Romanos 7:22 - Chayahuita (Shahui)

²² Cancanëhuë quëran Yosë pënëninpoasoꞌ paꞌyatato, yanatëpirahuëꞌ.

Romanos 7:22 ပူးပေါင်းရင်းမြစ်များ

Salmos 1:2

Sinioro pënëntërinsoꞌ paꞌyatatëhuaꞌ, tahuërinta tashinta co naniantarihuahuëꞌ.

Salmos 119:111

Camaitëransopita quëtëranco niꞌton, huaꞌanëntomiatarahuë. Inapita acapacancaninco niꞌton, napoarahuë.

Salmos 119:113

(-)

Salmos 40:8

Quëma nohuantëranso chachin nohuantërahuë nicaꞌhuasoꞌ. Pënëntëransoꞌ, cancanëhuë quëran yonquirárahuë.

Juan 4:34

—Yosë aꞌpaimarinco nohuantërinsoꞌ nicaꞌhuasoꞌ. Yaꞌipiya yanatërahuë. Ina yonquiato, co huachi cosharoꞌ yonquirahuëꞌ. Cosharo pochin achinirinco.

Romanos 2:29

Yaꞌipi cancanënpoa quëran Yosë imapatëhuaꞌ, tëhuënchachin piyapinënpita pochin niꞌsarinpoaꞌ. Marcanën cancanënpoaquë acotërinpoaꞌ. Co nonënpoaquë acotërinpoahuëꞌ. Ispirito Santo anoyacancantërinpoaꞌ. Ina quëran noya niꞌninpoaꞌ. Co piyapiꞌsaꞌ paꞌyatopirinënpoahuëꞌ, Yosësoꞌ noya niꞌsarinpoaꞌ.

Romanos 8:7

Co noyahuëꞌ nicacasoráchin paꞌyatohuatëhuaꞌ, Yosë inimicotarëhuaꞌ. Co Yosë pënëntërinsoꞌ natëcasoꞌ nohuantarëhuahuëꞌ. Co nanitarëhuahuëꞌ ina natëcasoꞌ.

2 Corintios 4:16

Napoaton co aꞌpochináchinhuëꞌ cancantërai. Parisitatoi, co huachi chinipiraihuëꞌ, nani tahuëri achinicancanincoi noya noya cancantaꞌhuaiso marëꞌ.

Efesios 3:16

Napoaton canpita yonquiatënquëmaꞌ, Yosë nontërahuë. “Quëmasoꞌ Sinioro chini chiníquën nanantëran. Noya noyanquën niꞌton, imarinënsopita nosoroaton, catahuaquëꞌ chiníquën cancanchinaꞌ. Ispirito Santori achinicancain noya noya imainënquën.

Colosenses 3:9

Ama ninonpintocosohuëꞌ. Co noyahuëꞌ yonquiramasopita nani aꞌporamaꞌ niꞌton, co ina yonquicasoꞌ yaꞌhuërinhuëꞌ. Mocarinsoꞌ tëꞌyatërëso pochin iráca naporamasopita aꞌpoatomaꞌ, naniantomiatocoꞌ.

Hebreos 8:10

Ina quëran itantarin: “Tahuëri nanihuachin, nasha quëran anoyataantarahuë. Naporoꞌ anoyacancantarahuë noya yonquicaiso marëꞌ. Nasha cancan quëtarahuë ca pochin cancantacaiso marëꞌ. Casáchin chinotarinaco niꞌton, noya aꞌpaiarahuë. Ca pochin cancantatonaꞌ, piyapinëhuëpita chachin nisapi.

1 Pedro 3:4

Quisocristo imapatamaꞌ, ama aipi yaꞌnorinsoráchin yonquicosohuëꞌ. Noyápiachin cancantacamasoꞌ naꞌcon naꞌcon yonquicoꞌ. Yosë pochin yonquicasoꞌ yaꞌhuërin. Nitaparamasoꞌ co yaꞌhuëmiatarinhuëꞌ. Cancanënpoa quëran yonquirëhuasopitaso nipirinhuëꞌ, yaꞌhuëmiatarin. Napoaton imoyaroꞌsaꞌ sano cancantocoꞌ. Ama piꞌpian tërantaꞌ noꞌhuitocosohuëꞌ. Nóya cancantohuatamaꞌ, Yosë noya niꞌsarinquëmaꞌ.