Romanos 16:4 - Chayahuita (Shahui)

⁴ Iráca aꞌnapita yatëpapirinacohuëꞌ, inapita co chimirin tëꞌhuatatonaraihuëꞌ, catahuarinaco. Ina marëꞌ piꞌpíshachin shichiminaponaraihuëꞌ, catahuarinaco niꞌton, chaꞌërahuë. Ina marëꞌ “Yosparinquën,” itërahuë. Nisha piyapiꞌsaꞌ imapisopitarintaꞌ “Yosparinquën,” itopi inahuarintaꞌ.

Romanos 16:4 ပူးပေါင်းရင်းမြစ်များ

2 Samuel 22:41

Quëma nohuanton inimicoroꞌsa taꞌananpirinaco. Taꞌapirinahuë imarahuë. Inapotato, noꞌhuirinacosopita tiquirahuë.

Miqueas 2:3

Napoaton Sinioro napotërinquëmaꞌ: “Naporamaso marëꞌ carimantaꞌ, nani yonquirahuë maꞌsha onpotaꞌhuanquëmasoꞌ. Paꞌpi chiníquën maꞌsha onpoarama niꞌton, co chaꞌësaramahuëꞌ. Inapotohuatënquëmaꞌ, co huachi nocantamasoꞌ yonquiaramahuëꞌ. Paꞌpi co noyahuëꞌ tahuëriꞌsa nisarin niꞌton, napoaramaꞌ.

Juan 15:13

Niꞌcoꞌ iyaroꞌsaꞌ. Nipayarësoꞌ naꞌcon nosorohuatëra, ina nichaꞌëcaso marëꞌ chiminëꞌ. Inapochachin cantaꞌ naꞌcon nosoroatënquëmaꞌ, canpita nichaꞌëcaꞌhuanquëmaso marëꞌ chiminarahuë. Co insontaꞌ ina pochin nosororinquëmahuëꞌ.

Hechos 15:26

Sinioro Quisocristo nanamën shaꞌhuipiso marëꞌ naꞌcon aparisitopi. Aꞌnaquëni noꞌhuitonaꞌ, piꞌpíshachin shitëpapi.

Hechos 15:41

Yaꞌipi Siria parti paꞌtatonaꞌ, nisha nisha ninanoquë paꞌpi. Quisoso imapisopita pënënaꞌpiapi chiníquën cancantacaiso marëꞌ. Sirisia partintaꞌ paantatonaꞌ, inachachin pënëantapi. Quisoso nanamën shaꞌhuitatonaꞌ, imapisopita achinicancanpi.

Hechos 16:5

Napohuachina, Quisoso huëntonënquë yaꞌconpisopita natëtonaꞌ, noya noya imasapi. Naporahuaton aquë aquëtë naꞌasapi.

Hechos 9:31

Ina quëran Quisoso imapisopita noya yaꞌhuapi. Co huachi insoari tërantaꞌ aparisitërinhuëꞌ. Cotia parti, Cariria parti, Samaria parti, inaquëpita sano yaꞌhuatonaꞌ, noya noya imasapi. “Sinioro chiníquën nanantërin,” taꞌtonaꞌ, nóya natëpi. Ispirito Santori catahuarin niꞌton, aꞌnapitanta imasapi.

Romanos 16:3

Pirisira, Aquiro, inapita yonquiato, saludos aꞌpatarahuë. Naꞌcon catahuarinaco Quisocristo nanamën aꞌchinacaꞌhuaso marëꞌ.

Romanos 16:5

Aquiro pëinënquë chachin aꞌnaquën niyontonpi Yosë chinotacaiso marëꞌ. Inapitantaꞌ yonquiato, saludos aꞌpatarahuë. Ipinitontaꞌ saludos aꞌpatarahuë. Asia parti paꞌpatëra, inaꞌton Quisocristo imarin. Inaroꞌco noya nipayarai.

Romanos 5:7

Niꞌcoꞌ. Piyapi noya niponahuëꞌ, co insontaꞌ yaꞌhuërënamën chiminacasoꞌ nohuantërinhuëꞌ. Noya noya nipachin, nichaꞌëcaso marëꞌ aꞌnaraꞌ yaꞌhuërëtapon nimara.

1 Corintios 16:1

Aꞌnantaꞌ shaꞌhuichinquëmaꞌ, yonquicoꞌ. Aꞌnaquën imapisopita maꞌsha pahuantarin niꞌton, parisitapi. Inapita catahuacaso marëꞌ coriqui yaaꞌparamaꞌ. Carasiaquë imapisopitantaꞌ coriqui aꞌparapi. Inapita nani shaꞌhuitërahuë coriqui yontonacaiso marëꞌ. Inapochachin canpitantaꞌ shaꞌhuitaranquëmaꞌ.

1 Corintios 7:17

Yosë nohuanton, nisha nisha ninëhuaꞌ. Co napopináchin ninëhuahuëꞌ. Onpopinsona nicasëhuaꞌ Yosë imapatëhuaꞌ, inachachin niahuaꞌ. Yaꞌhuërëhuaquë chachin sano yonquiatëhuaꞌ, imahuaꞌ. Paato, yaꞌipi imapisopita inachachin pënënarahuë.

1 Tesalonicenses 2:14

Iráca Cotia parti naꞌa piyapiꞌsaꞌ Quisocristo imatonaꞌ, natëpi. Aꞌnapita cotioroꞌsariso nipirinhuëꞌ, noꞌhuitonaꞌ chiníquën aparisitopi. Iporasoꞌ iyaroꞌsaꞌ canpitantaꞌ parisitëramaꞌ. Yaꞌhuëhuanoꞌsaꞌ inapochachin aparisitarinënquëmaꞌ.

1 Juan 3:16

Quisocristoso nipirinhuëꞌ naꞌcon nosoroatonpoaꞌ, nichaꞌëinpoaso marëꞌ chiminin. Chiminaton, nosororinpoasoꞌ anitotërinpoaꞌ. Inapochachin iyaroꞌsaꞌ, yaꞌipi Quisocristo imapisopita nosorocasoꞌ yaꞌhuërin. Naꞌcon ninosoroaꞌahuaꞌ. Quisoso yaꞌhuërënamënpoaꞌ chimininso pochachin nosorocasoꞌ yaꞌhuërin.

Apocalipsis 1:4

Ca Coanshaco quirica aꞌpataranquëmaꞌ. Asia parti yaꞌhuëramasopita ninshitaranquëmaꞌ. Imaramaꞌ niꞌton, aꞌnaya aꞌnaya ninanoroꞌsaquë niyontonatomaꞌ, Yosë chinotëramaꞌ. Canchisë ninanoquë niyontonamasoꞌ aꞌnaya aꞌnayanquëmaꞌ yonquiatënquëmaꞌ, ninshitaranquëmaꞌ. Inaora nohuanton, Tata Yosë noya catahuainquëmaꞌ. Asanocancainquëmaꞌ. Iráca quëran huarëꞌ yaꞌhuërin. Ipora huantaꞌ nanpiarin. Inasoꞌ yaꞌhuërápon. Co onporontaꞌ chimianinhuëꞌ. Huaꞌanëntacasoꞌ shiranën notënanquë canchisë ispiritoroꞌsaꞌ yaꞌhuapi catahuainquëmaso marëꞌ.