Romanos 15:8 - Chayahuita (Shahui)

⁸ Iráca cotioroꞌsaꞌ shimashonënaꞌ nontaton, Yosëri itërin: “Aꞌna tahuëri Cristo aꞌpaimarahuë,” itërin. Napoaton Quisocristo aꞌpaimarin cotioroꞌsaꞌ catahuacaso marëꞌ. Shaꞌhuitërin niꞌton, aꞌpaimarin. Co onporontaꞌ nonpininhuëꞌ.

Romanos 15:8 ပူးပေါင်းရင်းမြစ်များ

Proverbios 8:7

Noꞌtën nanan nininsoꞌ shaꞌhuitaranquëmaꞌ. Nonpinacasosoꞌ, co costarincohuëꞌ.

Miqueas 7:20

Shimashonëhuëpita Apraan, Cacopo, inapita shaꞌhuitëran: ‘Shiparimapita nosoromiatato, co aꞌpoarahuëꞌ,’ itëran iráca. ¡Napotëranso chachin nicaton, nosorocoi!” itërahuë.

Mateo 15:24

Napotohuachinara, sanapi itërin: —Quëmasoꞌ imoya nisha piyapinquën. Israiroꞌsaꞌ catahuaꞌhuaso marëꞌ Yosë aꞌparinco. Inahuaso Yosë piyapinënpita nipirinahuëꞌ, ohuica chihuërinso pochin nipi niꞌton, catahuarahuë, itërin.

Mateo 20:28

Cantaꞌ Yosë quëran quëmapico niporahuëꞌ, co aꞌnapita camaicaꞌhuaso marëꞌ oꞌmarahuëꞌ. Piyapiꞌsaꞌ catahuacaꞌhuaso marëꞌ oꞌmarahuë. Chiminarahuë naꞌa piyapiꞌsaꞌ nichaꞌëcaꞌhuaso marëꞌ, itërin Quisosori.

Juan 1:11

Noꞌpanënquë chachin oꞌmapirinhuëꞌ, co piyapinënpitari nohuantopihuëꞌ. Nipirinhuëꞌ,

Juan 10:16

Aꞌnapita piyapiꞌsantaꞌ oshaquëran imasarinaco. Nisha piyapiroꞌsaꞌ niponaraihuëꞌ, yaimarinaco. Inapitantaꞌ nohuantërahuë imainacoso marëꞌ. Aꞌchintacasoꞌ yaꞌhuërin. Nanamëhuë natanpachinaꞌ, natëarinaco. Yaꞌipi imarinacosopita aꞌna huëntoínchin nisapi. Carisachin huaꞌanëntarahuë.

Hechos 13:46

Paonoso nipirinhuëꞌ chiníquën cancantaton, co tëꞌhuarinhuëꞌ. Pirnapintaꞌ chiníquën cancantërin. —Canpitaꞌton Yosë nanamën shaꞌhuitaꞌhuanquëmasoꞌ yaꞌhuëpirinhuëꞌ, aꞌporamaꞌ niꞌton, canpitaora tëhuënëma quëran co nanpimiataramahuëꞌ. Napoaton nisha piyapiꞌsaꞌ aꞌchintarai.

Romanos 11:22

Ma noyacha Yosësoꞌ nosororinpoa paya. Co natëpisopitasohuëꞌ nipirinhuëꞌ, chiníquën anaꞌintarin. Inasáchin imapatamaꞌ, nosoromiatarinquëmaꞌ. Nipirinhuëꞌ naniantohuatamaꞌ, anaꞌintarinquëmaꞌ canpitantaꞌ.

Romanos 11:30

Iráca co canpitasoꞌ natëpiramahuëꞌ, co israiroꞌsaꞌ nohuantopihuëꞌ niꞌton, Yosë nosoroatënquëmaꞌ, catahuarinquëmaꞌ.

Romanos 15:16

Quisocristo chachin aꞌparinco nisha nisha piyapiꞌsaꞌ aꞌchintaꞌhuaso marëꞌ. Nanamën aꞌchintarahuë inapitantaꞌ imacaiso marëꞌ. Aꞌchinato, Yosë marëꞌ sacatarahuë. Nisha piyapiꞌsantaꞌ imapachinaꞌ, Ispirito Santori yaꞌcoancantarin. Noyápiachin cancan quëtarin. Ina marëꞌ Yosëri noya niꞌsarin.

Romanos 3:26

Iporaso huachi Quisocristo chachin aꞌpaimarin yaꞌhuërënamënpoaꞌ chiminacaso marëꞌ. “Quisocristo oshanënpoa marëꞌ chiminin,” topatëhuaꞌ, oshanënpoaꞌ inquitarinpoaꞌ. Noyápiachin cancan quëtarinpoaꞌ. Ina imapatëhuaꞌ, Yosë noya niꞌsarinpoaꞌ. Co canpoantaꞌ anaꞌintarinpoahuëꞌ.

Romanos 3:3

Aꞌnaquënsoꞌ co huachi ina natëpihuëꞌ. Ina niponahuëꞌ, co nanitërëhuëꞌ: “Yosësoꞌ co noꞌtëquën shaꞌhuitërinhuëꞌ,” taꞌcasoꞌ.

Romanos 4:16

Napoaton Apraaniso natëton: “Yosë noꞌtëquën nontërinco,” topachina, Yosëri itërin: “Oshahuanpiranhuëꞌ, caora nohuanto, nosoroatënquën catahuaranquën. Huiꞌnanpitantaꞌ catahuarahuë,” itërin Yosëri. Co cotioroꞌsaráchin nosororinhuëꞌ. Yaꞌipi Apraan pochin cancantopisopitantaꞌ nosororin. Ina huiꞌninpita pochin ninëhuaꞌ.

1 Corintios 1:12

Nisha nisha nonamaꞌ: “Paono imarai,” tënamaꞌ aꞌnaquëmaꞌ. “Quiyasoꞌ Aporosë imarai,” tënamaꞌ aꞌnaquëmaꞌ. Aꞌnaquëmantaꞌ: “Pitro imarai,” tënamaꞌ. Aꞌnaquëmaso nipirinhuëꞌ: “Cristo imarai quiyasoꞌ,” tënamaꞌ.

1 Corintios 10:19

Mamanshisoꞌ co nanpirinhuëꞌ. Co chinotacasohuëꞌ nipirinhuëꞌ, aꞌnaquëni moshapi. Maꞌsha inapita chinotacaso marëꞌ tëpahuachinara, topinan quëran napopirinahuëꞌ, co mamanshiri niꞌninhuëꞌ, co nataninhuëꞌ.

1 Corintios 10:29

Caꞌpatamaꞌ, co ina marëꞌ oshahuanaramahuëꞌ. Aꞌnaquënso nipirinhuëꞌ niꞌpachinënquëmaꞌ, nisha nisha yonquiamara. Ina nosoroatomaꞌ, ama caꞌcosohuëꞌ. Aꞌnaquëmaso nipirinhuëꞌ, itaramaco: “¿Maꞌmarëtaꞌ aꞌnapita yonquiato cosharoꞌ aꞌpocaꞌhuasoꞌ yaꞌhuërin?

1 Corintios 15:50

Nonënpoaꞌ ipora yaꞌhuëtërinpoasoꞌ co nanitërinhuëꞌ Yosë huaꞌanëntërinquë paacasoꞌ. Chiminpatëhuaꞌ, nonënpoaꞌ chanatarin, co yaꞌhuëmiatarinhuëꞌ.

2 Corintios 1:20

Yaꞌipi Yosë shaꞌhuitërinpoasoꞌ Quisocristo acotarinpoaꞌ. Napoaton “Quisocristosoꞌ noꞌtëquën nonaton, catahuarinpoaꞌ. Ma noyacha Yosëso paya,” tënëhuaꞌ.

Efesios 2:12

Tëhuënchachin coꞌhuara imashatërapomahuëꞌ, co Quisocristo nohuitëramahuëꞌ. Iráca Yosëri israiroꞌsaꞌ huayonin piyapinënpita nicacasoꞌ niꞌton, “Nichaꞌësaranquëmaꞌ,” itërin. Co inapita pochin niꞌninquëmahuëꞌ. Shimashonënapitarëꞌ anoyatërinsoꞌ shaꞌhuitopirinhuëꞌ, co nitotëramahuëꞌ. Topinan quëran yaꞌhuëramaꞌ. Co Yosëꞌpaꞌ pacamasoꞌ ninaramahuëꞌ. Co piꞌpian tërantaꞌ Yosë nohuitëramahuëꞌ.