Romanos 7:12 - Chayahuita (Shahui)

¹² Yosë chachin pënëninpoaꞌ. Shaꞌhuitërinpoasoꞌ nóya. Noꞌtëquën nonin.

Romanos 7:12 ပူးပေါင်းရင်းမြစ်များ

Nehemías 9:13

Ina quëran Sinai motopiquë nohuaraimaran. Naporoꞌ inápa quëran noya nicacaiso marëꞌ pënënan, camairan, naporan. Noꞌtën nanan aꞌchintahuaton, yonquínahuan yaꞌhuëcaiso marëꞌ anitotëran. Pënënancoisopita, camairancoisopita, anitotërancoisopita, inapitaso noyasáchin ninin. Chinoto tahuërinta acotëran. Ina tahuëri noya nicatonaꞌ, chinotiinënso marëꞌ acotëran. Piyapinën Moisësë itopiso quëran, yaꞌipi inapita anitotëran.

Salmos 119:137

Quëmasoꞌ, noya coisë pochinquën. Shaꞌhuiransopitanta noꞌtëquënáchin shaꞌhuiran.

Salmos 119:140

Quëma shaꞌhuitërancoisopitaso sacai nanicaso nipirinhuëꞌ, quëma nohuanton nanirin. Napoaton quëma nanamënsoꞌ, paꞌpi nosororahuë.

Romanos 12:2

Iporasoꞌ notohuaroꞌ piyapiꞌsaꞌ co Yosë natëpihuëꞌ. Maꞌsharáchin yonquiatonaꞌ, co Yosë yonquipihuëꞌ. Ama inapita nonancosohuëꞌ. Nani tahuëri Yosë nontocoꞌ yonquirinso chachin quëchinquëmaꞌ. Ina yonquihuatamaꞌ, nohuantërinso chachin anitotarinquëmaꞌ. Ina quëran noya noya cancantohuatamaꞌ, noya niꞌsarinquëmaꞌ.

Romanos 3:31

Quisocristoíchin anoyacantërinpoaꞌ niꞌton, iráca pënëntërinsoꞌ ¿co huachi paꞌtërinhuë pochin nitërëhua ti? ¡Co naporinhuëꞌ! Ina quëran oshahuanëhuasoꞌ nitotarihuaꞌ. Quisocristo imapatëhuaꞌ, catahuarinpoaꞌ noya natëcasoꞌ.

Romanos 7:14

Noya yonquicaso marëꞌ pënënpirinpoahuëꞌ. Casoꞌ co noya yonquiatohuëꞌ, oshahuanahuë. Oshahuanahuësoꞌ huaꞌanëntatë pochin nitërinco. Co nanitërahuëꞌ noya nicaꞌhuasoꞌ.

Romanos 7:16

Co nohuantopirahuëꞌ, co noyahuëꞌ ninahuë. Ina marëꞌ co noya cancantërahuëꞌ. Yonquinëhuë quëran nitotërahuë. Tëhuënchachin pënëntërinsoꞌ noya, tënahuë.

Deuteronomio 10:12

Naquëranchin Moisësëri israiroꞌsa nontaantarin: “Israiroꞌsanquëma ninamasoꞌ, noya natancoꞌ. Maꞌsona noya nicacasoꞌ Sinioro nohuantërinsoꞌ shaꞌhuichinquëmaꞌ. Ina tëꞌhuatatë noya niꞌcasoꞌ nohuantërin. Noya nicatë natëcasoꞌ. Yaꞌipi cancanënpoa quëran, yaꞌipi huaꞌyanënpoa quëran nosoroatëꞌ, chinotacaso nohuantërin.

Deuteronomio 4:8

Tëhuënchachin mini co aꞌna nacion tëranta canpoa pochin yaꞌhuërinhuëꞌ. Aꞌnapitaso co canpoa pochin noꞌtëquënáchin pënëntërinso nanan yaꞌhuëtopihuëꞌ. Camaitërinso nanan tëranta co yaꞌhuëtopihuëꞌ. Inapita canpitasoꞌ, ipora yaꞌipi aꞌchintaranquëmaꞌ.

1 Timoteo 1:8

Moisësë pënëntërinsoꞌ noya niponahuëꞌ, maꞌmarë chachinsona pënëntërinsoꞌ nitotatëhuaꞌ, noꞌtëquën shaꞌhuitacasoꞌ yaꞌhuërin.