꞌ canpoantaꞌ. Nonënpoaꞌ chiminacaso yaꞌhuëpirinhuëꞌ, Ispirito Santo yaꞌcoancantërinpoaꞌ niꞌton, nanpiantarihuaꞌ.

Romanos 8:11 ပူးပေါင်းရင်းမြစ်များ

Juan 14:17

Ispirito Santosoꞌ noꞌtëquënáchin nonin niꞌton, Yosë nanamën noꞌtëquën anitotarinquëmaꞌ. Co imarinacosopitasohuëꞌ nipirinhuëꞌ co ina natëpihuëꞌ. Napoaton co nohuitapihuëꞌ. Canpitaso nipirinhuëꞌ nohuitaramaꞌ. Nani tahuëri catahuarinquëmaꞌ. Yaꞌcoancantarinquëmaꞌ.

Juan 5:21

Tatahuë chimipi ananpitaantarin. Inapochachin cantaꞌ insosona nohuantërahuësoꞌ ananpitaantarahuë.

Hechos 2:24

Yosëri ananpitaantarin. Chimirin quëran nichaꞌërin. Co chimirini minsërinhuëꞌ.

Romanos 16:10

Apirisëntaꞌ saludos aꞌpatarahuë. Yaꞌipi cancanën quëran Quisocristo natërin. Aꞌnapitari aparisitopirinahuëꞌ, co aꞌporinhuëꞌ. Aristoporo pëinënquë yaꞌhuëpisopitantaꞌ saludos aꞌpatarahuë.

Romanos 16:3

Pirisira, Aquiro, inapita yonquiato, saludos aꞌpatarahuë. Naꞌcon catahuarinaco Quisocristo nanamën aꞌchinacaꞌhuaso marëꞌ.

Romanos 16:7

Antronico, Coniasë inapitantaꞌ saludos aꞌpatarahuë. Inapitasoꞌ ca pochin cotio piyapi nipi. Quisocristo imapi antaꞌ. Imaraiso marëꞌ napopináchin tashinan pëiquë poꞌmorinacoi. Yosë nohuanton, iráca inahuantaꞌ acopi aꞌchinacaiso marëꞌ. Noya aꞌchinpi. Coꞌhuara ca imayatërasocohuëꞌ, imapi.

Romanos 16:9

Orpanontaꞌ saludos aꞌpatarahuë. Inantaꞌ noya catahuarincoi Quisocristo nanamën aꞌchinaꞌhuaiso marëꞌ. Istaquisëntaꞌ noya nipayarai niꞌton, saludos aꞌpatarahuë.

Romanos 6:12

Ama oshanëma huaꞌanëntatë pochin nitatënquëmaꞌ camayápainquëmaso nohuantocosohuëꞌ. Yaꞌipi co noyahuëꞌ yonquiramasopita naniantatomaꞌ, noyasáchin yonquicoꞌ.

Romanos 8:1

Napoaton iporasoꞌ Quisocristo imapatëhuaꞌ, co huachi anaꞌintinpoasoꞌ yaꞌhuërinhuëꞌ.

Romanos 8:12

Napoaton iyaroꞌsaꞌ, Ispirito Santo natëcasoꞌ yaꞌhuërin. Co noyahuëꞌ yonquirëhuasopitasoꞌ naniantahuaꞌ.

Romanos 8:2

Oshanënpoa natëhuatëhuaꞌ, co noyahuë ninëhuaꞌ. Inapohuatëhuaꞌ, chiminpatëhuaꞌ, anaꞌintarinpoaꞌ. Nipirinhuëꞌ, Quisocristo imapatëhuaꞌ, Ispirito Santo catahuarinpoaꞌ nanpimiatacaso marëꞌ. Naporahuaton, co huachi oshanënpoa natëcasoꞌ yaꞌhuërinhuëꞌ.

Romanos 8:9

Canpitaso nipirinhuëꞌ co noyahuëꞌ yonquiramasopita naniantëramaꞌ. Ispirito Santo yaꞌcoancantohuachinquëmaꞌ, ina nohuantërinsoꞌ nisaramaꞌ. Co Ispirito Santo yaꞌcoancantohuachinquëmahuëꞌ, co tëhuënchachin Quisocristo imaramahuëꞌ.

1 Corintios 15:16

Co ananpitaantainpoasoꞌ yaꞌhuërinhuëꞌ naporini, co Quisocristo tërantaꞌ nanpiantaitonhuëꞌ.

1 Corintios 6:14

Yosë nohuanton, Sinioro Quisoso nanpiantarin. Inari chachin chiníquën nanantaton, nonënpoaꞌ ananpitaantarinpoaꞌ.

2 Corintios 4:11

Quisocristo nanamën aꞌchinaiso marëꞌ yatëparinacoi. Quiyaora co nanitopiraihuëꞌ, nani tahuëri ina achinicancanincoi ina pochachin yonquicaꞌhuaiso marëꞌ. Ipora huantaꞌ nanpitoi, Quisocristo pochin cancantarai.

2 Corintios 4:14

Tëpapirinacoihuëntaꞌ, Quisocristo imarai niꞌtoi, Yosë ananpitaantarincoi, tënai. Iráca Quisocristo ananpitaantarinsoꞌ pochin quiyantaꞌ ananpitaantarincoi. Yosëꞌpaꞌ quëpantarincoi. Canpitaroꞌcoi chachin yaꞌhuëcontarihua huachi.

2 Corintios 5:4

Iporasoꞌ isoroꞌpaquë yaꞌhuatëhuaꞌ, co chinirëhuahuëꞌ, sëtërëhuaꞌ, naporëhuaꞌ. Napopirëhuahuëꞌ, co chiminacasoꞌ nohuantërëhuahuëꞌ. Nasha nonënpoaꞌ tëhuënchinsoꞌ naꞌcon nohuantërëhuaꞌ. Isoroꞌpaquë taꞌhuantopirëhuahuëꞌ, Yosëꞌpaꞌ noya noya nanpimiatarihuaꞌ.

Gálatas 6:8

Inapochachin co noyahuëꞌ yonquirápatëhuaꞌ, co noyahuëꞌ nisarëhuaꞌ. Ina marëꞌ anaꞌintinpoasoꞌ yaꞌhuërin. Nipirinhuëꞌ, Ispirito Santo natëhuatëhuaꞌ, nani tahuëri catahuarinpoaꞌ noya cancantacaso marëꞌ. Ina quëran Yosëꞌpaꞌ noya nanpicontarihuaꞌ.

Efesios 2:5

Oshahuanëhuaꞌ niꞌton, chimipi pochin niꞌpirinpoahuëꞌ, oshanënpoaꞌ inquitërinpoaꞌ. Iporaso huachi Quisocristo imarëhuaꞌ niꞌton, nanpiantarinso pochin Yosë niꞌninpoaꞌ. Anoyacancantërinpoaꞌ noya noya cancantacaso marëꞌ. Nosoroatonpoaꞌ, inaora nohuanton, nichaꞌërinpoaꞌ.

Filipenses 3:21

Iporasoꞌ nonënpoaꞌ co chinirinhuëꞌ. Yacaniorëhuaꞌ. Chiminacasoꞌ yaꞌhuërin. Nipirinhuëꞌ, Quisocristo oꞌmantahuachin, nonënpoaꞌ anishatarin. Ina pochachin yaꞌnoarihuaꞌ. Nanitaparin niꞌton, yaꞌipi minsërahuaton, ananpitomiatarinpoaꞌ, noya noya acoarinpoaꞌ.

Hebreos 13:20

Yosë catahuainquëmaꞌ noya ninicatomaꞌ yaꞌhuëcamasoꞌ. Inasáchin asanocancaninpoaꞌ. Inari chachin iráca Quisocristo ananpitaantarin. Iporasoꞌ ohuicanënpita pochin nicatonpoaꞌ, Sinioro Quisoso aꞌpairinpoaꞌ. Huënainën paꞌnin niꞌton, nasha quëran anoyatërinso shaꞌhuitërinpoaꞌ imacaso marëꞌ. Ina anoyatërinsosoꞌ yaꞌhuëmiatarin. Co onporontaꞌ nishataponhuëꞌ.

1 Pedro 1:21

Quisocristo anoyacancantërinquëmaꞌ niꞌton, Yosë nohuitatomaꞌ, natëramaꞌ: “Tëhuënchachin catahuarinpoaꞌ,” tënamaꞌ. Quisocristo chiminaponahuëꞌ, Yosëri ananpitaantarin. Inápaquë quëpantarahuaton, chiníquën nanan quëtërin. Napoaton Yosëíchin imaramaꞌ. “Canpoantaꞌ ananpitaantarinpoaꞌ,” taꞌtomaꞌ, ninaramaꞌ.

1 Pedro 3:18

Quisocristontaꞌ nóya niponahuëꞌ, oshahuanëhuaso marëꞌ parisitërin. Oshanënpoaꞌ inquitinpoaso marëꞌ chiminin. Aꞌnaromarëáchin chiminin. Noya niponahuëꞌ, oshahuanoꞌsa marëꞌ chiminin. Canpoantaꞌ Yosë nohuitacaso marëꞌ chiminin. Piyapi niꞌton tëhuënchachin tëpapi. Chiminaponahuëꞌ, nanpiantarin niꞌton, noya noya yaꞌhuantarin.

Apocalipsis 1:18

Nanpiárahuë. Chiminaporahuëꞌ, nanpiantarahuë. Casoꞌ chini chiníquën nanantërahuë. Onporosona chiminacaisoꞌ cari shaꞌhuitarahuë. Ca nohuantohuato, nanpiapi. Ca nohuantohuato, chiminaponaꞌ. Co imarinacosopitahuëꞌ chiminpachinaꞌ, parisitopiquë aꞌpararahuë.

Apocalipsis 11:11

Cara tahuëri miria napoápirinahuëꞌ, aꞌnanaya Yosë nohuanton, nanpiantarahuatonaꞌ, huanintarapi. Piyapiꞌsari niꞌsahuatonaꞌ, paꞌpi tëꞌhuatapi.