Romanos 5:20 - Chayahuita (Shahui)

²⁰ Iráca Moisësë pënëntërin oshahuanëhuasoꞌ anitotinpoaso marëꞌ. Ina quëran naꞌcon oshahuanëhuasoꞌ nitotërëhuaꞌ. Naꞌcon oshahuanpirëhuahuëꞌ, inaora nohuanton, Yosë naꞌcon naꞌcon nosororinpoaꞌ.

Romanos 5:20 ပူးပေါင်းရင်းမြစ်များ

Isaías 1:18

Huëco paꞌahua nonatëhua anoyatahuaꞌ. Quëhuanën quëran aꞌshitërëso pochin naꞌcon oshahuanpiramahuëꞌ, inquitaranquëmaꞌ. Ina inquitatënquëmaꞌ, ocai, piꞌshiro, inapita huiritërinso pochin, anoyacancantaranquëmaꞌ.

Números 21:9

Napotohuachina, Moisësëso shaꞌpi huaꞌna quëran yaꞌhuan nonanin. Inapotahuaton, naraquë achinpirin. Inso tëranta yaꞌhuanahuachina, aꞌnaroáchin ina nëꞌpëconin. Nëꞌpëhuachina, Sinioro nohuanton noyatërin.

Mateo 20:9

Aꞌna oraíchin sacatopirinahuëꞌ, huëꞌpachinara, yaꞌipi tahuëri nanirinsoꞌ pahuërërin.

Mateo 9:13

Oshahuanoꞌsaꞌ pënënaꞌhuaso marëꞌ oꞌmarahuë. “Co noyahuëꞌ yonquiramasopita naniantatomaꞌ, Yosë chachin tahuërëtantacoꞌ,” itërahuë. Aꞌnapitasoꞌ: “Quiyasoꞌ co oshahuancoihuëꞌ,” topiso marëꞌ co naꞌcon aꞌchintërahuëꞌ. Paatomaꞌ, Yosë quiricanën noya nitotocoꞌ noꞌtëquën yonquicamaquë. Inaquë iráca ninshitopi: “Aꞌnaquën topinan quëran chinotatonaco oshanëna marëꞌ maꞌsha tëpapirinahuëꞌ, co aꞌnapita nosoropihuëꞌ. Nosorotacasoꞌ naꞌcon naꞌcon nohuantërahuë,” tënin Yosë, itërin Quisosori.

Lucas 7:47

Tëhuënchachin naꞌcon oshahuanpirinhuëꞌ, oshanën inquitarahuë. Napoaton naꞌcon naꞌcon nosororinco, tënahuë. Aꞌnaquënso nipirinhuëꞌ, “Co aquëtëꞌ oshahuanahuëꞌ,” taꞌtonaꞌ, co onpopinchin nosororinacohuëꞌ, tënin.

Juan 10:10

Ihuatëroꞌsaꞌ co noyahuëꞌ yonquipi. Ihuatacaisoꞌ, tëpatacaisoꞌ, ataꞌhuantacaiso inapita nicacaisoráchin yonquipi. Caso nipirinhuëꞌ oꞌmarahuë imarinacosopita Yosë nohuitacaiso marëꞌ. Noya noya nanpicaiso marëꞌ oꞌmarahuë.

Juan 15:22

Co oꞌmato, aꞌchintërahuëꞌ naporini, co aꞌporinacoso marëꞌ oshahuaintonahuëꞌ. Nani aꞌchintopirahuëꞌ. Co natëtonacohuëꞌ, oshahuanpi niꞌton, Yosëri anaꞌintarin.

Romanos 4:15

Moisësë pënëntërinsoꞌ co natëhuachinarahuëꞌ, anaꞌintacasoꞌ yaꞌhuërin. Co pënëntërinsoꞌ yaꞌhuërinhuëꞌ naporini, co natëcasoꞌ yaꞌhuëꞌitonhuëꞌ. Co ina marëꞌ oshahuaintërihuahuëꞌ.

Romanos 6:1

Yosë inaora nohuanton nosororinpoa niꞌton, manta tërantaꞌ niahuaꞌ inaora nohuanton, oshanënpoaꞌ inquitiinpoaso marëꞌ ¿tëcarihua ti?

Romanos 6:14

Inapohuatamaꞌ, co huachi oshanëma huaꞌanëntatë pochin nitarinquëmahuëꞌ. Co yaꞌipi pënëntërinsoꞌ natëpiramahuëꞌ, inaora nohuanton, Yosë anoyacancantërinquëmaꞌ. Nosoroatënquëmaꞌ, catahuarinquëmaꞌ noya nicacamaso marëꞌ.