Romanos 16:17 - Chayahuita (Shahui)

¹⁷ Quisocristo nanamën nóya aꞌchintërinënquëmaꞌ. Aꞌnaquënso nipirinhuëꞌ co noꞌtëquën aꞌchinpihuëꞌ. Yaanishacancantopi. Niꞌcona, iyaroꞌsaꞌ, nonpintochinënquëmaꞌ. Insëquësona aꞌchintohuachinara, nisha nisha yonquiapi. Ama inapita natancosohuëꞌ. Tananpitocoꞌ paꞌinaꞌ.

Romanos 16:17 ပူးပေါင်းရင်းမြစ်များ

Mateo 18:17

Co inapita tërantaꞌ yanatëantahuachinhuëꞌ, yaꞌipi imaramasopita niyontonpachinaꞌ, yaꞌipiya shaꞌhuitëquëꞌ inahuarintaꞌ nanan anoyachinaꞌ. Inapitarintaꞌ pënëantapirinahuëꞌ, co inapita tërantaꞌ yanatantahuachinhuëꞌ, ama huachi iyama pochin niꞌcosohuëꞌ. Co imarinso pochinhuë nipon, Noma copirno marëꞌ coriqui maꞌpatonaꞌpi pochin nipon niꞌco huachi.

Mateo 18:7

Isoroꞌpaquë sacaiꞌ Yosë imacasoꞌ. Nisha nisha yaꞌhuërin piyapiꞌsaꞌ anishacancantacaisoꞌ. Ina marëꞌ oshahuanpi. Anishacancantonaꞌpiso nipirinhuëꞌ, naꞌcon naꞌcon oshahuanin. Yosëri chiníquën anaꞌintarin niꞌton, ¡maꞌhuantacha nisarin paya!

Mateo 7:15

Ina quëran itaantarin: “Niꞌcona iyaroꞌsaꞌ nonpin nanan pënëntonaꞌpiroꞌsaꞌ nonpintochinënquëmaꞌ. ‘Quiyantaꞌ imarai,’ itopirinënquëmahuëꞌ, co cancanëna quëran imapihuëꞌ. Tanan niꞌniꞌ yamapintërinso pochin cancantatonaꞌ, yatapicancaninquëmaꞌ. Co noꞌtëquën aꞌchinpihuëꞌ.

Lucas 17:1

Ina quëran caꞌtanoꞌsanënpita pënëantarin. “Nisha nisha maꞌsha yaꞌhuërin anishacancantiinpoasoꞌ. Nipirinhuëꞌ, anishacancantonaꞌpisoꞌ paꞌpi co noyahuëꞌ niꞌton, ¡maꞌhuantacha nisarin paya! Ina marëꞌ Yosëri chiníquën anaꞌintarin.

Hechos 15:24

Iꞌhua aꞌnaquën isëquëran paꞌpachinara, nisha aꞌchintërinënquëmaꞌ. ‘Co Moisësë pënëntërinsoꞌ natëhuatamahuëꞌ, co Yosë huëntonënquë yaꞌconaramahuëꞌ,’ itërinënquëmaꞌ. Co quiyari aꞌpapiraihuëꞌ, paꞌpi. Natanahuatomaꞌ, nisha nisha yonquiramaꞌ. Pirnapi Paonorë chachin huëcaton, nani shaꞌhuitirincoi. Ipora huarëꞌ nitotatoi, ninshitarainquëmaꞌ.

1 Corintios 11:18

Yosë chinotacaso marëꞌ niyontonpatamara, aꞌna huënton aꞌna huënton nicatomaꞌ, ninoꞌhuiramaꞌ, natantërahuë. Noꞌtëquën shaꞌhuitërinaco, topirahuëꞌ.

1 Corintios 3:3

Co noyahuëꞌ yonquiramasopita co nanianchátëraramahuëꞌ. Canpita capini ninoyapatomaꞌ, ninoꞌhuiramaꞌ. ¿Onpoatontaꞌ canpitaora nohuantëramasoachin yonquiconamaꞌ? Nisha nisha yonquiatomaꞌ, co imapisopitahuë pochin cancantëramaꞌ.

Gálatas 2:4

Aꞌnaquën cotioroꞌsaso nipirinhuëꞌ, “Quiyantaꞌ imarai,” taponaraihuëꞌ, co Quisocristoráchin imapihuëꞌ. Iráca pënëntërinsontaꞌ imapi. Yashaꞌhuirapitonacoi, niyontonpiso pëiquë yaꞌconpi Quisocristo imatoi naporaisopita nicacaiso marëꞌ. “Iráca pënëntërinsontaꞌ natëcasoꞌ yaꞌhuërin,” taꞌtonaꞌ, yaanishacancantërinacoi nisha nisha natëcaꞌhuaiso marëꞌ.

Filipenses 3:17

Yaꞌipinquëmaꞌ iyaroꞌsaꞌ nonanco. Nicatahuacoꞌ ca pochachin imacamaso marëꞌ. Aꞌnaquën nani quiya pochin cancantapi. Inapitantaꞌ nicatomaꞌ, nonancoꞌ.

Colosenses 2:8

Aꞌnaquënso nipirinhuëꞌ nisha aꞌchinpi. Niꞌcona oshaquëran anishacancantochinquëmaꞌ. Nonpin nanan inahuara yonquipisoꞌ aꞌchinapi. Piyapiꞌsaꞌ yonquipisoráchin imasapi. Quisocristo aꞌchininsoꞌ co imapihuëꞌ. Nisha nisha isoroꞌpaquë chiníquën nanantopisopita yonquiatonaꞌ, nisha pënëntapi. Yaocoirinënquëmaꞌ. Canpitaso nipirinhuëꞌ ama inapita natëcosohuëꞌ.

2 Tesalonicenses 3:6

Sinioro Quisocristo nanan quëtërincoi niꞌton, noꞌtëquën iyaroꞌsaꞌ pënënainquëmaꞌ. Aꞌnaquëmasoꞌ imapomarahuëꞌ, co sacatatomahuëꞌ, nisha nisha yonquiramaꞌ. Yosë nanamën noꞌtëquën aꞌchintopirainquëmahuëꞌ, co natëramacoihuëꞌ. Insosona inapohuachin, ama inapitarëꞌquëmaꞌ nipayacosohuëꞌ.

1 Timoteo 1:3

Iꞌhua Masitoniaquë yapaꞌpatëra, shaꞌhuitëranquën. “Ipisoquë yaꞌhuëtaquëꞌ pënëntamaso marëꞌ,” itëranquën. Iporantaꞌ inachachin shaꞌhuitaranquën. Inaquëranchin yaꞌhuaton, pënëntáquëꞌ. Aꞌnaquën nisha nisha nanan aꞌchinapi. Inapita shaꞌhuitëquëꞌ ama ina pochin aꞌchiꞌinasohuëꞌ.

2 Timoteo 3:5

“Quiyantaꞌ Yosë imarai,” topirinahuëꞌ, co tëhuënchachin imapihuëꞌ. Chinotopirinahuëꞌ, co cancanëna quëran huarëꞌ natëpihuëꞌ niꞌton, co Yosëri catahuarinhuëꞌ ina pochin cancantacaisoꞌ. Ama inapita natanquësohuëꞌ. Tananpitëquëꞌ paꞌinaꞌ.

Tito 3:10

Aꞌna piyapi nisha nanan aꞌchinpachin, imapisopita nisha nisha ayonquirin. Inasoꞌ pënënquëꞌ noꞌtëquën aꞌchinchin. Co yanatëhuachinquënhuëꞌ, naquëranchin pënëantaquëꞌ. Ina quëran co yanatëantahuachinquënhuëꞌ, shaꞌhuitëquëꞌ taꞌchin. Ama insoari tërantaꞌ ina natëinasohuëꞌ. Ama huachi imarinso pochin niꞌcosohuëꞌ.

1 Juan 2:19

“Quiyantaꞌ imarai,” topirinahuëꞌ, nani pipipi. Co tëhuënchachin Yosë huëntonënquë yaꞌconpihuëꞌ. Yaꞌconpi naporini, co pipiitonahuëꞌ. Pipipi quëran nitotërëhuaꞌ. “Co onporontaꞌ cancanëna quëran huarëꞌ imapihuëꞌ,” tënëhuaꞌ.

Judas 1:19

Inahuara nohuantopisoꞌ nisapi. Co Ispirito Santori yaꞌcoancantërinhuëꞌ. Nisha aꞌchinatonaꞌ, piyapiꞌsaꞌ anishacancantopi, aꞌna huënton aꞌna huënton co huachi noya niniꞌtonaꞌ, yaꞌhuapihuëꞌ.