Romanos 15:4 - Chayahuita (Shahui)

⁴ Iráca Yosë quiricanënquë naꞌcon ninshitopi. Canpoantaꞌ yonquicaso marëꞌ napopi. “Iráca imapisopitantaꞌ maꞌsha onpoaponaraihuëꞌ, Yosë yonquiatonaꞌ, ahuantopi. Yosëri noya catahuahuachina, imamiatopi. Inapochachin Yosë noya catahuarinpoaꞌ canpoantaꞌ,” taꞌcaso marëꞌ ninshitopi.

Romanos 15:4 ပူးပေါင်းရင်းမြစ်များ

Habacuc 2:2

Ina quëran Sinioro anitotaantarinco: “Naꞌpi patëtahuaton nontë pochin acoquëꞌ. Inaquë maꞌsona anitotaranquënsoꞌ, aꞌninquëchin ninshitëquëꞌ. Noya nontatona nitotacaiso marëꞌ inapoquëꞌ.

Romanos 12:12

“Yosë ananpitaantarinpoaꞌ,” taꞌtomaꞌ, noya cancantocoꞌ. Maꞌsha onpohuatamaꞌ, ama noꞌhuitocosohuëꞌ. Chiníquën cancantatomaꞌ, ahuantocoꞌ. Apira apira Yosë nontocoꞌ.

1 Corintios 10:11

Yosë nohuanton, iráca napopisopita quiricanënquë ninshitopi pënëinpoaso marëꞌ. Inapita pochin nipatëhuaꞌ, anaꞌintarinpoaꞌ canpoantaꞌ. Nani anaꞌintacasoꞌ tahuëri naniriarin.

1 Pedro 1:13

Napoaton chiníquën cancantatomaꞌ, yonquicoꞌ noya nicacamasoꞌ. Sano yonquicoꞌ. Quisocristo oꞌmantahuachin, inaora nohuanton, nichaꞌësarinpoaꞌ. Ina ninatomaꞌ, noya cancantocoꞌ.