Romanos 6:1 - Chayahuita (Shahui)

¹ Yosë inaora nohuanton nosororinpoa niꞌton, manta tërantaꞌ niahuaꞌ inaora nohuanton, oshanënpoaꞌ inquitiinpoaso marëꞌ ¿tëcarihua ti?

Romanos 6:1 ပူးပေါင်းရင်းမြစ်များ

Romanos 2:4

Yosë nosororinpoasoꞌ co noꞌtëquën yonquiramahuëꞌ. “Co aꞌnaroáchin noꞌhuirinpoahuëꞌ,” taꞌtomaꞌ, co noyahuëꞌ ninamaꞌ. Tëhuënchachin co aꞌnaroáchin anaꞌintërinquëmahuëꞌ. “Oshaquëran co noyahuëꞌ yonquipisopita naniantaponaꞌ nimara,” taꞌton, ninarárin.

Romanos 3:31

Quisocristoíchin anoyacantërinpoaꞌ niꞌton, iráca pënëntërinsoꞌ ¿co huachi paꞌtërinhuë pochin nitërëhua ti? ¡Co naporinhuëꞌ! Ina quëran oshahuanëhuasoꞌ nitotarihuaꞌ. Quisocristo imapatëhuaꞌ, catahuarinpoaꞌ noya natëcasoꞌ.

Romanos 6:15

Tëhuënchachin co huachi iráca pënëntërinsoꞌ natëcasoꞌ yaꞌhuërinhuëꞌ. Yosë nosoroatonpoaꞌ, nichaꞌërinpoaꞌ. Aꞌnaquënso nipirinhuëꞌ ina natanatonaꞌ, co mantaꞌ yanatëpihuëꞌ. “Noya oshahuanacasoꞌ,” toconpi. ¡Co ina pochin yonquicaso yaꞌhuërinhuëꞌ!

Gálatas 5:13

Ina pochin, iyaroꞌsaꞌ, nontaranquëmaꞌ. Canpitasoꞌ Quisocristo nohuantërinquëmaꞌ. Nichaꞌërinquëmaꞌ ama huachi tëꞌhuarëꞌquëmaꞌ yaꞌhuëcamaso marëhuëꞌ. Co huachi yaꞌipi iráca pënëntërinsoꞌ imacasoꞌ yaꞌhuëpirinhuëꞌ, co Yosë nohuantërinhuëꞌ oshahuanacamasoꞌ. Quisocristo imapatamaꞌ, co noyahuëꞌ yonquiramasoꞌ naniantacasoꞌ yaꞌhuërin. Ninosoroatomaꞌ, nicatahuacoꞌ noya cancantacamaso marëꞌ. Aꞌnapita naꞌcon naꞌcon yonquicoꞌ.

1 Pedro 2:16

“Yosë nichaꞌërinpoaꞌ,” taꞌtomaꞌ, noya yonquicoꞌ. Iráca nanan co natëcasoꞌ yaꞌhuëpirinhuëꞌ, ama ina yonquiatomaꞌ tëhuëcosohuëꞌ. Yosë huaꞌanëntërinquëmaꞌ niꞌton, ina nohuantërinsoáchin natëcoꞌ.

Judas 1:4

Tëhuënchachin aꞌnaquënsoꞌ nonpin nanan aꞌchintarinënquëmaꞌ. Paꞌpi co noyahuëꞌ inapitasoꞌ. “Quiyantaꞌ imarai,” taponaraihuëꞌ, co noꞌtëquën aꞌchinpihuëꞌ. “Maꞌsona nohuantërëhuaso niahuaꞌ. Yosë nosororinpoaꞌ niꞌton, co anaꞌintarinpoahuëꞌ,” taꞌtonaꞌ, paꞌpi co noyahuëꞌ nipi. Noꞌpipi, monshihuanpi, aꞌnaratipita nipi. Naporahuatonaꞌ, co tëhuënchachin Quisocristo imapihuëꞌ, inasáchin natëcaso nipirinhuëꞌ. Ina marëꞌ Yosëri chiníquën anaꞌintarin. Iráca quëra huarëꞌ nani yonquirin anaꞌintacasoꞌ. Napoaton niꞌcona canpitantaꞌ nonpintochinënquëmaꞌ. Chiníquën cancantatomaꞌ, noꞌtëquën aꞌchincoꞌ.