Romanos 7:10 - Chayahuita (Shahui)

¹⁰ Noya yaꞌhuëcaꞌhuaso marëꞌ pënënpirincohuëꞌ. Co ina natëtorahuëꞌ, oshahuanahuë. Oshahuanato, parisitopiquë pacaꞌhuasoꞌ yaꞌhuërin.

Romanos 7:10 ပူးပေါင်းရင်းမြစ်များ

Romanos 10:5

Moisësëri ninshitërin pënëntërinso nanan imacaiso marëꞌ. “Noꞌtëquën natëhuatamaꞌ, Yosë noya niꞌsarinquëmaꞌ. Yaꞌipiya natëcasoꞌ yaꞌhuërin,” tënin ninshitaton.

Romanos 4:15

Moisësë pënëntërinsoꞌ co natëhuachinarahuëꞌ, anaꞌintacasoꞌ yaꞌhuërin. Co pënëntërinsoꞌ yaꞌhuërinhuëꞌ naporini, co natëcasoꞌ yaꞌhuëꞌitonhuëꞌ. Co ina marëꞌ oshahuaintërihuahuëꞌ.

Romanos 7:9

Coꞌhuara pënëntërinsoꞌ natayantërasocohuëꞌ, “Casoꞌ noya piyapico,” topirahuëꞌ. Pënëntërinsoꞌ natanpatëra, “Tëhuënchachin oshahuanco. Chiminpato, Yosë anaꞌintarinco,” tënahuë.

2 Corintios 3:7

Iráca Yosë pënëntërinsoꞌ shaꞌhuihuachina, naꞌpiquë ninshitërin. Yosësoꞌ noya noya niꞌton, huënaráchin yaꞌnorin. Moisësë yaꞌpiriontaꞌ huënaratarin niꞌton, co israiroꞌsaꞌ nanitopihuëꞌ huaꞌquiꞌ nirayacaisoꞌ. Huënarataponahuëꞌ, oshaquëran sacorayarin. Pënëntërinsontaꞌ noya niponahuëꞌ, co yaꞌhuëmiatërinhuëꞌ. Co yaꞌipi natëhuachinahuëꞌ, chiminpachinaꞌ, anaꞌintacasoꞌ yaꞌhuërin.

Gálatas 3:12

Catoꞌ nanan yaꞌhuërin. Co cato chachin imacasoꞌ yaꞌhuërinhuëꞌ. Iráca pënëntërinsoꞌ natëhuachinaꞌ, inasáchin natëcasoꞌ yaꞌhuërin. Moisësë shaꞌhuitërinpoaꞌ: “Noꞌtëquën natëcasoꞌ yaꞌhuërin. Noꞌtëquën natëhuatëhuaꞌ, noya nanpimiatarihuaꞌ,” tënin. Ina nanan imapatamaꞌ, co Quisocristo nanamën imaramahuëꞌ.