Romanos 16:6 - Chayahuita (Shahui)

⁶ Mariantaꞌ saludos aꞌpatarahuë. Naꞌcon catahuarinquëmaꞌ.

Romanos 16:6 ပူးပေါင်းရင်းမြစ်များ

Mateo 27:55

Sanapiꞌsaꞌ Cariria quëran huëꞌpisopitantaꞌ, aquë quëran notëërapi. Inapitasoꞌ Quisoso imaquipi nocomacaiso marëꞌ. Iporasoꞌ chimininsoꞌ niꞌsapi antaꞌ.

Mateo 5:47

Iyamaráchin noya nontohuatamaꞌ, co noya noya ninamahuëꞌ. Co Yosë nohuitopisopitahuëntaꞌ inahua capini noya ninontopi. Napoaton canpitasoꞌ nisha piyapiroꞌsantaꞌ noya nontocoꞌ.

Romanos 16:12

Imoya Tripina, Imoya Triposa, inapitantaꞌ saludos aꞌpatarahuë. Nani tahuëri piyapiꞌsaꞌ catahuapi Yosë imacaiso marëꞌ. Imoya Pirisitantaꞌ noya niꞌnahuë. Inantaꞌ naꞌcon piyapiꞌsaꞌ catahuarin niꞌton, saludos aꞌpatarahuë.

Romanos 16:5

Aquiro pëinënquë chachin aꞌnaquën niyontonpi Yosë chinotacaiso marëꞌ. Inapitantaꞌ yonquiato, saludos aꞌpatarahuë. Ipinitontaꞌ saludos aꞌpatarahuë. Asia parti paꞌpatëra, inaꞌton Quisocristo imarin. Inaroꞌco noya nipayarai.

Romanos 16:7

Antronico, Coniasë inapitantaꞌ saludos aꞌpatarahuë. Inapitasoꞌ ca pochin cotio piyapi nipi. Quisocristo imapi antaꞌ. Imaraiso marëꞌ napopináchin tashinan pëiquë poꞌmorinacoi. Yosë nohuanton, iráca inahuantaꞌ acopi aꞌchinacaiso marëꞌ. Noya aꞌchinpi. Coꞌhuara ca imayatërasocohuëꞌ, imapi.

1 Tesalonicenses 5:12

Ansianoꞌsaꞌ iyaroꞌsaꞌ noya niꞌcoꞌ, tënahuë. Sinioro nohuanton, ansiano yaꞌconpi pënënainquëmaso marëꞌ. Co chirotonahuëꞌ, aꞌchintarinënquëmaꞌ. Pëshonpatamaꞌ, otërarinënquëmaꞌ niꞌton, noya niꞌcoꞌ.

1 Timoteo 5:10

Noya nininsoráchin acoꞌinaꞌ. Iso pochin nipisopita: Huaꞌhuinpita noya asoꞌsorinsoꞌ. Niꞌtoroꞌsaꞌ huëꞌpachinara, oꞌshitërinsoꞌ. Co mantaꞌ apirarinsohuëꞌ. Piyapinën pochin cancantaton, imapisopita catahuarinsoꞌ. Parisitopisopita nosororinsoꞌ. Noyasáchin nininsoꞌ. Ina pochin nipisopita acoꞌinaꞌ.