Romanos 3:19 - Chayahuita (Shahui)

¹⁹ Tëhuënchachin co noyahuëꞌ nicatëhuaꞌ, yaꞌipinpoaꞌ oshahuanëhuaꞌ. Yosë pënëntërinsoꞌ nitotopirëhuahuëꞌ, co natërëhuahuëꞌ niꞌton, anaꞌintinpoasoꞌ yaꞌhuërin.

Romanos 3:19 ပူးပေါင်းရင်းမြစ်များ

Copo naporinso' 5:16

Co chinipisopitahuëntaꞌ, Yosëri catahuacaso ninapi. Co noyahuëꞌ nipisopitaso nipirinhuëꞌ, sëꞌcopianantatë pochin, maꞌsha onpotaton, acopitarin.

Salmos 107:42

Noya nipisopitasoꞌ ina nicatonaꞌ, capa cancantopi. Co noyahuëꞌ nipisopitaso nipirinhuëꞌ, taꞌtopi.

Salmos 63:11

Piyapinënpitacoi chinotatëinquën capa cancanchii. Copirnonëhuëintaꞌ, chinotatënquën capa cancanchin. Nonpintëroꞌsaso nipirinhuëꞌ, quëmari Sinioro anaꞌintaton ataꞌhuantapon.

Juan 15:25

Iráca Yosë quiricanënquë ninshitopi. ‘Topinan quëran noꞌhuirinaco,’ tënin ninshitaton. Iporasoꞌ naporinso chachin topinan quëran noꞌhuiarinaco.

Juan 8:9

Ina natanahuatonaꞌ, aꞌnaya aꞌnaya paꞌpi. Mashoroꞌsaꞌton paꞌpi. Ina quëran aꞌnaya aꞌnaya paꞌpi. Yaꞌipiya paꞌpachinara, sanapiíchin huaniárin.

Romanos 1:20

Isoroꞌpaꞌ ninin quëran huarëꞌ piyapiꞌsaꞌ nitotopi. Yosësoꞌ co quënanpirëhuahuëꞌ, nani maꞌsha ninin. Ina nicatonaꞌ, “Tëhuënchachin Yosë yaꞌhuërin. Yaꞌipiya nanitaparin niꞌton, ina chinotahuaꞌ,” taꞌcaso nipirinhuëꞌ, co nohuantopihuëꞌ. Napoaton naꞌinpi.

Romanos 3:2

Naꞌcon canapi tënahuë. Yosëri naꞌcon catahuarin. Inahuaꞌton iráca nontërin. Nanamën chachin aninshitërin yaꞌhuëmiatacaso marëꞌ.

Romanos 3:23

Yaꞌipinpoaꞌ oshahuanëhuaꞌ. Co aꞌnayanpoa tërantaꞌ Yosë pochin cancantërëhuahuëꞌ.

Romanos 3:4

Yosërisoꞌ co onporonta nonpintarinhuëꞌ. Yaꞌipi piyapiꞌsaꞌ nonpinpirinahuëꞌ, Yosësoꞌ noꞌtëquënáchin nonin. Quiricanën quëran naporin: “Noꞌtëquënáchin nontërancoi niꞌton, aꞌnaquën nonpinapipirinënquënhuëꞌ, co onporontaꞌ minsëarinënquënhuëꞌ,” tënin.

Romanos 3:9

¿Onpopintaꞌ iporasoꞌ yonquiarihuaꞌ? Cotioroꞌsanpoa noya noya ninëhuaꞌ, ¿tëcarihua ti? ¡Co naporinhuëꞌ! Nani shaꞌhuitëranquëmaꞌ. Cotioroꞌsanpoaꞌ, nisha piyapiꞌsaꞌ, yaꞌipinpoaꞌ oshahuanëhuaꞌ.

1 Corintios 1:29

Co insontaꞌ inaora chaꞌëponhuëꞌ. Yosëꞌpaꞌ huanihuatëhuaꞌ, co inquënpoa tërantaꞌ nanitarihuahuëꞌ: “Casoꞌ noyaco,” taꞌcasoꞌ.

Gálatas 3:10

Moisësë iráca pënëntërinsoꞌ yaimapatamaꞌ, anaꞌintinquëmasoꞌ yaꞌhuërin. Co yaꞌipi natëramahuëꞌ niꞌton, Yosë anaꞌintarinquëmaꞌ. Iráca quiricanën quëran naporin: “Co yaꞌipimiáchin natëhuatamacohuëꞌ, chiníquën anaꞌintaranquëmaꞌ. Parisitopiquë aꞌparanquëmaꞌ,” tënin.

Gálatas 4:21

Natanco iyaroꞌsaꞌ Moisësë pënëntërinsoꞌ yanatëramasopita. ¿Co yaꞌipi Moisësë ninshitërinsoꞌ natanamahuëꞌ ti?

Gálatas 4:5

Iráca pënëntërinsoꞌ natëtoi, piyapinën pochin nipiraihuëꞌ, Quisocristo nichaꞌëinpoaso marëꞌ oꞌmarin. Ina imarëhuaꞌ niꞌton, iporasoꞌ huiꞌninpita pochin Yosë niꞌninpoaꞌ.

Gálatas 5:18

Cancanënpoaquë Ispirito Santo nontërinpoaꞌ maꞌsona noya nicacasoꞌ. Ina natëhuatëhuaꞌ, co huachi iráca pënëntërinsoꞌ camairinpoahuëꞌ. Ispirito Santo nohuantërinso chachin yonquiarihuaꞌ.

1 Samuel 2:9

Sinioroáchin cancantopisopita intohuaso paꞌpachinara, inari noya aꞌpaiarin. Co noyahuëꞌ cancantopisopitaso nipirinhuëꞌ, chimipiroꞌsa nisapiquë paꞌsapi. Inaquësoꞌ, yaꞌipi tashinantárin. Co insonta inaora chininënquë noya noya niacoarinhuëꞌ.