Romanos 3:10 - Chayahuita (Shahui)

¹⁰ Yosë quiricanënquë tapon: “Yaꞌipi piyapiꞌsaꞌ co noyahuëꞌ nipi. Co aꞌnaya tërantaꞌ noya nininhuëꞌ.

Romanos 3:10 ပူးပေါင်းရင်းမြစ်များ

Copo naporinso' 14:4

Piyapicoi co aꞌnayacoi tëranta noyápiachin cancantëraihuëꞌ. Ina pochin nininso huiꞌnarinco niꞌton, nëꞌhuëtërahuëso pochin cancantërahuë.

Mateo 15:19

Co noyahuëꞌ yonquihuatamara, tëpatëramaꞌ, nitëhuananpitëramaꞌ, monshihuanacasoáchin yonquiramaꞌ, ihuatëramaꞌ, nonpintëramaꞌ, pinotëramaꞌ.

Marcos 10:18

—¿Maꞌmarëtaꞌ “Quëmasoꞌ noyanquën” itëranco? Yosëíchin noyasoꞌ.

Romanos 11:8

“Yosëri tananpitërin niꞌton, huëꞌërëso pochin cancantopi. Yaꞌpirahuanaponaraihuëꞌ, co quënantërëso pochin nipihuëꞌ. Huëratëhuanaponaraihuëꞌ, co natantërëso pochin nipihuëꞌ. Ipora huantaꞌ ina pochin nisapi,” tënin Yosë quiricanënquë.

Romanos 3:11

Co noꞌtëquën yonquipihuëꞌ. Co inahuara nohuantopihuë Yosë chinotacaisoꞌ.

Romanos 3:23

Yaꞌipinpoaꞌ oshahuanëhuaꞌ. Co aꞌnayanpoa tërantaꞌ Yosë pochin cancantërëhuahuëꞌ.

Romanos 3:4

Yosërisoꞌ co onporonta nonpintarinhuëꞌ. Yaꞌipi piyapiꞌsaꞌ nonpinpirinahuëꞌ, Yosësoꞌ noꞌtëquënáchin nonin. Quiricanën quëran naporin: “Noꞌtëquënáchin nontërancoi niꞌton, aꞌnaquën nonpinapipirinënquënhuëꞌ, co onporontaꞌ minsëarinënquënhuëꞌ,” tënin.

Tito 3:3

Iráca canpoantaꞌ co noyahuëꞌ cancantërëhuaꞌ. Coꞌhuara Yosë nanamën nitochatërarihuahuëꞌ, co yonquirëhuahuëꞌ. Co yanatërëhuahuëꞌ. Sopai nonpintërinpoaꞌ niꞌton, nisha nisha nicacasoꞌ nohuantërëhuaꞌ. Maꞌpitasona paꞌyatacasoáchin yonquirëhuaꞌ. Aꞌna piyapi maꞌshanënpita noyapatërëhuaꞌ. Ninoꞌhuitëhuaꞌ, co niquëꞌyarëhuahuëꞌ. Noꞌhuípiroꞌ ninëhuaꞌ. Inapoatëhuaꞌ, topinan quëran yaꞌhuërëhuaꞌ.

1 Pedro 1:16

Quiricanën quëran Yosë pënëninpoaꞌ. “Casoꞌ noyasáchin ninahuë. Napoaton canpitantaꞌ noyasáchin nicoꞌ,” itërinpoaꞌ.

Apocalipsis 21:8

Aꞌnapitaso nipirinhuëꞌ parisitáponaꞌ. Ayaroꞌ tahuëri naꞌa piyapiꞌsaꞌ pënquë paꞌsapi. Tëꞌhuatonaꞌ aꞌpopisopita, co natëpisopitahuëꞌ, co natëtochináchinhuëꞌ cancantopisopita, tëpatonaꞌpiroꞌsaꞌ, monshihuaninsopita, pënotonoꞌsaꞌ, mamanshi chinotopisopita, nonpinaꞌpiroꞌsaꞌ, inapita panca sono shaꞌpimoꞌshirë chachin pën tënëntápaquë paꞌsapi. Inaquë parisitáponaꞌ. Huaranca huaranca piꞌipintaꞌ nipirinhuëꞌ, co onporontaꞌ pipiapihuëꞌ.

Apocalipsis 22:15

Aꞌnaquënso nipirinhuëꞌ, co onporontaꞌ Yosë yaꞌhuërinquë paꞌsapihuëꞌ. Niꞌni pochin cancantopisopita, pënotonoꞌsaꞌ, monshihuanaꞌpiroꞌsaꞌ, tëpatoroꞌsaꞌ, mamanshi chinotopisopita, inapita aipiran yaꞌhuëmiatapi. Aꞌnaquëontaꞌ nonpinápi niꞌton, co nohuantapihuëꞌ noꞌtën nanan imacaisoꞌ. Inapitantaꞌ co onporontaꞌ Yosëꞌpaꞌ paꞌsapihuëꞌ.