Romanos 7:14 - Chayahuita (Shahui)

¹⁴ Noya yonquicaso marëꞌ pënënpirinpoahuëꞌ. Casoꞌ co noya yonquiatohuëꞌ, oshahuanahuë. Oshahuanahuësoꞌ huaꞌanëntatë pochin nitërinco. Co nanitërahuëꞌ noya nicaꞌhuasoꞌ.

Romanos 7:14 ပူးပေါင်းရင်းမြစ်များ

Génesis 37:27

Ama tëpaꞌahuasohuëꞌ. Ismairo nicatonoꞌsa tëhuënchinsoꞌ paꞌantahuaꞌ. Noꞌhuípiro mini nipirinhuëꞌ, co nishahuëꞌ. Iyanpoaꞌ, tënin. Napohuachina, iinpitari: “¡Tëhuënchachinchi paya!” topi.

Génesis 37:36

Ismairo nicatonoꞌsasoꞌ, Iquipitoquë camapi. Camahuachinara, Cosiso aꞌnara quëmapi Potihuaro itopisoꞌ, paꞌantopi. Inasoꞌ, Iquipito copirnori catahuacaso marëꞌ acorin. Capitan yaꞌconaton, copirno aꞌpaipisopita sontaroꞌsa camairin.

1 Reyes 21:20

Napotohuachina, paꞌsahuaton Siniorori napotërinsoꞌ Acapo shaꞌhuitonin. Napotohuachina Acapori itapon: —¡Quëmasoꞌ inimiconëhuënquën nipiranhuëꞌ, niquënanëchi paya! itërin. Napotohuachina Inari itapon: —Co Sinioro costarinsohuëráchin ninanso marëꞌ niquënanëꞌ.

1 Reyes 21:25

(Co aꞌna tëranta Acapo copirno pochin yaꞌhuërinhuëꞌ. Inasoꞌ, yaꞌipiya quëran nápo naponin ninin. Saꞌini camairin niꞌton, co Sinioro nohuantërinsohuëꞌ, nisárin.

Copo naporinso' 42:6

Napoaton co noya yonquiatohuëꞌ nonahuëso marëꞌ tapanahuë. Amocan, huarianoꞌ, inaquëpita huënsëato nonahuëso marëꞌ sëtërahuë. Ama huachi ina yonquiquësohuëꞌ, tënahuë,” itërin.

Salmos 51:6

Noya cancantaꞌhuaiso marëꞌ acorancoi niꞌton, catahuacoi noꞌtëquën yonquiꞌi.

Isaías 50:1

Ina quëran Sinioro napoantarin: “Israiroꞌsanquëmaꞌ. Carimaso naꞌcon yaaꞌchintatënquëma yonípiranquëmahuëꞌ, co quënananquëmahuëꞌ. Përápiranquëmahuëꞌ, co aꞌpaniramacohuëꞌ. ‘Nihuitërinsoꞌ pahuërëtacaso marëꞌ paꞌanatë pochin nitërinpoaꞌ,’ topiramahuëꞌ. Oshahuanama niꞌton, paꞌanatë pochin nitëranquëmaꞌ. Co natantochináchinhuëꞌ cancantëramaso marëꞌ aꞌpoatë pochin nitëranquëmaꞌ. ¡Natëramaco naporini, carima nichaꞌëitënquëmahuëꞌ! Marënta camaihuatora, aꞌnaroáchin yanirin. Iꞌrosanta yanitonaꞌ, inotëro taranapi. Napohuachina, samiroꞌsanta yamorori tëpapon. Inapoatona chiminpachinaꞌ, chanataponaꞌ.

Isaías 52:3

Inimiconëma quëpainëmaso marëꞌ co piꞌpian tërantaꞌ, pahuërë maꞌpatërahuëꞌ. Napoaton huaꞌanëntaantaꞌhuanquëmaso marëꞌ co piꞌpian tëranta pahuërëtaꞌhuaso yaꞌhuërinhuëꞌ,” tënin.

Isaías 6:5

Ina yonquiato: “¡Maꞌhuantacha caso nicato chiminarahuë paya! ¡Caso co noyahuëꞌ cancantato naponi nonahuë! ¡Aꞌnapitanta ca pochachin cancantopi nipirinhuëꞌ, inapitarëꞌco yaꞌhuërahuë! ¡Napoaporahuëꞌ, Sinioro yaꞌipi nanitapaton yaꞌipi huaꞌanëntërinso quënanahuë!” tënahuë.

Levítico 19:18

Ama canpita capini ninoꞌhuitoma niiꞌhuërëtocosohuëꞌ. Canpitaora ninosororamaso pochachin aꞌnapitantaꞌ, nosorocoꞌ. Ca Sinioroco napotaranquëmaꞌ.

Amós 2:6

Naquëranchin Sinioro taantarin: “Israiroꞌsanta paꞌpi co noyahuëꞌ nipi. Aꞌnaquën co manta tëhuëpirinahuëꞌ, aꞌnapitari asacatacaiso marëꞌ paꞌanpi. Popriyaroꞌsanta sapatë marëáchin nihuitopirinahuëꞌ, inapotopi. Napopiso marëꞌ inapitantaꞌ, anaꞌintaꞌhuaso yaꞌhuërin.

Mateo 16:23

Quisosori tahuërëtahuaton, itërin. —¡Taꞌtëquëꞌ iyasha! Sopai nohuanton, napotëranco. ¿Yaanishacancantëranco ti? Co Yosë pochin yonquiranhuëꞌ. Piyapinquën niꞌton, quëmaora nohuantëransoachin yonquiran, itërin Quisosori.

Mateo 18:25

‘Huaꞌhuayátërahuë nihuirinco niꞌton, co onporontaꞌ nanitarinhuëꞌ pahuërëincosoꞌ,’ taꞌton, inpriatonën itapon: ‘Iso quëmapi co nanitërinhuëꞌ pahuërëincosoꞌ. Chiminaquë huarëntaꞌ sacatopirinhuëꞌ, co onporontaꞌ pahuërarincohuëꞌ. Napoaton yaꞌipi maꞌshanënpita matonquëꞌ. Ina quëran inaora chachiontaꞌ paꞌanquëꞌ. Saꞌin, huiꞌninpitarë chachin paꞌanquëꞌ piꞌpian tërantaꞌ canaꞌi,’ itërin huaꞌani.

Mateo 5:22

Co tëpatërëso marëáchin anaꞌintinpoasoꞌ yaꞌhuërinhuëꞌ, tënahuë. Aꞌna piyapi noꞌhuihuatamaꞌ, anaꞌintarinquëmaꞌ. Pinotohuatamantaꞌ, cotio ansianoꞌsaꞌ anaꞌinchinquëmaꞌ. Cancanëma quëran huarëꞌ noꞌhuitomaꞌ, ‘Quëmasoꞌ sopainquën,’ itohuatamaꞌ, pënquë chachin parisitacasoꞌ yaꞌhuërin, tënahuë.

Mateo 5:28

Nipirinhuëꞌ, co monshihuanpiso marëáchin anaꞌintacasoꞌ yaꞌhuërinhuëꞌ, tënahuë. Aꞌna sanapi cancanëna quëran noyahuachinaꞌ, ina marëntaꞌ oshahuanapi. Nani monshitërinso pochin Yosëri niꞌsarin.

Lucas 5:8

Ina nápoꞌ sami maꞌton, Simon Pitro paꞌyanin. Quisoso nantën pirayan isonahuaton, itërin: —¡Maꞌpítacha Sinioro nanitaparan paya! Casoꞌ oshahuanco niꞌto, co yaꞌcariancosoꞌ yaꞌhuërinhuëꞌ, itërin.

Lucas 7:6

Ina natanahuaton, inapitarëꞌ paꞌnin. Capitan pëinënquë yaꞌcaritërahuasoꞌ, amiconënpitari nacapipi. Capitani aꞌparin Quisoso nontacaiso marëꞌ. “Capitan nanan aꞌpatërinquënsoꞌ shaꞌhuichinquën. Naporin: ‘Casoꞌ Sinioro nontaponquën yapaꞌpirahuëꞌ. Tapanato, co paꞌnahuëꞌ. Co casoꞌ quëma pochin noyacohuëꞌ. Co pëinëhuëquë tërantaꞌ yaꞌconamasoꞌ yaꞌhuërinhuëꞌ. Topinan camaiquëꞌ piyapinëhuë noyachin.

Romanos 3:9

¿Onpopintaꞌ iporasoꞌ yonquiarihuaꞌ? Cotioroꞌsanpoa noya noya ninëhuaꞌ, ¿tëcarihua ti? ¡Co naporinhuëꞌ! Nani shaꞌhuitëranquëmaꞌ. Cotioroꞌsanpoaꞌ, nisha piyapiꞌsaꞌ, yaꞌipinpoaꞌ oshahuanëhuaꞌ.

Romanos 6:6

Catoꞌ cancan pochin yaꞌhuëtërinpoaꞌ. Aꞌna cancansoꞌ sopai yanatërin. Quisocristo imarëhuaꞌ niꞌton, co noyahuëꞌ cancantërëhuasoꞌ corosëquë patanantërëso pochin nitërëhuaꞌ. Ama huachi sopai natëcaso marëhuëꞌ napotërëhuaꞌ. Co noyahuëꞌ cancantërëhuasoꞌ chimininso pochin nitahuaꞌ.

Romanos 7:18

Caora co noyahuëꞌ cancantërahuë. Co nanitërahuëꞌ noya nicaꞌhuasoꞌ. Inachinco. Yosë yanatëpirahuëꞌ, caora co nanitërahuëꞌ natëcaꞌhuasoꞌ.

Gálatas 4:3

Inapochachin canpoantaꞌ coꞌhuara Quisocristo nanamën nitochatërarihuahuëꞌ, huaꞌhuaroꞌsa pochin yonquirëhuaꞌ. Nani maꞌsha natëtacasoꞌ yonquiconëhuaꞌ. Maꞌsha aꞌpocasoꞌ, maꞌsha nicacasoꞌ, inapita shaꞌhuitërinënpoaꞌ. Inasáchin yonquipirëhuahuëꞌ.

Efesios 3:8

Casoꞌ aꞌnapita imapisopita quëran naꞌcon naꞌcon co noyahuëꞌ nipirahuëꞌ, anoyacancantërinco. Ina quëran nosoroatonco, acorinco nisha piyapiꞌsaꞌ shaꞌhuitaꞌhuaso marëꞌ. Quisocristo nanamënsoꞌ noyápiachin. Ma inacha niꞌton, nosoromiatërinpoa paya, tënahuë yonquiato.

Hebreos 4:12

Yosë nanamën chiníquën nanantërin. Yosë nanpiárin niꞌton, ipora huantaꞌ quiricanën quëran nontarinpoaꞌ. Noya natëhuatëhuaꞌ, nanamën quëran chachin catahuarinpoaꞌ noya noya imacaso marëꞌ. Coꞌsoꞌ natëhuatëhuahuëꞌ, aquë aquëtëꞌ co noyahuëꞌ cancantarihuaꞌ. Sahuëni cato quëran chachin toꞌnahuatëra, inëshin niꞌton, niahuëpatëra, aꞌnaroáchin nansë acopoquë huarëꞌ nipëꞌsharëꞌ. Inapochachin Yosë nanamënsoꞌ chini chiníquën yaꞌcoancantërinpoaꞌ. Ina yonquihuatëhuaꞌ, noꞌtëquën nitotarihuaꞌ. Yaꞌipi yonquirëhuaso chachin anitotërinpoaꞌ. Yonquinënpoaquë maꞌmarësona naporëhuasopitantaꞌ anitotarinpoaꞌ.