Romanos 4:14 - Chayahuita (Shahui)

¹⁴ Pënëntërinsoꞌ natëpisopitaráchin noya niꞌnin naporini, topinan cancanënpoa quëran natërëhuasopitasoꞌ co noya nicainpoasoꞌ yaꞌhuëꞌitonhuëꞌ. Topinan quëran Yosëri Apraan shaꞌhuichitonhuëꞌ.

Romanos 4:14 ပူးပေါင်းရင်းမြစ်များ

Isaías 55:11

Inapochachin nonahuësontaꞌ, co topinan caquë huënantarinhuëꞌ. Inasoꞌ, ca nohuantërahuëso nisarin. Maꞌsona camairahuëso nisarin.

Jeremías 19:7

Cota huëntonquë, Quirosarinquë, inaquëpita maꞌsona nicacamasoꞌ yonquipiramahuëꞌ, carima tapitaranquëmaꞌ. Ca nohuanton tëpararinëmasopita huëꞌsahuatonaꞌ, minsërahuatënënquëma tiquiarinënquëmaꞌ. Inapotohuachinënquëma nonëmasoꞌ, chanaro caꞌtëroꞌsaꞌ, niꞌniroꞌsaꞌ, inapitari caꞌsarin.

Romanos 3:31

Quisocristoíchin anoyacantërinpoaꞌ niꞌton, iráca pënëntërinsoꞌ ¿co huachi paꞌtërinhuë pochin nitërëhua ti? ¡Co naporinhuëꞌ! Ina quëran oshahuanëhuasoꞌ nitotarihuaꞌ. Quisocristo imapatëhuaꞌ, catahuarinpoaꞌ noya natëcasoꞌ.

Romanos 4:16

Napoaton Apraaniso natëton: “Yosë noꞌtëquën nontërinco,” topachina, Yosëri itërin: “Oshahuanpiranhuëꞌ, caora nohuanto, nosoroatënquën catahuaranquën. Huiꞌnanpitantaꞌ catahuarahuë,” itërin Yosëri. Co cotioroꞌsaráchin nosororinhuëꞌ. Yaꞌipi Apraan pochin cancantopisopitantaꞌ nosororin. Ina huiꞌninpita pochin ninëhuaꞌ.

1 Corintios 1:13

Aꞌnaíchin Cristo yaꞌhuërin imacasoꞌ. ¿Onpoatomataꞌ nipachin nisha nisha imaramaꞌ? ¡Casoꞌ co canpita oshanëma marëꞌ corosëquë patanantërinacohuëꞌ! Aporintohuachinënquëmara, ¿maꞌtaꞌ tënamaꞌ? “Paono imarahuë,” co tënamahuë pora.

Gálatas 2:21

Inaora nohuanton, Yosë nosoroatonpoaꞌ, huiꞌnin aꞌpaimarin chiminacaso marëꞌ. Co ina naniantërahuëꞌ. Inasáchin imarahuë niꞌton, Yosë noya niꞌsarinco huachi. Iráca pënëntërinsoꞌ natërëhuaso marëꞌ noya niꞌninpoaꞌ naporini, topinan quëran Quisocristo chimiintonhuëꞌ,” itërahuë.

Gálatas 5:4

“Noꞌtëquën natëhuatëhuaꞌ, Yosë noya niꞌsarinpoaꞌ,” topatamaꞌ, co Quisocristo imaramahuëꞌ. Yosë inaora nohuanton, nosoropirinquëmahuëꞌ, Quisocristo naniantohuatamaꞌ, co huachi catahuarinquëmahuëꞌ.

Filipenses 3:9

Quisocristoíchin imasarahuë huachi. Co caora noya nicato chaꞌërahuëꞌ. Co pënëntërinsoꞌ natëto, chaꞌërahuëꞌ. Quisocristoíchin anoyacancantërinco, taꞌto, ina imarahuë. Imapatora, oshanëhuë inquitatonco, anoyacancantërinco. Ina quëran Yosë catahuarinco noya nicaꞌhuasoꞌ. Ina marëꞌ noya niꞌninco.

Hebreos 7:19

Moisësë pënëntërinsoꞌ nanan co mantaꞌ anoyatërinhuëꞌ. Quisocristoso nipirinhuëꞌ anoyacancantërinpoaꞌ. Anoyacancantohuachinpoaꞌ, nanitërëhuaꞌ Yosë nohuitacasoꞌ. Huëntonënquë chachin ayaꞌconinpoaꞌ. Inasoꞌ noya noya, tënëhuaꞌ.

Hebreos 7:28

Iráca Moisësë pënëntërin quëran naꞌa quëmapiꞌsaꞌ corto huaꞌan yaꞌconaꞌpiapi. Inahuantaꞌ co noyahuëꞌ cancantatonaꞌ, oshahuanpi. Ina piquëran Yosësoꞌ huiꞌnin chachin acorin. “Co onporontaꞌ nisha acoaranquënhuëꞌ,” itaton, oshanënpoaꞌ inquitinpoaso marëꞌ acorin. Inasoꞌ noyasáchin ninin. Co onporontaꞌ oshahuanaponhuëꞌ. Napoaton nóya catahuarinpoaꞌ.