Romanos 2:21 - Chayahuita (Shahui)

²¹ Aꞌnapita aꞌchintopiramahuëꞌ, ¿onpoatomataꞌ canpita chachinsoꞌ co yonquiramahuë? “Ama ihuatocosohuëꞌ,” tapomarahuëꞌ, ¿onpoatomataꞌ ihuatëramaꞌ?

Romanos 2:21 ပူးပေါင်းရင်းမြစ်များ

Isaías 42:20

Naꞌcon catahuaranquëmaso nicapomarahuëꞌ, co yanatëramacohuëꞌ. Noya natantapomarahuëꞌ, shaꞌhuitëranquëmasopita co natëtëramahuëꞌ.

Miqueas 3:11

Coisëroꞌsa pahuërëhuachinara, co huachi tëhuënaꞌpiroꞌsa anaꞌintopihuëꞌ. Corto huaꞌanoꞌsanta pahuërëai huarëꞌ, nanamëhuë aꞌchinpi. Pënëntonaꞌpiroꞌsanta pahuërëhuachinara: “Yosë catahuarinpoa canpoasoꞌ. Niꞌsárinpoa niꞌton, co manta onpoarihuahuëꞌ. Noya yaꞌhuëáparihuaꞌ,” itopi.

Mateo 21:13

—Yosë quiricanën quëran pënëninpoaꞌ. “Ca nohuanto, pëinëhuë yaꞌhuërin piyapiꞌsaꞌ nontinacoso marëꞌ,” tënin Yosë. Canpitaso nipirinhuëꞌ, ihuatëroꞌsaꞌ yaꞌhuëpiquë pochin nitëramaꞌ, itërin Quisosori.

Lucas 11:46

Napotohuachina, cotio maistroꞌsantaꞌ pënënaton, itapon: —¡Maꞌhuantacha canpitantaꞌ nisarama paya! Naꞌcon piyapiꞌsaꞌ pënënpiramahuëꞌ, nani maꞌsha natëcaisoꞌ shaꞌhuitëramaꞌ niꞌton, panca pëꞌpëtërëso pochin ninatanpi. Aꞌchintopiramahuëꞌ, co piꞌpisha tërantaꞌ catahuaramahuëꞌ natëcaisoꞌ.

Lucas 12:47

Aꞌna piyapinënsoꞌ patronëni shaꞌhuitopirinhuëꞌ, co yonquirinhuëꞌ. Noya nitotaponahuëꞌ, co natërinhuëꞌ. Co maꞌshanënpita noya tapatërinhuëꞌ niꞌton, chini chiníquën ahuihuitarin.

Lucas 19:22

‘Quëmasoꞌ co noyanquënhuëꞌ, chiroran. Co piꞌpisha tërantaꞌ natërancohuëꞌ. Quëmaora nanamën quëran napotaranquën. Co sacataponahuëꞌ, canaran, ¿itëranco ti?

Lucas 4:23

Ina quëran Quisosori itaantarin: —Iráca quëran huarëꞌ napopi: “Nitoanoyatohuatan, quëmaꞌton nianoyatëquëꞌ niꞌii,” topi. Ina pochin canpitantaꞌ yonquiramaꞌ tënahuë. “Capinaomoquë naꞌa caniaꞌpiroꞌsaꞌ aꞌnaroáchin anoyatëran niꞌquëhuarëꞌ, isëquëntaꞌ anoyatëquëꞌ niꞌii,” itaramaco, tënin.

1 Corintios 9:27

Co noyahuëꞌ yonquihuatëra, aꞌnaroáchin naniantërahuë. Co nohuantërahuëꞌ piꞌpian tërantaꞌ oshahuanacaꞌhuasoꞌ. Nohuantasoꞌ Yosë marëꞌ sacatarahuë. Aꞌnapita naꞌcon pënënpirahuëꞌ, co casoꞌ noya nipatohuëꞌ, co Yosë noya niꞌsarincohuëꞌ, co acanaarincohuëꞌ, tënahuë.

Gálatas 6:13

Co inapita tërantaꞌ yaꞌipi pënëntërinsoꞌ natëpirinahuëꞌ, marca yaacotarinënquëmaꞌ. Niacotohuatamaꞌ, paꞌyatapi. “Niꞌcoꞌ. Nisha piyapiꞌsantaꞌ natëtënënpoaꞌ, marca niacotopi,” tosapi.