Romanos 4:9 - Chayahuita (Shahui)

⁹ ¿Inpitataꞌ ina pochin noya cancantapi? Co cotioroꞌsaráchin ina pochin noya cancantacasoꞌ yaꞌhuëtopihuëꞌ. Co marca niacotopirinahuëntaꞌ noya cancantapi. Apraan yonquicoꞌ. “Yosë noꞌtëquën nontërinco. Inasáchin catahuarinco,” topachina, Yosëri noya niꞌnin. Nani shaꞌhuitëranquëmaꞌ.

Romanos 4:9 ပူးပေါင်းရင်းမြစ်များ

Génesis 15:6

Naporinso natanahuaton: “Yosë noꞌtëquën nontërinco,” tënin Apran. Naporinso marëꞌ Siniorori nóya niꞌnin huachi.

Isaías 49:6

Ina Sinioro chachin shaꞌhuitaantarinco: ‘Cacopo quëran pipipisopita huëntonoꞌsaꞌ, quëmari anoyataantapon. Inimicoroꞌsari quëpapirinahuëꞌ, quëmari ayontoantapon. Napoaponahuëꞌ, co inaíchin nicacaso marëꞌ acoranquënhuëꞌ, nisha piyapiꞌsanta aꞌchintaton, anohuitaancoso marëꞌ acoranquën. Aꞌpintërëso pochin nanamëhuë anitotaran. Yaꞌipi parti piyapiꞌsa chaꞌëcaiso marëꞌ aꞌchintëraꞌpiapon,’ itërinco,” tënin.

Lucas 2:32

Nisha nisha nananquë nonpisopita aꞌpintarin noꞌtëquën yonquicaiso marëꞌ. Israiroꞌsantaꞌ catahuaarin. Piyapinënpita niꞌton, noya noya acorarin,” itërin.

Romanos 4:10

¿Onporotaꞌ noya niꞌnin? ¿Marca niacotërin piquëran noya niꞌnin? Co naporoꞌ naporinhuëꞌ. Coꞌhuara marca niacochatërasohuëꞌ, noya niꞌnin.

Romanos 4:3

Yosë quiricanënquë naporin: “ ‘Yosë noꞌtëquën nontërinco. Inasáchin catahuarinco,’ topachina, Yosëri noya niꞌnin. Oshanën inquitaton, noya niꞌnin,” tënin quiricanënquë.

Gálatas 3:14

“Yosë noꞌtëquën nontërinco,” tënin Apraan. Ina tëninso marëꞌ Yosëri noya niꞌnin. Nisha piyapiroꞌsarintaꞌ imacaiso marëꞌ Quisocristo chiminin. Ina natëhuachinara, Yosëri noya niꞌnin. Yaꞌipinpoaꞌ Quisocristo imapatëhuaꞌ, Ispirito Santo yaꞌcoancantarinpoaꞌ. Iráca Yosë shaꞌhuirinso pochachin yaꞌcoancantarinpoaꞌ.

Efesios 3:8

Casoꞌ aꞌnapita imapisopita quëran naꞌcon naꞌcon co noyahuëꞌ nipirahuëꞌ, anoyacancantërinco. Ina quëran nosoroatonco, acorinco nisha piyapiꞌsaꞌ shaꞌhuitaꞌhuaso marëꞌ. Quisocristo nanamënsoꞌ noyápiachin. Ma inacha niꞌton, nosoromiatërinpoa paya, tënahuë yonquiato.

Colosenses 3:11

Quisocristo imapatëhuaꞌ, napopináchin Yosë niꞌninpoaꞌ. Aꞌnaquën cotioroꞌsaꞌ, aꞌnaquënso nipirinhuëꞌ cricoroꞌsaꞌ. Aꞌnaquën marca niacotopisoꞌ, aꞌnaquënso nipirinhuëꞌ co niacotopihuëꞌ. Aꞌnaquën nisha piyapiꞌsaꞌ, aꞌnaquëntaꞌ quëmaroꞌsaꞌ. Aꞌnaquën patron piyapinënpita, aꞌnaquënso nipirinhuëꞌ inahuara marëꞌ sacatopi. Nisha nisha nicarihuarahuëꞌ, napopináchin Yosë niꞌninpoaꞌ. Quisocristoíchin yonquicasoꞌ yaꞌhuërin. Ina imapatëhuaꞌ, yaꞌipinpoaꞌ yaꞌcoancantërinpoaꞌ. Co mantaꞌ pahuantarinpoahuëꞌ noya cancantacaso marëꞌ.