Romanos 5:11 - Chayahuita (Shahui)

¹¹ Naporahuaton, “Yosë nosororinpoaꞌ,” taꞌtëhuaꞌ, ina paꞌyatërëhuaꞌ. Huiꞌnin chachin nanan anoyatërinpoaꞌ niꞌton, noya cancantërëhuaꞌ.

Romanos 5:11 ပူးပေါင်းရင်းမြစ်များ

Salmos 104:34

Inasáchin yonquirahuëso nitotaton, noya cancanchin. Inaíchin yonquiato caso noya cancantërahuë.

Salmos 32:11

Sinioro yonquiatoma capa cancantocoꞌ. Noya piyapitatoma aꞌnapita maꞌshanënanta noya niꞌpatamaꞌ, capa cancantatomaꞌ, “yai,” charácoꞌ.

Salmos 43:4

Artaronënquë huarëꞌ canconahuato chinotaranquën. Arpa piꞌniato: ‘Yosparinquën,’ itaranquën. Quëmasáchin yonquiatënquën capa cancantërahuë,” itërahuë.

Isaías 61:10

¡Sinioro yonquiato, capa cancantërahuë! Inasoꞌ Yosënëhuë niꞌton, acapacancaninco. Nichaꞌërinco niꞌton, naporahuë. Noꞌtëquën yonquinaꞌpi pochin acorinco. Saꞌanaꞌpi yancotë ayancotopiso pochin ninahuë. Nanonta soꞌyacaso marëꞌ nisha nishaquë nitaparinso pochin ninahuë.

Lucas 1:46

Ina quëran Maria tapon: “Ma noyacha Tata Yosëso paya, tënahuë cantaꞌ.

Juan 1:12

Quisocristo cancanën mapatëhuaꞌ, huiꞌnin pochin Yosë niꞌninpoaꞌ. Natërëhuasopitarachin huëntonënquë ayaꞌconinpoaꞌ.

Romanos 11:15

Iporaso Yosëri tananpitërin niꞌton, nisha nisha piyapiꞌsaꞌ ina nohuitapi. Aꞌna tahuëriso nipirinhuëꞌ israiroꞌsantaꞌ imaantahuachinaꞌ, noya noya nisapi. ¿Ma pochintaꞌ nisapi? Chimipi nanpiantarinso pochin nisapi, tënahuë.

Romanos 2:17

Aꞌnaquëmaꞌ cotioroꞌsanquëmaꞌ niꞌton, aꞌnapita nocanamaꞌ: “Moisësë pënëntërinsoꞌ natëhuatoi, chaꞌësarai,” tënamaꞌ. “Yosë naꞌcon naꞌcon nosororincoi,” tomantatomaꞌ, aꞌnapita nocanamaꞌ.

Romanos 5:1

“Sinioro Quisocristoíchin nichaꞌësarinpoaꞌ,” taꞌtëhuaꞌ, imarëhuaꞌ. Oshanënpoaꞌ inquitërinpoaꞌ niꞌton, Yosë noya niꞌninpoaꞌ. Co inimiconënpita pochin niꞌninpoahuëꞌ.

Romanos 5:10

Iráca oshahuanatëhuaꞌ, Yosë inimicotopirëhuahuëꞌ, huiꞌnin chiminin niꞌton, nanan anoyatërinpoaꞌ. Iporasoꞌ noya nipayarëhuaso pochin ninëhuaꞌ niꞌton, noya noya catahuarinpoaꞌ. Nanpiantarin niꞌton, catahuarinpoaꞌ noya chaꞌëcahuaso marëꞌ.

Romanos 5:3

Iporasoꞌ parisitarihuarahuëꞌ, noya cancantarihuaꞌ. “Parisitohuatëhuaꞌ, Yosë catahuarinpoaꞌ imamiatacaso marëꞌ,” taꞌtëhuaꞌ, co sëtarihuahuëꞌ. Chiníquën cancantatëhuaꞌ, noya ahuantarihuaꞌ.

Romanos 8:23

Canpoantaꞌ Ispirito Santo nani yaꞌcoancantopirinpoahuëꞌ, parisitërëhuaꞌ. Parisitatëhuaꞌ, manorëhuaꞌ nasha nonënpoaꞌ yaꞌhuëtinpoaso marëꞌ. Ina ninarëhuaꞌ. Nasha nonënpoaꞌ quëtohuachinpoaꞌ, co huachi caniorihuahuëꞌ. Co huachi chiminarihuahuëꞌ. Naporoꞌ Yosë huiꞌninpita chachin nisarëhuaꞌ.

Romanos 9:10

Naporahuaton, Tata Isacontaꞌ catoꞌ huiꞌnahuanin. Saꞌin Nipica itopisoꞌ yahuaihuachina, Yosëri itapon:

1 Corintios 10:16

Niyontonpatëhuara, Quisocristo chimininsoꞌ yonquirëhuaꞌ. “Quiya marëꞌ Sinioro huënainën paꞌnin niꞌton, ‘Yosparinquën’ tënai,” itatëhuaꞌ, huënainën pochin nininsoꞌ oꞌorëhuaꞌ. Cancanënpoa quëran huarëꞌ yonquiatëhuaꞌ, oꞌopatëhuaꞌ, huënainën napopináchin yonquirëhuaꞌ. Ina quëran cosharoꞌ ina nonën pochin nininsoꞌ sëꞌpanahuatëhuaꞌ, caꞌnëhuaꞌ. “Tëhuënchachin canpoa marëꞌ Quisocristo nonën ohuanpi,” taꞌtëhuaꞌ, napopináchin yonquirëhuaꞌ.

2 Corintios 8:19

Nisha nisha ninano quëran imapisopita niyontonahuatonaꞌ, ina quëmapi chachin huayonahuatonaꞌ, acopi caꞌtanaincoiso marëꞌ. Coriqui yocaꞌhuaiso marëꞌ paꞌpatoi, inantaꞌ paꞌsarin. Coriqui quëtonpatoi, noya cancantapona huachi. “Ma noyacha Tata Yosë nosororinpoa paya. Ina nohuanton, iyaroꞌsaꞌ noya cancantatonaꞌ, catahuarinënpoaꞌ,” taponaꞌ.

Gálatas 4:9

Iporasoꞌ Yosë nohuitëramaꞌ. Inantaꞌ huiꞌninpita pochin nicatënquëmaꞌ, noya nohuitërinquëmaꞌ. Nani nichaꞌëpirinquëmahuëꞌ, ¿maꞌmarëcha naquëranchin iráca pënëntërinsoꞌ, aꞌnapita piyapiꞌsaꞌ natëtopisoꞌ, inapita natëtomaꞌ, tëꞌhuachinachin cancantantaramaꞌ? tënahuë. Inapita natëapomarahuëꞌ, co ina marëꞌ noyápiachin cancantëramahuëꞌ.

Gálatas 5:22

Nipirinhuëꞌ, Ispirito Santo natëhuatëhuaꞌ, catahuarinpoaꞌ ninosorocasoꞌ. Catahuahuachinpoaꞌ, Yosë nohuitatëhuaꞌ, capa cancantarihuaꞌ. “Yosë noya niꞌsarinco,” taꞌtëhuaꞌ, sano cancantarihuaꞌ niꞌton, noya ninicatëhuaꞌ yaꞌhuarihuaꞌ. Piyapiꞌsaꞌ noꞌhuipirinpoahuëntaꞌ, co yanoꞌhuirihuahuëꞌ. Maꞌsha onpohuatëhuantaꞌ, ahuantarihuaꞌ. Nosoroatëhuaꞌ, nóya nontarihuaꞌ. Ispirito Santo catahuahuachinpoaꞌ, noya nicarihuaꞌ. Noꞌtëquën nontarihuaꞌ; co piꞌpisha tërantaꞌ nonpintarihuahuëꞌ.

Filipenses 3:1

Iporasoꞌ iyaroꞌsaꞌ Quisocristo yonquiatomaꞌ, nóya cancantocoꞌ. Iráca quëran huarëꞌ inachachin inachachin pënënápiranquëmahuëꞌ, co amirahuëꞌ. Naquëranchachin natantahuatamaꞌ, yonquiantaramaꞌ. Ina quëran noya noya imasaramaꞌ, tënahuë.

Filipenses 3:3

Yosë marcanën co nonënpoaquë niacotërëhuahuëꞌ. Cancanënpoaꞌ Yosë anoyacancantërinpoaꞌ. Cancanënpoa quëran ina chinotarëhuaꞌ. Ispirito Santo chachin catahuarinpoaꞌ noya chinotacaso marëꞌ. Co canpoara nanitërëhuahuëꞌ noya cancantacasoꞌ. Quisocristoíchin anoyacancantohuachinpoaꞌ, nichaꞌësarinpoaꞌ, tënëhuaꞌ. Napoaton canpoasoꞌ Yosë piyapinënpita ninëhuaꞌ.

Filipenses 4:4

Nani tahuëri Quisocristo yonquiatomaꞌ, noya cancantocoꞌ. Naquëranchin inachachin shaꞌhuichinquëmaꞌ. Maꞌsha onpoapomarahuëꞌ, noya cancantocoꞌ, tënahuë.

Colosenses 2:6

Yaꞌnan imapomaꞌ, Quisocristo anoyacancantërinquëmaꞌ. Inasáchin huaꞌanëntërinquëmaꞌ. Iporahuantaꞌ inasáchin natëtomaꞌ, imamiatocoꞌ.

1 Pedro 1:8

Quisocristo co onporontaꞌ quënanapomarahuëꞌ, nosororamaꞌ. Ipora huantaꞌ co nicapomarahuëꞌ, “Co nonpintarincohuëꞌ. Catahuarinco,” taꞌtomaꞌ, ina natëramaꞌ. Cancanëma quëran ina nohuitatomaꞌ, nóya cancantëramaꞌ. Ina yonquiatomaꞌ, capa cancantëramaꞌ.

1 Samuel 2:1

Naporoꞌ Anantaꞌ, Yosë nontaton itapon: “Sinioro yonquiato capa cancantërahuë. Yaꞌipi cancanëhuë quëran capa cancantërahuë. Achinirinco niꞌton, inimicoroꞌsa aꞌpaniaꞌhuaso nanitërahuë. Catahuarinco niꞌton, noya cancantërahuë.