Romanos 7:1 - Chayahuita (Shahui)

¹ Canpitasoꞌ iyaroꞌsaꞌ, pënëntopisoꞌ nitotëramaꞌ. Nanpipisopitaráchin camaitërinsoꞌ natërapi.

Romanos 7:1 ပူးပေါင်းရင်းမြစ်များ

Esdras 7:25

Quëmanta Istrasë Yosë yonquínahuan acorinquën. Inapotërinquën nichinapon chachin, coisëroꞌsaꞌ, chirinchiroꞌsaꞌ, inapita acoquëꞌ. Iopiratisëiꞌ aquëtëran piꞌi yaꞌconinso partiquë inapoquëꞌ. Piyapiroꞌsa noya nicatona yaꞌhuëcaiso marëꞌ camaichinaꞌ. Yosë pënëntërinsoꞌ nitotopisopita acoquëꞌ. Co nitotopisopitahuënta acohuatan, aꞌchintëquëꞌ.

Romanos 1:13

Tëhuënchachin iyaroꞌsaꞌ, iráca quëran huarëꞌ nicapënquëmaꞌ yapaꞌpirahuëꞌ. Ipora huantaꞌ co nanitërahuëꞌ pacaꞌhuasoꞌ. Nisha nisha parti aꞌchinpatëra, piyapiꞌsaꞌ natëtonaꞌ, Quisocristo imasapi. Canpitantaꞌ yaaꞌchintëranquëmaꞌ noya noya imacamaso marëꞌ.

Romanos 10:1

Paꞌpi nohuantërahuë israiroꞌsaꞌ chaꞌëcaisoꞌ. Ina marëꞌ iyaroꞌsaꞌ, chiníquën Yosë nontárahuë.

Romanos 10:4

Iráca Moisësë pënëntërin. Iporaso nipirinhuëꞌ co ina natërëhuaso marëꞌ Yosë noya niꞌninpoahuëꞌ. Quisocristo nani oꞌmarin oshanënpoaꞌ inquitinpoaso marëꞌ. “Quisocristoíchin anoyacancantarinpoaꞌ,” topatëhuaꞌ, Yosë noya niꞌsarinpoaꞌ.

Romanos 6:14

Inapohuatamaꞌ, co huachi oshanëma huaꞌanëntatë pochin nitarinquëmahuëꞌ. Co yaꞌipi pënëntërinsoꞌ natëpiramahuëꞌ, inaora nohuanton, Yosë anoyacancantërinquëmaꞌ. Nosoroatënquëmaꞌ, catahuarinquëmaꞌ noya nicacamaso marëꞌ.

Romanos 6:3

“Quisocristo imarahuë huachi,” taꞌtëhuaꞌ, aporihuanëhuaꞌ. Ina noya chinpitacaso marëꞌ aporihuanëhuaꞌ. Aporihuanpatëhuaꞌ, Quisocristorëꞌquënpoaꞌ chiminëhuaso pochin ninëhuaꞌ. Ina chimininso pochachin co noyahuëꞌ yonquirëhuasopita aꞌporëhuaꞌ. Nani ina nitotëramaꞌ.

Romanos 7:6

Iráca nisha nisha pënëntërinsoꞌ yaꞌhuërin natëcasoꞌ, Moisësëri ninshitërinsoꞌ. “Co yaꞌipiya natëhuatëhuahuëꞌ, co onporontaꞌ chaꞌësarëhuahuëꞌ,” topi. Apinaꞌpi tashinan pëiquë yaꞌhuërinso pochin nipirëhuahuëꞌ. Iporasoꞌ co huachi Moisësë pënëntërinsoꞌ yonquiarëhuahuëꞌ. Quisocristorëꞌquënpoaꞌ chiminëhuaso pochin ninëhuaꞌ niꞌton, co huachi huaꞌanëntiinpoasoꞌ yaꞌhuërinhuëꞌ. Ispirito Santo catahuarinpoaꞌ cancanënpoa quëran huarëꞌ Yosë natëcasoꞌ. Nasha cancan quëtërinpoaꞌ. Napoaton noya nisarëhuaꞌ.

Romanos 9:3

Inapitasoꞌ quëmopinëhuëpita. Co Quisocristo imapihuëꞌ niꞌton, anaꞌintacasoꞌ yaꞌhuërin. Nanitërahuë naporini, inapita yaꞌhuërënamën parisitopiquë paꞌitohuëꞌ. Chaꞌëcaiso marëꞌ inaquë parisichitohuëꞌ.

1 Corintios 9:8

Co piyapiꞌsaráchin ina pochin yonquipihuëꞌ. Yosë quiricanënquëntaꞌ Moisësë naporin:

Gálatas 4:21

Natanco iyaroꞌsaꞌ Moisësë pënëntërinsoꞌ yanatëramasopita. ¿Co yaꞌipi Moisësë ninshitërinsoꞌ natanamahuëꞌ ti?