Romanos 2:28 - Chayahuita (Shahui)

²⁸ Cotioroꞌsanquëmaꞌ nipiramahuëꞌ, co ina marëꞌ piyapinënpita pochin niꞌninquëmahuëꞌ. Inapochachin Yosë marcanëntaꞌ co topinan nonënpoaquë niacotacasoꞌ yaꞌhuërinhuëꞌ.

Romanos 2:28 ပူးပေါင်းရင်းမြစ်များ

Salmos 73:1

Yosësoꞌ, israiroꞌsanpoa paꞌpi nosororinpoaꞌ. Noyápiachin cancantohuatëhuaꞌ, nosororinpoaꞌ.

Jeremías 9:25

(-)

Mateo 3:9

Ama canpitaora ninonpintocosohuëꞌ. “Apraan shinpitacoi niꞌtoi, Yosë piyapinënpitacoi,” ama tocosohuëꞌ. Yosë nohuantërin naporini, iso naꞌpiroꞌsantaꞌ Apraan shinpita atarantacasoꞌ nanichitonhuëꞌ.

Juan 1:47

Natanino yaꞌcarirahuasoꞌ, Quisosori quënanin. —Pasoꞌ quëmapi niꞌcoꞌ. Israiromia chachin inasoꞌ. Co piꞌpisha tërantaꞌ nonpininhuëꞌ, itërin Quisosori.

Romanos 2:17

Aꞌnaquëmaꞌ cotioroꞌsanquëmaꞌ niꞌton, aꞌnapita nocanamaꞌ: “Moisësë pënëntërinsoꞌ natëhuatoi, chaꞌësarai,” tënamaꞌ. “Yosë naꞌcon naꞌcon nosororincoi,” tomantatomaꞌ, aꞌnapita nocanamaꞌ.

Gálatas 6:15

Marcasoꞌ co onpopinchin yonquicasoꞌ yaꞌhuërinhuëꞌ. Co ina marëꞌ Yosë noya niꞌninpoahuëꞌ. Quisocristo imapatëhuaꞌ, nasha cancan quëtërinpoaꞌ. Ina marëꞌ tëhuënchinsoꞌ noya niꞌninpoaꞌ.

Efesios 2:11

Isontaꞌ iyaroꞌsaꞌ yonquicoꞌ. Iráca co piꞌpian tërantaꞌ Yosë nohuitëramahuëꞌ. Canpitasoꞌ nisha piyapiꞌsanquëmaꞌ niꞌton, cotioroꞌsaꞌ nocaninënquëmaꞌ. “Quiyasoꞌ Yosë piyapinënpitacoi. Canpitasoꞌ co marca tërantaꞌ nonëmaquë niacotëramahuëꞌ,” itërinënquëmaꞌ.

1 Pedro 3:21

Inapochachin iporasoꞌ Yosë nichaꞌësarinpoaꞌ. Anoyacancantohuachinpoaꞌ, aporintërinënpoaꞌ. Co nëꞌhuë inquitinënpoaso marëꞌ aporintërinënpoahuëꞌ. Aporintohuachinënpoara, Yosë nontërëhuaꞌ catahuainpoaso marëꞌ. “Yaꞌipi oshanëhuë inquitoco. Catahuaco noyasáchin nicato, noyápiachin cancanchi,” itërëhuaꞌ. Ina marëꞌ anoyacancantërinpoaꞌ. Quisocristo nanpiantarin niꞌton, nichaꞌësarinpoaꞌ.

Apocalipsis 2:9

Imaramacoso marëꞌ naꞌcon parisitëramasoꞌ nitotërahuë. Co naꞌa maꞌsha yaꞌhuëtopirinquëmahuëꞌ, Yosë nohuitacamasoachin cancantatomaꞌ, sano cancantëramaꞌ. Aꞌna tahuërintaꞌ Yosëꞌpaꞌ paꞌpatamaꞌ, co mantaꞌ pahuantarinquëmahuëꞌ. Iporaso nipirinhuëꞌ aꞌnaquën chiníquën pinorinënquëmaꞌ. ‘Yosë piyapinëncoi quiyasoꞌ,’ topirinahuëꞌ, Satanasë huëntonënquë yaꞌconpi.